ភ្នំពេញ ប៉ុស្តិ៍
ក្រុមហ៊ុន Apple ចាប់ផ្តើមលក់ iPad ស៊េរីថ្មីចុងក្រោយបង្អស់នៅក្នុងប្រទេសចិន ដែលកំពុងទាញយកផលចំណេញក្នុងទីផ្សារដែលបានផ្តល់ប្រាក់ចំណូល ២០ភាគរយ។
ក្រុមហ៊ុន Apple បានបើកហាងជាច្រើនក្នុងទីក្រុងពេកាំង និងសៀងហៃនៅម៉ោង ៨ព្រឹកថ្ងៃនេះដើម្បីរាប់ចំនួនអតិថិជនដែលចង់កកទុក iPadស៊េរីថ្មី។ អតិថិជនទាំងអស់ត្រូវតែកកទុកជាមុនដើម្បីបានiPad នេះ។
ដោយសារក្នុងខែមករាកន្លងមក ប៉ូលីសត្រូវឈរចាំឈាមនៅមុខហាង Sanlitun នៅទីក្រុងពេកាំងដើម្បីទប់ស្កាត់វ៉ូងមនុស្សដែលឈរចាំទិញនៅខាងក្រៅ នៅពេលដែលមានការដាក់លក់ iPhone 4s។
អតិថិជនម្នាក់ ដែលជាអ្នកទិញ iPadក្នុងហាង Sanlitun ក្នុងទីក្រុងពេកាំង បាននិយាយថា «ប្រសិនក្រុមហ៊ុនបន្តការផលិត ឧបករណ៍ដែលអស្ចារ្យបែបនេះ, ខ្ញុំក៏នៅតែបន្តទិញដែរ។ មូលហេតុដែលខ្ញុំមិនទិញឧបករណ៍ក្រុមហ៊ុនដទៃ ដោយសារតែខ្ញុំគិតថា ឧបករណ៍ទាំងនោះមិនល្អដូចក្រុមហ៊ុនAppleផលិតទេ»។Bloomberg/លាង ផាន់ណារ៉ា
