ភ្នំពេញ ប៉ុស្តិ៍
ក្រុងបៃរូត/ក្រុងអាំម៉ាន់ៈ ទាហានស៊ីរីដែលគាំទ្រដោយឧទ្ធម្ភាគចក្រនិងរថក្រោះ បានវាយ បកវិញនៅក្រុងដាម៉ាស់ ប្រឆាំងនឹងយុទ្ធជនឧទ្ទាមដែលមានចិត្តក្លាហាន ពីការវាយប្រហារគ្រាប់បែកមួយប្រឆាំងនឹងមជ្ឈដ្ឋានផ្ទៃក្នុង របស់ប្រធានាធិបតី បាសារ អាល់-អាសាដ។
ទាហានរបស់លោក អាសាដ ដែលបានវាយលុកចូលខណ្ឌមួយដែលកាន់កាប់ដោយក្រុមឧទ្ទាមនៅក្នុង មជ្ឈមណ្ឌលពាណិជ្ជកម្ម អាឡិបប៉ូភាគខាងជើងកាលពីថ្ងៃសៅរ៍ បានយកក្រុមឧទ្ទាមដែលមានអាវុធតិចដែលបានចល័តតាមផ្លូវដោយថ្មើរ ជើង និងបានវាយប្រហារស្ថាប័នសន្តិសុខ និងប៉ុស្តិ៍ឆែកឆេរ ជាគោលដៅ។
អ្នកស្រុកបាននិយាយថា ស្នូរគ្រាប់ផ្លោងនៅរដ្ឋធានីនេះ គឺខ្លាំងណាស់នៅពេលព្រលប់ដែលពួកគេ មិនអាចដឹងថាវាជាការផ្ទុះរបស់កាំភ្លើងធំបុរាណដែលគេបាញ់ ដើម្បីបញ្ចប់ពិធីការតមអាហាររ៉ាម៉ាដនរាល់ថ្ងៃឬមិនមែន។
ក្រុមសកម្មជនប្រយុទ្ធ បាននិយាយថា ឧទ្ធម្ភាគចក្រជាច្រើន បានបាញ់រ៉ុក្កែតជាច្រើនគ្រាប់ចូលក្នុងសង្កាត់មួយក្បែរស្រុក សាយីដាហ្សេណាប ភាគខាងត្បូង ដោយធ្វើឲ្យមនុស្សស្លាប់ និងរបួសរាប់សិបនាក់។
ក្នុងសេចក្តីថ្លែងការណ៍មួយនៅក្រុងហ្សឺណែវគណៈកម្មាធិការកាកបាទ ក្រហមអន្តរជាតិ (ICRC) បាននិយាយថា៖ «នៅក្រុងដាម៉ាស់ ពលរដ្ឋ នៅតែបន្តស្វែងរកជម្រកសុវត្ថិភាពទាំងអស់សង្ឃឹម។ តម្រូវការមនុស្សធម៌ មានកាន់តែច្រើនឡើងៗ ខណៈស្ថានភាពនៅក្នុងទីក្រុងនេះ ចេះតែដុនដាប ហើយពលរដ្ឋមួយចំនួនធំ បានគេចខ្លួនពីសង្កាត់ពួកគេដើម្បីទៅរកជម្រកសុវត្ថិភាព»។
ក្រុមឃ្លាំមើលសិទ្ធិមនុស្សស៊ីរី បាននិយាយថា មនុស្ស១៤០នាក់ ដែលក្នុងនោះទាហាន៤៣នាក់ផង ត្រូវបានសម្លាប់នៅទូទាំងស៊ីរីកាល ពីថ្ងៃសៅរ៍៕ NR
