ភ្នំពេញ ប៉ុស្តិ៍
ភ្នំពេញៈ ជោគវាសនារយៈពេលខ្លីរបស់សេដ្ឋកិច្ចអាមេរិក ស្ថិតនៅលើល្បែង ដែលកំពុងលេងនាពេលបច្ចុប្បន្ន នៅក្រៅសភាអាមេរិក ដោយធនាគារកណ្តាលស្ទាក់ស្ទើរក្នុងការចាត់វិធានការណាមួយ ទោះបីជាសេដ្ឋកិច្ចអាមេរិក កំពុងធ្លាក់ចុះខ្លាំង ហើយអាចប៉ះពាល់ដល់កំណើនសេដ្ឋកិច្ចចិន និងធ្វើឲ្យការដោះស្រាយវិបត្តិបំណុលនៅអឺរ៉ុបស្ថិតនៅជាប់ គាំងក្ដី។
វត្ថុបំណងមួយចំនួន កំពុងទទួលបានការពេញនិយមខ្លាំង ពេលរៀបរាប់អំពីស្ថានភាពបច្ចុប្បន្ននៃសេដ្ឋកិច្ចអាមេរិក។ កំណើន បានធ្លាក់ចុះពី ៣ភាគរយនៅត្រីមាសទី១ឆ្នាំ២០១១មកនៅត្រឹម ១,៩នៅត្រីមាសទី១ ឆ្នាំ២០១២។ របាយការណ៍ប្រចាំខែរបស់ June ISM ផ្អែកលើការអង្កេតថ្នាក់ជាតិលើអ្នកគ្រប់គ្រងការទិញ បានបង្ហាញការធ្លាក់ចុះជាលើកដំបូងចាប់តាំងពីខែកក្កដា ឆ្នាំ២០០៩មក។ ចំនួនអ្នកធ្វើការថ្មីបំផុត បានធ្លាក់ចុះ ដោយមានការងារតែ ៨ម៉ឺននាក់ប៉ុណ្ណោះ។ ចំណែកអត្រាអត់ការងារធ្វើបានកើនឡើងដល់ ៨,២ភាគរយ។
នៅសម្បថជាផ្លូវការចំនួន ២ដង ក្នុងមួយឆ្នាំ ចំពោះមុខគណៈកម្មាធិការគ្រប់គ្រងប្រព័ន្ធធនាគារ លោក Bernanke ប្រធានធនាគារកណ្តាល បានបង្ហាញទិដ្ឋភាពសេដ្ឋកិច្ចរបស់អាមេរិក ដែលអាចនឹងធ្លាក់ចុះបន្ថែមទៀត នាពេលអនាគត។ ទោះបីលោកនិយាយថា សេដ្ឋកិច្ចកំពុងរីកចម្រើនល្មម ប៉ុន្តែនៅតែធ្លាក់ចុះក៏ដោយ ប៉ុន្តែលោកចង់ព្រមានថា ការធ្លាក់នៃសេដ្ឋកិច្ច អាចនឹងកើនឡើងនៅដើមឆ្នាំក្រោយ ហើយប្រហែលជាការងារតិចជាង១ទៅ ១ភាគ៤លាននឹងត្រូវបានបង្កើតឡើងនៅឆ្នាំ២០១៣ បើរដ្ឋាភិបាលមិនចាត់វិធានការដោះស្រាយបញ្ហា fiscal cliff ទេនោះ។
ពាក្យ fiscal cliff បង្កើតឡើងដើម្បីពិពណ៌នាអំពីអាណត្តិថ្ងៃទី១ ខែមករា ឆ្នាំ២០១៣ ដែលអត្រាពន្ធបន្ទាប់បន្សំរបស់អ្នកគ្រប់ៗគ្នា នឹងកើនឡើង ហើយការកាត់បន្ថយការចំណាយដោយស្វ័យប្រវត្តិ នឹងចាប់ផ្តើមចូលជាធរមាន។ ពន្ធកើនឡើង ហើយការចំណាយថយចុះ គួបផ្សំនឹងបញ្ហាអឺរ៉ុប និងចិនកាន់តែធ្ងន់ធ្ងរ ធ្វើឲ្យមានការសន្មតថា សេដ្ឋកិច្ចអាមេរិក កំពុងវិលទៅរកការធ្លាក់ចុះជាថ្មី។
Sen. Chuck Schumer មកពីគណបក្សប្រជាធិបតេយ្យនៅញូវយ៉ក បានណែនាំលោក Bernanke ឲ្យខិតខំប្រឹងប្រែង ដែលនេះជាអារម្មណ៍បង្ហាញដោយសមាជិកគណៈកម្មាធិការភាគច្រើន។ ផ្ទុយទៅវិញ លោកប្រធាន បានផ្តល់យោបល់ដល់គណៈកម្មាធិការនោះថា គឺរដ្ឋាភិបាល ដែលចាំបាច់ត្រូវខិតខំ។ លោកបន្តថា៖ «មធ្យោបាយដ៏មានប្រសិទ្ធភាពដែលសភាអាចជួយទ្រទ្រង់សេដ្ឋកិច្ចនៅពេលនេះ គឺខិតខំដោះស្រាយបញ្ហាប្រឈមសារពើពន្ធរបស់ប្រទេសជាតិ ដោយពិចារណាលើនិរន្តរភាពយូរអង្វែង និងការប៉ះពាល់ដល់ការងើបឡើងវិញនៃសេដ្ឋកិច្ច»។
ទាំងធនាគារកណ្តាល ទាំងសភាអាមេរិក នឹងចាត់វិធានការច្បាប់នៅពេលក្រោយ ដើម្បីចៀសវាងការធ្លាក់ចុះធ្ងន់ធ្ងរ។ សភា នឹងពន្យារពេលការដំឡើងពន្ធ និងការកាត់បន្ថយការចំណាយ បន្ទាប់ពីបោះឆ្នោតប្រធានាធិបតីនៅខែវិច្ឆិកា ឆ្នាំ២០១២ ហើយធនាគារកណ្តាល នឹងចាត់វិធានការនៅត្រីមាសទីបី ក្នុងជុំទីបីនៃការកាត់បន្ថយបរិមាណវិស័យនានា។
កាលពីខែវិច្ឆិកា ឆ្នាំ២០១០ ធនាគារកណ្តាល បានអនុវត្តកម្មវិធីចាក់បញ្ចូលសាច់ប្រាក់លើកទីពីរ(QE2)ទៅក្នុង ទីផ្សារដោយចំណាយទឹកប្រាក់ ៦០០ពាន់លានដុល្លារ ដើម្បីជំរុញឲ្យមានកំណើនសេដ្ឋកិច្ចនៅក្នុងប្រទេស និងបង្កើតការងារកាន់តែច្រើន។ បញ្ហានេះកើតឡើងនៅពេលអត្រាអត់ការងារធ្វើនៅក្នុងប្រទេសនេះ កើនឡើងដល់៩,៦ភាគរយ។
QE3 មិនអាចចៀសផុតបានឡើយ។ លោក Eric Rosengren ប្រធានធនាគារកណ្តាលប្រចាំរដ្ឋបូស្តុន ឲ្យដឹងថា QE ជាការសមស្រប ព្រោះកំណើនទីផ្សារការងារថយចុះ ហើយសេដ្ឋកិច្ចពិភពលោក ងាយរងវិបត្តិហិរញ្ញវត្ថុ។
បើប្រវត្តិនេះកើតឡើងជាថ្មីទៀត ប្រាក់ដុល្លារ អាចនឹងធ្លាក់ចុះ ហើយតម្លៃអចលនវត្ថុ នឹងកើនឡើង ពិសេស ភាគហ៊ុន និងទំនិញប្រើប្រាស់។ ការផ្លាស់ប្តូរផលបត្ររបស់វិនិយោគិន ក្នុងការព្យាករអំពី QE3 នឹងអាចដល់ពេលហើយ៕ CS
