ភ្នំពេញ ប៉ុស្តិ៍
និស្សិតស្រវឹងចាញ់កលនារីរកស៊ីផ្លូវភេទពេលរៀបឡើងគ្រែ
ភ្នំពេញ៖និស្សិតម្នាក់អាយុ២៥ឆ្នាំត្រូវបានស្ត្រីរកស៊ីផ្លូវភេទបីនាក់បោកប្រាស់អស់លុយជិត៣០០ដុល្លានិងទូរសព្ទ័ដៃមួយគ្រឿងកាលពីយប់រំលងអ្រធ្រាត្រឈានចូលថ្ងៃចន្ទ័ក្នុងខណ្ឌទួលគោក។និស្សិតរូបនេះបានឲ្យដឹងថាខ្លួនបានជិះម៉ូតូចេញពីផឹកស៊ីជាមួយពួកម៉ាកដោយស្រវឹងផង។ពេលនោះបានជួបនឹងស្ត្រីរកស៊ីផ្លូវភេទម្នាក់ហើយបាននិយាយត្រូវគ្នាទៅដេកផ្ទះសំណាក់ជាមួយគ្នា។មុននឹងទៅនាងបានសុំទូរសព្ទ័ខ្លួននិយាយហើយពេលនោះស្រាប់តែមានស្ត្រីរកស៊ីផ្លូវភេទ២នាក់ទៀតមកហើយបានកៀកកើយនឹងរូបគេ។ពេលនោះពួកនាងៗបានបន្លំយកកាបូបលុយរបស់ខ្លួនដែលក្នុងនោះមានលុយចំនួន២៩០ដុល្លាអាមេរិកហើយបាននាំគ្នាដើរគេចពីគេបាត់។
អាជីវករម្នាក់ចាញ់បោកគេអស់មាសប្រាក់ព្រោះលោភលន់
កំពត៖ប៉ូលិសក្រុងកំពតកំពុងតែស្វែងរកចាប់ខ្លួនស្ត្រីពីរនាក់ដែលបានបោកប្រាស់អាជីវករម្នាក់យកលុយអស់ជាង១លានរៀលនិងគ្រឿងអលង្ការកាលពីថ្ងៃសៅរ៍នៅក្នុងក្រុងកំពត។ប៉ូលិសបានឲ្យដឹងថាស្ត្រីពីរនាក់បានបង្ហាញថង់មួយទៅស្ត្រីរងគ្រោះអាយុ៣០ឆ្នាំនៅនឹងផ្សារមួយកន្លែងដោយអះអាងថាពួកគេរើសបានលុយ៣ម៉ឺនដុល្លាហើយចង់ចែកគ្នាជាព្រោះលុយនោះវាច្រើនពេកខ្លាចម្ចាស់គេមកទាន់។ពួកគេបាននាំស្ត្រីរងគ្រោះទៅចែកគ្នានៅកន្លែងស្ងាត់មួយហើយមុននឹងចែកបានបង្គាប់ឲ្យស្ត្រីរងគ្រោះដោះចិញ្ចៀនក្រវិលខ្សែកនិងលុយជាងមួយលានរៀលឲ្យពួកនាងសិន។ស្ត្រីរងគ្រោះបានធ្វើតាមពួកគេហើយភ្លាមៗនោះស្ត្រីពីរនាក់បានរត់គេចខ្លួនបាត់។ប៉ូលិសបានឲ្យដឹងថារឿងនេះជាអំពើឆបោក។ម៉្យាងវិញទៀតដោយសារតែស្ត្រីរងគ្រោះលោភលន់ចង់បានលុយគេផង។
ផឹកស្រាស្រវឹងបាត់មួយយប់ព្រឹកឡើងឃើញស្លាប់ក្នុងអណ្តូង
កំពត៖បុរសអាយុ៥៣ឆ្នាំម្នាក់ត្រូវបានអ្នកភូមិប្រទះឃើញស្លាប់នៅក្នុងអណ្តូងទឹកមួយស្ថិតនៅក្នុងស្រុកទឹកឈូកាលពីថ្ងៃសុក្រ។ប៉ូលិសបានឲ្យដឹងថាបុរសរូបនោះបានទៅផឹកស៊ីជាមួយអ្នកភូមិរហូតដល់ស្រវឹងហើយបានបាត់មិនឃើញទៅផ្ទះពេញមួយយប់។គ្រួសារគាត់បានខំដើររកតែមិនឃើញ។ស្រាប់តែព្រឹកឡើងអ្នកភូមិម្នាក់បានប្រទះឃើញសពគាត់នៅក្នុងអណ្តូងទឹក។ប៉ូលិសបានធ្វើពិនិត្យសាកសពហើយបានសន្និដ្ឋានថាបុរសរូបនោះស្លាប់ដោយសារលង់ទឹកពេលស្រវឹងស្រាខ្លាំង។
សងសឹកគំនុំចាស់ជិះម៉ូតូកាប់កមួយដាវស្លាប់
សៀមរាប៖យុវជនអាយុ២៤ឆ្នាំម្នាក់ត្រូវបានគេកាប់ស្លាប់នៅពេលឈមើលគេលេងបាល់ទះកាលពីថ្ងៃសៅរ៍នៅក្នុងក្រុងសៀមរាប។ប៉ូលិសបានឲ្យដឹងថាជនរងគ្រោះបានទៅមើលគេលេងបាល់ទះពេលនោះមានជនសង្ស័យពីរនាក់ជិះម៉ូតូមួយគ្រឿងមកឈប់នៅទីនោះ។ភ្លាមៗនោះម្នាក់ក្នុងចំណោមពួកគេបានចុះពីលើម៉ូតូកាប់ជនរងគ្រោះមួយដាវចំករបួសធ្ងន់ហើយបានស្លាប់ពេលបញ្ជូនទៅមន្ទីរពេទ្យ។ប៉ូលិសបានអះអាងថាករណីនេះបណ្តាលមកពីគំនុំព្រោះថានៅប៉ុន្មានសប្តាហ៍កន្លងមកនេះជនរងគ្រោះមានជម្លោះជាមួយនឹងអ្នកភូមិម្នាក់។
ជិះម៉ូតូគេចពីគេដេញវាយបុកថូផ្កាស្លាប់
ភ្នំពេញ៖បុរសអាយុ២៣ឆ្នាំម្នាក់បានស្លាប់ភ្លាមៗនៅកន្លែងកើតហេតុខណៈដែលមិត្តភក្ត័ម្នាក់រងរបួសធ្ងន់បន្ទាប់ពីពួកគេជិះម៉ូតូរត់គេចពីគេតាមវាយកាលពីថ្ងៃអាទិត្យស្ថិតនៅក្នុងសែនសុខ។ប៉ូលិសបានឲ្យដឹងថាជនរងគ្រោះបានកំសាន្តនៅក្លឹបរាត្រីមួយកន្លែងហើយមានជម្លោះជាមួយនឹងបុរសពីរនាក់។បុរសទាំងពីរនាក់នោះរកវាយជនរងគ្រោះ។ជនរងគ្រោះបានជិះម៉ូតូរត់គេចដោយភ័យពេកក៍ទៅបុកនឹងថូផ្កាដែលដាក់នៅមុខផ្ទះប្រជាពលរដ្ឋស្លាប់ម្នាក់របួសធ្ងន់ម្នាក់។
ម្ចាស់រវល់ទៅពិធីឡើងផ្ទះចោរស្ទាវគាស់លួចគ្រឿងអលង្ការអស់
កំពង់ធំ៖បុរសអាយុ២៦ឆ្នាំម្នាក់ឆ្លៀតពេលដែលម្ចាស់ផ្ទះជាប់រវល់ទៅចូលរួមពិធីឡើងផ្ទះគេបានលួចគាស់ផ្ទះលួចយកលុយនិងមាសប្រាក់កាលពីថ្ងៃព្រហស្បត្តិ៍នៅក្នុងស្រុកសណ្តាន់។ប៉ូលិសបានឲ្យដឹងថាជនសង្ស័យបានកកូរកកាយនៅក្នុងផ្ទះហើយលួចលុយជិត២០ម៉ឺនរៀលខ្សែកក្រវិលនិងខ្សែដៃ។មួយថ្ងៃក្រោយមកជនសង្ស័យត្រូវបានប៉ូលិសចាប់ខ្លួនបន្ទាប់ម្ចាស់ផ្ទះជាជនរងគ្រោះបានដាក់ពាក្យបណ្តឹង។គ្រឿងអលង្កាដែលលួចនោះត្រូវប្រគល់ឲ្យម្ចាស់ដើមវិញហើយប៉ូលិសបានបញ្ជូនជនសង្ស័យទៅតុលាការ។
កូនប្រុសស្រវឹងរុញម្តាយដួលសន្លប់ហើយដេញកាប់ឪពុក
បាត់ដំបង៖កូនប្រុសអាយុ២៦ឆ្នាំម្នាក់បានរុញម្តាយរហូតដួលសន្លប់ហើយទាញកាំបិតដេញកាប់ឪពុកកាលពីថ្ងៃអង្គារខណៈពេលដែលឪពុកម្តាយទាំងពីរនាក់នោះបានទៅឃាត់កូនប្រុសរូបនេះមិនឲ្យបង្កអំពើហឹង្សានៅផ្ទះម្តាយមីងរបស់គេនៅក្នុងស្រុកបាណន់។ប៉ូលិសបានឲ្យដឹងថាកូនប្រុសជាជនសង្ស័យបានអង្គុយផឹកស្រាទាំងព្រលឹមអស់ស្រាប្រហែលជា២លីត្រហើយឃើញដូចនោះម្តាយមីងរបស់គេអាយុ៤៥ឆ្នាំស្តីអោយដែលធ្វើឲ្យគេខឹងសម្បារ។ភ្លាមៗនោះគេបានយកាំបិតកាប់បន្លែនិងជញ្ជាក់ផ្ទះរបស់ម្តាយមីងនោះហើយថែមទាំងគំរាមរកកាប់សាច់ញាតិរបស់គេទៀតផង។ឪពុកម្តាយរបស់គេបានឃើញក៍ទៅឃាត់ក៏ត្រូវកូនប្រុសរុញដួលសន្លប់និងដេញកាប់តែម្តងទៅ។ជនសង្ស័យត្រូវបានប៉ូលិសចាប់ខ្លួនពាក់ពន្ធ័ករណីបង្ករបួសស្នាមនិងបំផ្លាញទ្រព្យអ្នកដទៃ។
ស្ត្រីវ័យកេ្មងយកម៉ូតូគេទៅបញ្ជាំលេងបៀរត្រូវចាប់ខ្លួន
កំពង់ធំ៖ស្ត្រីអាយុ១៧ឆ្នាំម្នាក់ត្រូវបានចាប់ខ្លួនកាលពីថ្ងៃសៅរ៍បន្ទាប់ពីនាងបានយកម៉ូតូគេទៅបញ្ជាំយកលុយលេងបៀរនៅក្នុងស្រុកស្ទោង។ប៉ូលិសបានឲ្យដឹងថាជនសង្ស័យបានខ្ចីម៉ូតូគេថាយកទៅឌុបយាយតែបែរជាយកទៅបញ្ជាំបាត់ពីរបីថ្ងៃយកលុយលេងបៀរចាញ់អស់។ម្ចាស់ម៉ូតូបានប្តឹងហើយប៉ូលិសចាប់ខ្លួននាងតែម្តងទៅ។ប៉ូលិសបញ្ជាក់ថាគ្រួសាររបស់ស្ត្រីរូបនោះញៀននឹងល្បែងស្ទើរគ្រប់គ្នា។ពេលអស់លុយលេងក៍បែកគំនិតយកម៉ូតូទៅបញ្ជាំតែម្តងទៅ។
ស្ត្រីទំលាក់ស្ពាន់ថាមាសបោកប្រាស់គេត្រូវប៉ូលិសចាប់បញ្ជូនទៅតុលាការ
ភ្នំពេញ៖ស្ត្រីម្នាក់អាយុ៣៦ឆ្នាំត្រូវបានប៉ូលិសចាប់ខ្លួនបញ្ជូនទៅតុលាការកាលពីថ្ងៃអង្គារបន្ទាប់ពីស្ត្រីរូបនេះបានឆបោកកម្មករកាត់ដេរ២នាក់ដោយបានទំលាក់ស្ពាន់ថាមាសនៅជិតរោងចក្រមួយស្ថិតនៅក្នុងខណ្ឌសែនសុខ។ប៉ូលិសបានឲ្យដឹងថាកាលពីថ្ងៃទី២៤ខែមិថុនាស្ត្រីរូបនេះបានខ្ចប់ស្ពាន់មួយកញ្ចប់នៅក្នុងថង់ហើយបានយកទៅទំលាក់នៅតាមផ្លូវទៅរោងចក្រមួយ។ភ្លាមៗនោះមានស្ត្រីជាកម្មករកាត់ដេរពីរនាក់ឃើញក៍រើសហើយស្ត្រីនោះបាននាំស្ត្រីទាំងពីរនាក់ទៅកន្លែងស្ងាត់ដើម្បីចែកមាសនោះជាមួយគ្នា។តែមុននឹងចែកជនសង្ស័យបានឲ្យជនរងគ្រោះដោះចិញ្ចៀនឲ្យនាងសិន។ពេលបានចិញ្ចៀនហើយជនសង្ស័យបានរត់គេចខ្លួនបាត់។កាលពីថ្ងៃចន្ទ័ជនរងគ្រោះបានឃើញស្ត្រីជាជនសង្ស័យហើយក៍រាយការណ៍ឲ្យប៉ូលិសចាប់តែម្តងទៅ។
ទូរសព្ទ័ពីរតម្លៃជាង១ពាន់ដុល្លាត្រូវចោរកញ្ឆក់រត់បាត់
រតនគិរី៖ប៉ូលិសក្រុងបានលុងបានឲ្យដឹងថាយុវជនម្នាក់បានធ្វើជាទៅទិញទូរសព្ទ័នៅនឹងហាងមួយកន្លែងកាលពីថ្ងៃអាទិត្យ។ពេលសួរដឹងតម្លៃហើយក៏កញ្ឆក់រត់បាត់តែម្តង។ម្ចាស់ហាងបានឲ្យដឹងថាជនសង្ស័យបានសុំមើលទូរសព្ទ័ពីរគ្រឿង។មួយគ្រឿងតម្លៃ៩០០ដុល្លានិងមួយទៀត៤៥០ដុល្លារ។ភ្លាមៗនោះគេបានជិះម៉ូតូរត់បាត់។ជនរងគ្រោះចំណាំជនសង្ស័យមិនច្បាប់ទេព្រោះពេលនោះជនសង្ស័យពាក់ម៉ាសមុខ។ប៉ូលិសកំពុងស្វែងរកចាប់ខ្លួនជនសង្ស័យ។
ចោរហារ៉ូយពីរនាក់ចាប់ខ្លួនបន្ទាប់ពីឆក់ខ្សែកគេ
ភ្នំពេញ៖ប៉ូលិសស្ថិតខណ្ឌដូនពេញក្រុងភ្នំពេញបានចាប់ខ្លួនបុរសពីរនាក់ដែលលួចឆក់ខ្សែកពីអ្នកធ្វើដំណើរកាលពីថ្ងៃច័ន្ទទី២៣កក្កដា។ប៉ូលិសនិយាយថានៅពេលប៉ូលិសត្រួតពិនិត្យតំបន់ប៉ូលិសលឺសំលេងស្វែងរកឲ្យជួយ។ប៉ូលិសក៏ដេញចាប់ពួកគេទាល់តែបាន។ពួកគេបានសារភាពនូវទង្វើលរបស់ខ្លួន។ស្រ្តីរងគ្រោះបានធ្លាក់ពីលើម៉ូតូហើយរងរបួសស្រាល។បច្ចុប្បន្នប៉ូលិសបញ្ជូនបុរសទាំងពីរនាក់នោះទៅកាន់តុលាការ។
ប៉ូលិសឆ្មក់ចាប់បុរសពីរនាក់ពាក់ព័ន្ឋនឹងគ្រឿងញៀន
កណ្តាល៖បុរសបីនាក់ត្រូវបានចាប់ខ្លួនពាក់ព័ន្ឋនឹងការជួញដូរថ្នាំញៀនស្ថិតនៅក្រុងតាខ្មៅខេត្តកណ្តាលកាលពីថ្ងៃអាទិត្យទី២២កក្កដា។ប៉ូលិសនិយាយថាប៉ូលិសបានឆ្មក់ចាប់ពួកគេនៅក្នុងផ្ទះ។ប៉ូលិសបានរកឃើញថ្នាំញៀន៥កញ្ចប់។ពួកគេនិយាយថាពួកគេត្រៀមខ្លួនវេចខ្ចប់សំរាប់លក់តែត្រូវប៉ូលិសមកឆ្មក់ចាប់បាន។ការពិតប៉ូលិសនិយាយថាមានបុរសជាច្រើននៅក្នុងផ្ទះនោះតែរត់គេចខ្លួនអស់នៅពេលប៉ូលិសមកដល់។ប៉ូលិសចាប់បានតែពីរនាក់បញ្ជូនទៅកាន់តុលាការ។
អផ្សុកដើរលួចក្របីគេត្រូវប៉ូលិសក្របួចបាន
ពោធិសាត់៖ប៉ូលិសស្រុកកណ្តៀងខេត្តពោធិសាត់បាននិយាយថាប្រជាពលរដ្ឋដេញចាប់បុរសម្នាក់ដែលពូកែលួចក្របីអ្នកស្រុកកាលពីថ្ងៃសៅរ៏ទី២១កក្កដា។ប្រជាពលរដ្ឋនិយាយថាអ្នកភូមិតែងតែបាត់ក្របីខ្លួនអោយតែប្រហែសបន្តិច។ដោយនៅថ្ងៃកើតហេតុអ្នកភូមិម្នាក់បានទុកក្របីនៅវាលស្រែហើយភ្លេចខ្លួនបន្តិចក៏ត្រូវជននោះលួចតែម្តង។អ្នកភូមិឃើញក៏ដេញទាន់ចាប់ប្រគល់ឲ្យសមត្ថកិច្ច។បច្ចុប្បន្នប៉ូលិសជននេះទៅកាន់តុលាការ។
យុវជនម្នាក់ត្រូវគេប្រទះឃើញសពដេកស្លាប់ក្នុងវាលស្រែ
ពោធិសាត់៖បុរសអាយុ២៨ឆ្នាំម្នាក់ត្រូវបានគេគេប្រទះឃើញសព្វស្ថិតនៅក្រុងពោធិសាត់កាលពីថ្ងៃអាទិត្យទី២២កក្កដា។ប៉ូលិសនិយាយថាគ្រួសាររបស់ជននេះបានប្តឹងមកសមត្ថកិច្ចថាបាត់កូនជិតពីរថ្ងៃមកហើយ។នៅថ្ងៃកើតហេតុម្តាយជនរងគ្រោះនិយាយថាកូនបានទៅផឹកជាមួយមិត្តភក្តិទល់ភ្លឺមិនឃើញត្រលប់មកវិញសោះស្រាប់តែប៉ូលិសឃើញដេកស្លាប់នៅវាលស្រែ។បច្ចុប្បន្នប៉ូលិសកំពុងតាមស៊ើបករណីនេះថាតើជាករណីឃាតកម្មឬយ៉ាងណា។
ផឹកស្រវឹងដើរលួចគាស់ផ្ទះគេត្រូវប៉ូលិសក្របួចបាន
បន្ទាយមានជ័យ៖បុរសអាយុ២៥ឆ្នាំម្នាក់ត្រូវបានចាប់ខ្លួនដោយសារដើរលួចគាស់ផ្ទះរបស់ប្រជាពលរដ្ឋស្ថិតនៅក្រុងប៉ោយប៉ែតខេត្តបន្ទាយមានជ័យកលាពីថ្ងៃសៅរ៏២១កក្កដា។ប៉ូលិសនិយាយថានៅ ថ្ងៃកើតហេតុជននោះផឹកស្រាជាមួយមិត្តភក្តិហើយនាំគ្នាប្រព្រឹត្តបទល្មើសគាស់ផ្ទះគេតែដោយសារខ្លួនស្រវឹងក៏ភា្លត់ស្នៀតធ្វើឲ្យម្ចាស់ផ្ទះដឹងស្រែកឲ្យប៉ូលិសជួយ។បច្ចុប្បន្នប៉ូលិសបញ្ជូនពួកគេទៅកាន់តុលាការ។
បុរសពីរនាក់ជ្រុះថ្នាំញៀនពីហោប៉ៅត្រូវប៉ូលិសចាប់បាន
បាត់ដំបងៈប៉ូលិសក្រុងបាត់ដំបងបានចាប់ខ្លួនបុរសពីរនាក់ដែលពាក់ព័ន្ឋនឹងការជួញដូរថ្នាំញៀនកាលពីថ្ងៃសុក្រទី២០កក្កដា។ប៉ូលិសនិយាយថានៅថ្ងៃកើតហេតុម៉ូតូពួកគេបែកកង់។ពួកគេក៏យកម៉ូតូទៅធ្វើស្រាប់តែជ្រុះថ្នាំមួយកញ្ចប់ពីហោប៉ៅ។ប៉ូលិសដែលល្បាតទីនោះមានសង្ស័យក៏ដេញចាប់ខ្លួនពួកគេ។ពួកគេបានសារភាពពួកគេជិះម៉ូតូប្រុងលក់ថ្នាំឲ្យគេតែត្រូវប៉ូលិសចាប់បានហើយនេះក៏មិនមែនជាលើកទីមួយសំរាប់ពួកគេដែលចេញលក់ថ្នាំនោះ។បច្ចុប្បន្នប៉ូលិសបញ្ជូនពួកគេទៅកាន់តុលាការចាត់ការតាមច្បាប់។
ស្រ្តីមានផ្ទៃពោះម្នាក់ត្រូវប៉ូលិសក្របួចបានព្រោះលូកហោប៉ៅក្នុងផ្សារ
ភ្នំពេញ៖ស្រ្តីពរពោះអាយុ២៥ឆ្នាំត្រូវបានចាប់ខ្លួនស្ថិតនៅខណ្ឌដង្កោរាជធានីភ្នំពេញបន្ទាប់ពីស្រ្តីរូបនោះលូកហោប៉ៅរបស់គេ។ប៉ូលិសនិយាយថានាងជាស្រ្តីពពោះតែនាងហ៊ានដើរលួចគេនិងលូកហោប៉ៅគេក្នុងផ្សារ។អ្នកលក់ម្នាក់និយាយថាពេលមានមនុស្សកំពុងប្រជ្រៀតគ្នាទិញឥវ៉ាន់ស្រ្តីរូបនោះបានលូកហោប៉ៅរបស់នាងតែនាងចាប់ដៃជាប់ប្រគល់ឲ្យសមត្ថកិច្ច។ស្រ្តីរូបនោះនិយាយថានេះជាទំលាប់នាងដែលលួចឆក់លូកហោប៉ៅក្នុងផ្សារ។បច្ចុប្បន្នស្រ្តីរូបនោះត្រូវបានបញ្ជូនទៅកាន់តុលាការ។
មនុស្សបីនាក់ស្លាប់ដោយសាររថយន្តបុក
កំពង់ចាម៖ប៉ូលិសក្រុងកំពង់ចាមបាននិយាយថាបុរសបីនាក់ស្លាប់ដោយសារគ្រោះថ្នាក់ចរាចរដោយសារមានរថយន្តមួយបុកពួកគេបណ្តាលឲ្យស្លាប់ភ្លាមៗ។ប៉ូលិសនិយាយថានៅថ្ងៃកើតហេតុរថយន្តបើកក្នុងល្បឿនមិនប្រុងប្រយត្ន័ទើបបុកពួកគេដែលជិះម៉ូតូមួយ។ហើយរត់គេចខ្លួនបាត់មិនទទួលខុសត្រូវនៅពេលប៉ូលិសមកដល់។ប៉ូលិសបានរឹបអូសរថយន្តទៅ រក្សាទុកដើម្បីរកដំណោះស្រាយ។ប៉ូលិសកំពុងតាមច្បាប់ជនអ្នកបើកបរនោះ។
ស្រ្តីពីរនាក់ចាប់ខ្លួនព្រោះញៀនល្បែង
ភ្នំពេញ៖ស្រ្តីពីរនាក់ត្រូវបានចាប់ខ្លួនស្ថិតនៅខណ្ឌដូនពេញរាជធានីភ្នំពេញកាលពីសុក្រទី២០កក្កដា។ប៉ូលិសនិយាយថាប៉ូលិសបានចោទប្រកាន់ពួកគេពីបទញៀនលេងល្បែង។ប៉ូលិសនិយាយថាប៉ូលិសបានទទួលពាក្យបណ្តឹងពីប្រជាពលរដ្ឋនៅក្បែរនោះថាមានស្រ្តីមួយក្រុមជក់លេងល្បែងបៀដោយមិនគិតគូគ្រួសារ។ប៉ូលិសក៏ចេញទៅចុះបង្ក្រាប។ហើយប៉ូលិសចាប់បានស្រ្តីពីរនាក់ក្នុងចំណោមស្រ្តីជាច្រើននាក់ដែលលេងល្បែងព្រោះពួកគេដឹងខ្លួនមុនរត់គេចខ្លួនបាត់។
ប៉ូលិសចាប់ខ្លួនបុរសម្នាក់រឿងវាយតប់ជនរងគ្រោះស្ទើស្លាប់
ស្វាយរ់ៀង៖ប៉ូលិសស្រុកស្វាយទាបខេត្តស្វាយរៀងកាលពីសៅរ៏ទី២១បានចាប់ខ្លួនបុរសម្នាក់ដែលវាយជនរងគ្រោះប៊ិះនឹងស្លាប់។ប៉ូលិសនិយាយថាជាការពិតទាំងអស់មានមនុស្សបុ្រស៥នាក់ពាក់ព័ន្ឋនឹងការវាយតប់លើជនរងគ្រោះ។នៅពេលជនរងគ្រោះត្រលប់ពីផ្ទះដោយជិះកង់ត្រូវបុរស៥នាក់ព្រួតវាយស្ទើរស្លាប់តែត្រូវប៉ូលិសមកដល់។ប៉ូលិសអាចចាប់បានតែមួយនោះទេរីឯ៤នាក់ទៀតរត់គេចខ្លួនបាត់។ជននោះនិយាយថាមកពីជនរងគ្រោះជេរឌឺដងខ្លួន។បច្ចុប្បន្នប៉ូលិសបញ្ជូនពួកគេទៅកាន់តុលាការនិងបន្តចាប់ខ្លួន៤នាក់។
