ភ្នំពេញ ប៉ុស្តិ៍
ក្រុងសេអ៊ូល: ប្រព័ន្ធផ្សាយរដ្ឋបាននិយាយថា ទឹកជំនន់ទូទាំងប្រទេសកូរ៉េខាងជើង នៅក្នុងខែនេះ បានសម្លាប់មនុស្ស៨៨នាក់ និងធ្វើឲ្យពលរដ្ឋរាប់ម៉ឺននាក់គ្មានផ្ទះសម្បែង ព្រមទាំងបានបំផ្លិចបំផ្លាញដីកសិកម្មដ៏ធំល្វឹងល្វើយ។
ទីភ្នាក់ងារព័ត៌មានផ្លូវការរបស់ក្រុងព្យុងយ៉ាងបាននិយាយកាលពីថ្ងៃសៅរ៍ថា ទឹកជំនន់រយៈពេលមួយសប្ដាហ៍ដែលបាន«បង្កឡើងដោយព្យុះង និងភ្លៀងធ្លាក់ដូចគេហែកមេឃ បានឆក់យកជីវិតមនុស្ស និងសម្ភារៈជាច្រើន»។
ចំនួនអ្នកស្លាប់ចុងក្រោយគឺបាន កើនឡើងយ៉ាងខ្លាំង ពីតួលេខស្លាប់មនុស្ស៨នាក់ ដែលបានរាយ ការណ៍ពីថ្ងៃពុធ មក៨៨នាក់។
ទីភ្នាក់ងារព័ត៌មានមជ្ឈឹមកូរ៉េ(KCNA)បានរាយការណ៍ថា ប្រជាជនសរុបចំនួន១៣៤នាក់បាន រងរបួស ហើយមនុស្សជិត៦៣ពាន់ នាក់គ្មានផ្ទះសម្បែងដោយសារតែទឹកជំនន់ដែលបានចាប់ផ្ដើមកាលពីថ្ងៃទី១៨កក្កដា ដោយបានបំផ្លិចបំផ្លាញផ្ទះអស់ជាច្រើនខ្នង។
សូមអានព័ត៌មានពិស្តារនៅក្នុងកាសែតភ្នំពេញប៉ុស្តិ៍ ភាសារខ្មែរ។
