ភ្នំពេញ ប៉ុស្តិ៍
ភ្នំពេញ : ក្រុមហ៊ុនកុំព្យូទ័រ USC បាននាំចូលនូវប្រភេទកុំព្យូទ័រ Gigabyte ម៉ាកទំនើបចុងក្រោយដោយប្រើប្រព័ន្ធ Touch Screen ដោយម្រាមដៃ និងប៊ិក មាន Key board លើអេក្រង់ និងមិនចាំបាច់ប្រើ System Unite (ធុង Case ) ។
កុំព្យូទ័រ Gigabyte ប្រភេទនេះ មានលក្ខណពិសេសបំផុត ដែលជាសេចក្តីត្រូវការសម្រាប់លោកអ្នកដែលត្រូវការកុំព្យូទ័រ ដែលមិនចាំបាច់ប្រើប្រព័ន្ធរញ៉េរញ៉ៃ ដូចជា ត្រូវមាន Keyboard ប្រព័ន្ធខ្សែភ្លើងខ្វាត់ខ្វែង និង ធុង Case នោះ។
ក្រៅពីលក្ខណៈងាយស្រួលទាំងនោះ កុំព្យូទ័រស៊េរីថ្មីមួយនេះ មានពីរប្រភេទ គឺ AIO ជាប្រភេទ All in One ដែលមានទំហំ ២១,៥ អ៊ីញ និងមួយទៀតគឺ Q1700 មានអេក្រង់១៧,៣អ៊ីញ។
កុំព្យូទ័រនេះមាន Hard Drive ៥០០GB, VGA Card Intel Media 3151 ដោយមានភ្ជាប់ប្រព័ន្ធ Bluetooth កាមេរ៉ា ១,៣ មេហ្គាភិកសែល និង CPU Core I3, I5, I7 ។
កុំព្យូទ័រប្រភេទនេះត្រូវបានដាក់លក់ក្នុងតម្លៃ៧២០ដុល្លារ ហើយក្រុមហ៊ុនបានផ្តល់ជូនអតិថិជនទាំងអស់នូវសេវាបង់រំលស់ផង ដែរ៕
