ភ្នំពេញ ប៉ុស្តិ៍
ក្រុងវែលលីងតុន : នេះគឺជាការចាប់ផ្តើមនូវអាជីវកម្មលើផ្នែកសេវាកម្មម្ហូបអាហារ ថ្មីមួយខណៈពណ៌លឿងត្រូវបានគេយកមកធ្វើជានិមិត្តរូបដ៏ល្អ សម្រាប់មុខជំនួញភោជនីយដ្ឋាន។ យ៉ាងណាមិញក្រុមហ៊ុនរបស់ប្រទេសនូវែលសេឡង់បានយកយីហោ Yellow មានលក្ខណៈស្រដៀងនឹងក្រុមហ៊ុន Yellow Pages ដែរ។ ការចាប់ផ្តើមថ្មីនេះគឺត្រូវគេធ្វើនៅលើភោជនីយដ្ឋានដោយយកដើម ឈើធំៗនៅក្នុងបរិវេណនោះមកកែច្នៃធ្វើជាកន្លែងទទួលទានដោយមាន ការរចនាពណ៌លឿង។
ការកសាងបន្ទប់ ឬ កន្លែងទទួលទាននីមួយៗត្រូវបានគេធ្វើឡើងនៅជាប់ជាមួយដើមឈើ ក្នុងកម្ពស់ប្រមាណជិត ១០ ម៉ែត្រពីដី។ ភោជនីយដ្ឋានដែលស្ថាបនាដោយប្រើចម្រៀកឈើវែងៗមកផ្គុំគ្នាដូចគោម នេះត្រូវបានគេប្រទះឃើញនៅឯតំបន់វ៉កវ៉សធ៍ភាគខាងជើង ដោយធ្វើដំណើរប្រមាណជា ៤៥នាទី ពីទីក្រុងអ័កឡេនដ៍ ប្រទេសនូវែលសេឡង់។
ពេលឡើងទៅបន្ទប់ទទួលទាន ភ្ញៀវត្រូវដើរឡើងតាមស្ពានឈើដ៏វែងអន្លាយ ខណៈដែលពេលរាត្រី វាត្រូវបានបំភ្លឺដោយអំពូលអគ្គិសនីពណ៌លឿងដ៏ភ្លឺចិញ្ចែងចិញ្ចាច មិនខុសពីឈ្មោះ យេឡូ ទ្រីហោស (Yellow Treehouse) របស់វាឡើយ។
លោក ភីតធឺ អេស៊ីង សមាជិកនៃស្ថាបត្យករផ្នែកបរិស្ថាននៅតំបន់សមុទ្រប៉ាស៊ីហ្វិក (PEA) បាននិយាយថា លោកមានការកោតសរសើរចំពោះគំនិតច្នៃប្រឌិតធម្មជាតិបែបថ្មីនេះ ណាស់។
ថ្វីបើបន្ទប់ទទួលទានដែលមានរាងដូចគោមឫស្សីនេះមើលទៅហាក់ដូចជា តូចបន្តិចក្ដី ប៉ុន្តែវាអាចទទួលភ្ញៀវបានរហូតដល់ទៅ៣០នាក់ឯណោះ។ អ្វីដែលសំខាន់គឺ ភ្ញៀវដែលធ្វើដំណើរទៅទទួលទាននៅទីនោះ តម្រូវឲ្យមានមគ្គុទេ្ទសក៍២នាក់ដើរតាម ដើម្បីចៀសវាងការដួលជំពប់ផ្សេងៗ។
លោក ភីតធឺ អេស៊ីង សមាជិកនៃស្ថាបត្យករផ្នែកបរិស្ថាននៅតំបន់សមុទ្រប៉ាស៊ីហ្វិក (PEA) បាននិយាយថា លោកមានការកោតសរសើរចំពោះគំនិតច្នៃប្រឌិតធម្មជាតិបែបថ្មីនេះ ណាស់៕ PR
