ភ្នំពេញ ប៉ុស្តិ៍
ក្រុងតូក្យូៈនាយករដ្ឋមន្រ្តីជប៉ុនលោក យូស៊ីហ៊ីកូ ណូដាកាលពីថ្ងៃពុធ សម្រេច បានការសម្របសម្រួលរយៈពេល១១ម៉ោងមួយ ជាមួយបក្សប្រឆាំង ដោយជួយសង្គ្រោះកិច្ចព្រមព្រៀងដែលបានតស៊ូគ្នាយ៉ាងតានតឹងស្តី អំពីការដំឡើងពន្ធលក់ដ៏ចម្រូងចម្រាសមួយ ជាថ្នូរនឹងការសន្យារៀបចំការបោះឆ្នោតទូទៅមួយ «ក្នុងពេលឆាប់ៗខាងមុខ»។
រហូតមកដល់ពេលថ្មីៗនេះ ការបោះឆ្នោតព្រឹទ្ធសភាចុងក្រោយស្តីពីផែនការពន្ធ ហាក់ដូចជាទម្រង់ការមួយ បន្ទាប់ពីលោកណូដា ឈានដល់កិច្ចព្រមព្រៀងមួយជាមួយបក្សប្រឆាំងធំពីរកាលពីខែ មិថុនា និងបានធានាឲ្យមានការអនុម័តយ៉ាងរលូននៅសភាជាន់ទាប។
ប៉ុន្តែកម្រិតប្រជាប្រិយភាពកំពុងធ្លាក់ចុះរបស់លោកណូដា ដែលមួយផ្នែកមកពីការប្រកាន់យកបុព្វហេតុមិនមានប្រជាប្រិយ ដូចជា ការដំឡើងពន្ធ និងការដំណើរការម៉ាស៊ីនរ៉េអាក់ទ័រនុយក្លេអ៊ែរឡើងវិញ បានធ្វើឲ្យបក្សប្រឆាំងបានចិត្ត ដែលបានប្តេជ្ញាទៅកាន់ការបោះឆ្នោតមុនកាលកំណត់ ដែលជាថ្នូរនឹងការគាំទ្រសេចក្តីព្រាងច្បាប់ពន្ធ។
ដោយប្រឈមនឹងការគំរាមកំហែងនៃបណ្តឹងសម្តែងការមិនទុកចិត្ត និងលទ្ធភាពជាប់គាំងនៅសភាដែលនឹងប្រទូសរ៉ាយផែនការពន្ធចុះ ហត្ថលេខាដោយលោកនោះ លោកណូដា បានព្រមព្រៀងលើការសម្រុះសម្រួលមួយជាមួយបក្សប្រឆាំងធំ ប្រជាធិបតេយ្យសេរីនិយម និងគណបក្សNew Komeito ។
ថ្លែងទៅកាន់ក្រុមអ្នកកាសែត បន្ទាប់ពីលោក បានជួបជាមួយក្រុមមេដឹកនាំរបស់ពួកគេ លោកណូដា បានបញ្ជាក់ ថា ពួកគេបានយល់ព្រមអនុម័តឲ្យបានឆាប់លើពន្ធលក់ និងកំណែទម្រង់សន្តិសុខសង្គម និងស្វែងរកអាណត្តិមួយពីពលរដ្ឋនៅពេលក្រោយឆាប់ៗ។
នៅពេលគេសួរថា លោកបានបញ្ជាក់ពីពេលបោះឆ្នោតឬយ៉ាងណា លោក បានឆ្លើយតបថា៖ «យើងពុំទាន់បានពិភាក្សាពីរឿងនោះទេ»៕ NR
