បើទោះជាគូដណ្តឹងលោក ឆាយ វិបុល ទទួលស្គាល់កំហុសខ្លួនបានប្រព្រឹត្ត និងទទូចសុំជានាគ្នាវិញនិងធានាដឹកដៃគ្នាឆ្ពោះទៅត្រើយសុភមង្គល ពិតយ៉ាងណាក៏ដោយ តែនាងសូ ដានីតា នៅមិនទាន់រំងាប់កំហឹងបន្ទន់អារម្មណ៍ព្រមជានាគ្នាវិញនោះបានដែរ ដោយនាងលើកឡើងថា៖«ពាក្យសុំទោសប៉ុណ្ណឹងមិនទាន់ស្មើភាពអាម៉ាស់ ដែលបង ចោទខ្ញុំស្រីក្បត់ទេ»។
កំពុងតែនែបនិត្យស្នេហាក្រៅផ្ទះយ៉ាងផ្អែមល្ហែមស្រាប់តែអតីតតារា សម្តែង និងជាពិធីករ លោក លាន អាហ្វ្រីលគីនីន ភ្ញាក់ក្រញាងខ្លួននៅពេលដែលអតីតតារាចម្រៀងនាង កែវ ស្រីល័ក្ខណ៍ ជាភរិយាបាននាំកូនប្រុសតាមទាន់ និងស្រែកជេរឈ្លោះប្រកែកគ្នាយ៉ាងក្តៅគគុកតែម្តងផ្អើលអស់អ្នក រស់នៅម្តុំបឹងសាឡាង។
ក្រោយជម្លោះដ៏ខ្លាំងក្លាមួយនៅក្នុងដំបូលផលិតកម្ម អឹម (M Production) តារាចម្រៀងដ៏ស្រស់ស្អាត ពេជ្រ សូលិកា ដែលបានចាកចេញពីទ្រនំ M នាអំឡុងពាក់កណ្តាលឆ្នាំ២០១២ នោះបានស្វែងរកទ្រនំសម្រាប់រូបនាងបានហើយគឺនៅផលិតកម្មថោន (Town Production) កាលពីពេលថ្មីនេះ ហើយនាងក៏កំពុងថតបទចម្រៀងផងដែរ ប៉ុន្តែយ៉ាងណាតារារូបនេះនៅមិនទាន់បានបញ្ចេញមុខបញ្ជាក់នៅឡើយ ទំនងទង្វើនេះនាងមានចេតនាចង់ឲ្យទស្សនិកជនមានការភ្ញាក់ផ្អើល។
តារាចម្រៀងយ៉េៗដែលអាចច្រៀងបានទាំងសម័យ និងប្រពៃណីនាង ខាត់ សុឃីម ត្រូវបានគេដឹងថា នាងបានធ្វើឲ្យពិធីការិនីម្នាក់ត្រូវបានគេផ្អាកពីការងារជា បណ្តោះអាសន្ននៅក្នុងនាមជាពិធីការិនីម្នាក់សម្រាប់ការប្រគំតន្ត្រី បើកឲ្យដំណើរការផ្សារស្ទឹងមានជ័យថ្មីដែលមានអាសយដ្ឋាននៅ តាមបណ្តោយផ្លូវព្រះមុន្នីរ៉េតនៅចំណុចប្រសព្វផ្លូវបំបែកវ៉េងស្រេង ត្រង់ច្រមុះជ្រូកស្ទឹងមានជ័យ។
តារាចម្រៀងយេៗសិចស៊ី លក់សំឡេងក្នុងក្លិបរាត្រី ល្បីមានមន្តស្នេហ៍ទាក់កន្លង់ឯនាយសមុទ្រហើរតាមមកដល់កាំជណ្តើរ ផ្ទះក្រោយពេលសម្តែងនៅប្រទេសអូស្រ្តាលី នាង ប៊ុន ផៃលីន បានអះអាងថា នៅថ្ងៃទី១៥ ខែឧសភានេះនាងនឹងឡើងយន្តហោះទៅច្រៀងនៅប្រទេសបារាំង រយៈពេលបួនសប្តាហ៍ហើយនៅបារាំងនោះមានអ្នកចាំជូននាងដើរលេងច្រើន នាក់ណាស់។ ប៉ុន្តែនាងបែរជាបដិសេធមិនទទួលសំណើស្នេហ៍ពីបុរសៗនៅបារាំងណាមួយ ឡើយខណៈដែលនាងអះអាងថា បេះដូងនាងមានម្ចាស់ហើយ ហើយមិនបើកបេះដូងទទួលស្នេហ៍ពីបុរសនៅបារាំងម្នាក់ទៀតបានឡើយ។
ហ្វ្រេស៊ីហ្គើលចំណាត់ថ្នាក់លេខពីរក្នុងឆ្នាំ២០១០ ដែលចេញមុខក្នុងសិល្បៈបានតែមួយប្រាវ ហើយក៏សម្រេចចិត្តរៀបមង្គលការទាំងវ័យក្មេងរស់នៅយ៉ាងសុខដុមក្នុង ទ្រនំស្នេហ៍មិនសូវខ្វល់ពីការងារសិល្បៈ នាង ថៃ នារីសុជាតា នៅពេលនេះកំពុងកើតទុក្ខខ្វល់ខ្វាយមិនសប្បាយចិត្តដោយសារតែមាន នារីម្នាក់ដែលនាងអះអាងថាជាមិត្តភក្តិបានយករូបថតរបស់នាងទៅ បង្កើតជាគណនីហ្វេសប៊ុក ហើយបានដើរបោកបញ្ឆោតលុយកាក់ ទូរស័ព្ទ និងទ្រព្យសម្បត្តិមួយចំនួនទៀតពីអ្នកដទៃ។
ក្រៅពីស្ងាត់ៗទទួលបានតំណែងជាពិធីការិនី ដោយគ្មានគ្រោងទុកនោះ តារាសម្តែងដែលធ្លាប់មានឈ្មោះបោះសំឡេងក្នុងវិស័យសិល្បៈក្នុងការ ថតស្ប៉តពាណិជ្ជកម្ម Beeline កញ្ញា ឈឹម តារាវត្តី បានអួតប្រាប់ថា មួយរយៈពេលក្រោយនេះសន្ទុះកេរ្តិ៍ឈ្មោះ និងភាពជោគជ័យរបស់នាងស្ទុះឡើងជាលំដាប់ស្ទើរតែមិននឹកស្មានដល់។ ក្នុងអារម្មណ៍ពោរពេញដោយមោទនភាពនោះ កញ្ញា ឈឹម តារាវត្តី បានបញ្ជាក់ថា៖«បើធ្វើការប្រៀបធៀបនឹងឆ្នាំមុនៗខុសគ្នាស្រឡះ ឆ្នាំថ្មីនេះការងារហូរចូលឈឹបៗតែម្តង»។
តារាកំប្លែងជើងថ្មីតែមានប្រជាប្រិយភាពខ្លាំងនាយ ពាក់មី ដែលធ្លាប់តែផ្តល់ភាពសប្បាយរីករាយដល់ប្រិយមិត្តទស្សនិកជនគ្រប់ វណ្ណៈ នោះ នៅពេលនេះ នាយបានដាច់ចិត្តទៅសាងផ្នួសជាតាឥសី លើកដៃលាតារាកំប្លែងនាង ខ្ញុង ហើយ ដើម្បីយកឱកាសដ៏មានតម្លៃនៃការសាងផ្នួសនៅក្នុងរឿងភាគខ្នាតធំ របស់ផលិតកម្ម RGB ក្រោមចំណងជើងថា «ភូមិស័ក្តិសិទ្ធិ» នោះធ្វើការអប់រំដល់ប្រជាពលរដ្ឋអំពីជំងឺរបេង។
ខ្សែភាពយន្តរឿង«Iron Man 3»ដែលមានលោកតូនី ស្តាកសម្តែងជាតួឯកបុរសខ្លួនពាសដែកនោះបានវ៉ាដាច់គេនៅលើតារាង ខ្សែភាពយន្តល្បីសម្រាប់ការចាក់បញ្ចាំងលើកដំបូងនៅចុងសប្តាហ៍ នេះ។រឿង «Iron Man 3» បាននាំមុខរឿង «The Great Gatsby» ខណៈពេលគេបានចាក់បញ្ចាំងវានៅឯមហោស្រពភាពយន្តលើកដំបូងនៅសហរដ្ឋ អាមេរិកនិងកាណាដា។
តារាចម្រៀងតូចច្រឡឹងនាង ឈិន សុធារី បានជួបនូវជម្លោះប្រទូសរាយគ្នាដ៏ភ្ញាក់ផ្អើលនិងគួរឲ្យភ័យខ្លាច មួយកាលពីរាត្រីថ្ងៃទី៩ ឧសភា ដោយភាគីម្ខាងបានចោទ ឈិន សុធារី ថា មានការប្រើកាំភ្លើងគំរាមពួកគេទៀតផង ប៉ុន្តែឈិន សុធារី បានចាត់ទុកថានោះជារឿងអយុត្តិធម៌សម្រាប់រូបនាង តែនាងបានបញ្ជាក់ថា នាងសុខចិត្តបញ្ចប់រឿងនោះដោយគ្មានការប្តឹងប្តល់ ដោយនាងបានចាត់ទុកថាជារឿងស៊យសម្រាប់រូបនាងទៅចុះ។
តារាសម្តែងកូនកាត់នាង ពេជ្រ អាវីហ្សា បានរៀបចំកម្មវិធីខួបកំណើតរបស់ខ្លួនយ៉ាងសាមញ្ញកាលពីថ្ងៃសៅរ៍ ដោយនាងបានអញ្ជើញភ្ញៀវដែលជាមិត្តភក្តិជិតដិតតែប៉ុន្មាននាក់ ប៉ុណ្ណោះមកចូលរួម និងញ៉ាំអាហាររួមគ្នា។ក្រៅពីនោះ គេក៏សង្កេតឃើញវត្តមានសិល្បករមួយចំនួនផងដែរហើយក្នុងនោះគេ សង្កេតឃើញតារាចម្រៀង ស៊ឹម ថៃណា បានលេងស្ទីលចំហរង្វះដើមទ្រូងយ៉ាងសិចស៊ីគួរឲ្យព្រឺព្រួចទៀតផង ។
ភ្នំពេញ ប៉ុស្តិ៍
