ខ្ញុំបាទឈ្មោះ ហុង រស្មី អាយុ៣០ឆ្នាំ បច្ចុប្បន្នមានតួនាទីជាការីនិពន្ធរងនៃទស្សនាវដ្ដី LIFT របស់ភ្នំពេញ ប៉ុស្ដិ៍ ដែលជាកាសែតឯករាជ្យមួយក្នុងព្រះរាជាណាចក្រកម្ពុជា។ មុនពេលដែលខ្ញុំបានទទួលមុខងារជាការីនិពន្ធរងនេះ ខ្ញុំបានចាប់ផ្ដើមការងារដំបូងក្នុងតួនាទីជាអ្នកបកប្រែឲ្យផ្នែកជីវិតកម្សាន្ដនៃអង្គភាពភ្នំពេញ ប៉ុស្ដិ៍ ផងដែរ។
ខ្ញុំបាទឈ្មោះ មែរ ច័ន្ទប៉ូលីដេត កើតក្នុងឆ្នាំ១៩៩៣ ហើយសព្វថ្ងៃនេះខ្ញុំកំពុងតែសិក្សាថ្នាក់អាហារូបករណ៍នៅ សាកលវិទ្យាល័យភូមិន្ទភ្នំពេញ ផ្នែកប្រព័ន្ធផ្សព្វផ្សាយ និងសារគមនាគមន៍។ កាលដែលខ្ញុំជ្រើសរើសការសិក្សាផ្នែកគ្រប់គ្រងប្រព័ន្ធផ្សព្វផ្សាយ និងសារគមនាគមន៍មិនមែនជារឿងចៃដន្យនោះទេ ប៉ុន្តែវាជាមុខវិជ្ជាមួយដែលខ្ញុំប្រាថ្នាតាំងពីនៅក្មេង មកម្ល៉េះ។
នាងខ្ញុំឈ្មោះ គង់ សុវណ្ណ អាយុ២០ឆ្នាំ ជានិសិ្សតឆ្នាំទី២នៃដេប៉ាតឺម៉ង់ប្រព័ន្ធផ្សព្វផ្សាយ។ នាងខ្ញុំធ្លាប់ធ្វើជាអ្នកសរសេរព័ត៌មានឲ្យ DMC Post ហើយ បច្ចុប្បន្នជាអ្នកសរសេរព័ត៌មានសម្រាប់ទស្សនាវដ្តី Lift របស់កាសែតភ្នំពេញ ប៉ុស្តិ៍។ ខ្ញុំចង់ធ្វើជាអ្នកសារព័ត៌មានដោយសារតែខ្ញុំ យល់ថា វាគឺជាអាជីពមួយដែលធ្វើឲ្យខ្ញុំទទួលបាននូវចំណេះដឹង ថ្មីៗ និងមុនគេបង្អស់ ជាពិសេសខ្ញុំអាចចែករំលែកនូវព័ត៌មាន និងដំណឹងទាំងនោះទៅដល់សាធារណជន។
នាងខ្ញុំឈ្មោះ ហេង ហ្គិចលី គឺជានិស្សិតឆ្នាំទី២នៅសាកលវិទ្យាល័យភូមិន្ទភ្នំពេញផ្នែក ប្រព័ន្ធផ្សព្វផ្សាយនិងសារគមនាគមន៍(DMC) និងវិទ្យាស្ថានភាសាបរទេស(IFL)។ ក្រៅពីនេះ ខ្ញុំក៏ជាសិស្សដែលកំពុងសិក្សានៅមជ្ឈមណ្ឌលបណ្តុះបណ្តាលភាសា អង់គ្លេសរបស់អូស្រ្តាលី(ACE)ក្នុងកម្រិត EAP ផងដែរ។
ខ្ញុំបាទឈ្មោះ ស្រេង ភារុណ កើតនៅឆ្នាំ១៩៩០ នៅទីក្រុងភ្នំពេញ។ ខ្ញុំគឺជាកូនប្រុសច្បងនៅចំណោមកូនប្រុសទាំងពីរនាក់ក្នុង គ្រួសារ។ សព្វថ្ងៃនេះ ខ្ញុំគឺជានិស្សិតឆ្នាំទី២ នៃដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍(DMC)របស់សាកលវិទ្យាល័យភូមិន្ទភ្នំពេញ (RUPP)។
នាងខ្ញុំឈ្មោះ ដារ៉េត រ៉ូហ្សាលីន អាយុ១៩ឆ្នាំ ជាកូនពៅក្នុងគ្រួសារដែលមានសមាជិក៤នាក់។ បច្ចុប្បន្នខ្ញុំជានិស្សិតឆ្នាំទី២ នៅសាកលវិទ្យាល័យភូមិន្ទភ្នំពេញ ផ្នែកប្រព័ន្ធផ្សព្វផ្សាយនិងសារគមនាគមន៍(DMC) និងក៏កំពុងសិក្សានៅមជ្ឈមណ្ឌលបណ្តុះបណ្តាលភាសាអង់គ្លេសរបស់ អូស្រ្តាលី (ACE) ក្នុងកម្រិត 11A ។
នាងខ្ញុំឈ្មោះ សុង គីមសួរ អាយុ២០ឆ្នាំ បច្ចុប្បន្នជានិស្សិតឆ្នាំទីពីរ ផ្នែកប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ ចំពោះចំណង់ចំណូលចិត្តរបស់ខ្ញុំវិញ ខ្ញុំចូលចិត្តស្តាប់វិទ្យុអំពីព័ត៌មានផ្សេងៗ អានកាសែត និងទំនាក់ទំនងជាមួយមិត្តភក្តិ ព្រមទាំងមនុស្សទូទៅនៅក្នុងសង្គម។
ខ្ញុំបាទឈ្មោះ ចេង ប៊ុនឡុង អាយុ១៩ឆ្នាំ បច្ចុប្បន្ននេះខ្ញុំជានិស្សិតឆ្នាំទីពីរ ផ្នែកប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ ចំណង់ចំណូលចិត្តរបស់ខ្ញុំគឺចូលចិត្តស្តាប់វិទ្យុ និងមើលទូរទស្សន៍អំពីព័ត៌មានផ្សេងៗ អានកាសែត ដើម្បីយល់ដឹងពីព័ត៌មានថ្មីៗនៅក្នុងប្រទេស និងជុំវិញពិភពលោក។
ភ្នំពេញ ប៉ុស្តិ៍
