ជនរងគ្រោះ និងអ្នកសង្កេតការណ៍នានា រួមទាំងតំណាងក្រុមហ៊ុនអន្តរជាតិល្បីឈ្មោះដែលជាអ្នកបញ្ជាទិញ សម្លៀកបំពាក់ពីកម្ពុជា បានសម្តែងនូវការខកចិត្តយ៉ាងខ្លាំង ចំពោះតុលាការខេត្តស្វាយរៀង ដែលបានប្រកាសលើកពេលសវនាការសំណុំរឿង លោក ឈូក បណ្ឌិត អតីតអភិបាលក្រុងបាវិតដែលរងការចោទថា បានប្រើកាំភ្លើងបាញ់កម្មករ ៣ នាក់ឲ្យរងរបួសធ្ងន់ ដោយមិនបានជូនដំណឹងជាមុន។
លោក សូរិយា ស៊ូប៊ែរឌី តំណាងពិសេសរបស់អគ្គលេខាធិការអង្គការសហប្រជាជាតិ បានរងការវាយប្រហារកាលពីយប់មិញខណៈលោកកំពុងផ្តល់បាឋកថាជា សាធារណៈដែលជាហេតុធ្វើឲ្យមានការសង្ស័យថា ជាការរៀបចំខាងនយោបាយ។
ក្នុងរដ្ឋធម្មនុញ្ញដែលជាច្បាប់កំពូលនៃព្រះរាជាណាចក្រកម្ពុជា ត្រង់ជំពូកទី១ មាត្រាទី៥បានចែងច្បាស់ថា «ភាសានិងអក្សរដែលប្រើជាផ្លូវការគឺភាសា និងអក្សរខ្មែរ»។ ដូចគ្នានេះក្នុងមែកធាងនៃវប្បធម៌ខ្មែរក៏បានរាប់បញ្ចូលនូវភាសា និងអក្សរដែរ។ ទឡ្ហីករណ៍ដ៏សំខាន់ទាំង២ បានឱ្យតម្លៃយ៉ាងធំធេងចំពោះអក្សរនិងភាសាជាតិ។
ព្រះអង្គម្ចាស់ស៊ីសុវត្ថិ ធម្មិកោ បានចាត់ទុកលិខិតព្រមាន របស់អង្គភាពប្រឆាំងអំពើពុករលួយដែលទុករយៈពេល ១សប្តាហ៍ជូនព្រះអង្គដើម្បីធ្វើការប្រកាសទ្រព្យសម្បតិ្តថាជារឿង នយោបាយរបស់គណបក្សកាន់អំណាច។
តំណាងរាស្រ្តគណបក្សប្រឆាំងលោក សុន ឆ័យចំណាយពេលពីរថ្ងៃធ្វើការស៊ើបអង្កេតករណីជម្លោះដីធ្លីដ៏ ចម្រូងចម្រាសមួយនៅក្នុងតំបន់សម្បទានដីសេដ្ឋកិច្ចរបស់ក្រុមហ៊ុន វៀតណាមនៅក្នុងស្រុកអូរយ៉ាដាវ។
គ្រួសារជនរងគ្រោះដែលត្រូវកម្មករក្រុមហ៊ុន DM group វាយ និងមន្ត្រីអង្គការសិទ្ធិមនុស្សបានអះអាងថា តុលាការខេត្តរតនគិរី បានគំរាមចាប់ខ្លួនជនរងគ្រោះដាក់គុក ប្រសិនបើមិនព្រមសម្រុះសម្រួលបញ្ចប់រឿងវាយដំនេះ ជាមួយក្រុមហ៊ុនDM group ទេនោះ។
ក្រសួងកសិកម្ម រុក្ខាប្រមាញ់និងនេសាទ បានសម្រេចរំសាយតំបន់ជំងឺផ្តាសាយបក្សីពីរកន្លែងនៅភូមិក្បាលអូរ ឃុំមេសជ្រៃ ស្រុកស្ទឹងត្រង់ និងភូមិតាឡៃ ឃុំគ ស្រុកព្រៃឈរ ក្នុងខេត្តកំពង់ចាម និងបើកឲ្យពលរដ្ឋចិញ្ចឹមបក្សីគ្រប់ប្រភេទឡើងវិញបន្ទាប់ពីបានហាម ឃាត់លើការចិញ្ចឹមនិងធ្វើចរាចរណ៍សត្វបក្សីជាបណ្ដោះអាសន្នអស់ មួយរយៈមក។
រោងចក្រកាត់ដេរ សាប្រ៊ីណា នៅក្នុងស្រុកសំរោងទង ខេត្តកំពង់ស្ពឺបានប្រើរថយន្តពន្លត់អគ្គិភ័យដើម្បីបាញ់ទឹកបំបែក ក្រុមបាតុករចំនួនជាង៤ពាន់នាក់ដែលមកជួបជុំគ្នានៅខាងមុខ រោងចក្រដើម្បីតវ៉ាទាមទារលក្ខខណ្ឌការងារមួយចំនួនកាលពីព្រឹកថ្ងៃ អង្គារ។
ស្រ្តីអាយុ៣៣ឆ្នាំម្នាក់ដែលគេជឿថាបម្រើការងារឲ្យអង្គការ ក្រៅរដ្ឋាភិបាលមួយបានស្លាប់បន្ទាប់ពីធ្លាក់ពីលើឧបករណ៍ កម្សាន្តទ្វីនទ្វីសស្ទ័រ នៅឯមណ្ឌលកម្សាន្ត ឌ្រីមលែនឌ៍ ក្នុងសង្កាត់ចតុមុខ កាលពីយប់មិញ។
ក្រសួងកិច្ចការនារីមានគម្រោងបង្កើតមជ្ឈមណ្ឌលផ្តល់សេវាចម្រុះនៅ ទូទាំងប្រទេសសម្រាប់ផ្តល់សេវាផ្លូវច្បាប់ ការថែទាំ ការបណ្តុះបណ្តាលដល់ស្រ្តីរងគ្រោះដោយអំពើហិង្សាក្នុងទម្រង់ការ ជួញដូរមនុស្ស ការរំលោភសេពសន្ថវៈ និងអំពើហិង្សាក្នុងគ្រួសារ...ខណៈដែលបច្ចុប្បន្នមជ្ឈមណ្ឌលនេះមាន តែពីរ ដែលដំណើរការក្នុងខេត្តចំនួនពីរ។
អ្នកកាសែតម្នាក់និងគូកនប្រុសស្រី៤នាក់ទៀតត្រូវបានសាលាដំបូង ខេត្តសៀមរាបសម្រេចឃុំខ្លួនពីបទជាប់ពាក់ព័ន្ធក្នុងករណីប្រើ ប្រាស់និងជួញដូរគ្រឿងញៀនបន្ទាប់ពីត្រូវចាប់ខ្លួនកាលពីល្ងាច ថ្ងៃទី១៩ខែឧសភាឆ្នាំ២០១៣នៅតំបន់កម្សាន្តអង្គរឃ្យូងយូ ភូមិចុងកៅស៊ូ សង្កាត់ស្លក្រាម ក្នុងក្រុងសៀមរាប។
សាលាដំបូងរាជធានីភ្នំពេញកាលពីថ្ងៃម្សិលមិញបានជំនុំជម្រះអ្នកជួញ ដូរគ្រឿងញៀន១១នាក់ រួមមានជនជាតិវៀតណាម៦នាក់ និងខ្មែរ៥នាក់ក្រោមការចោទប្រកាន់ពីបទផលិតសារធាតុញៀន រក្សាទុកដឹកជញ្ជូន ជួញដូរខុសច្បាប់នូវសារធាតុគីមីពីឆ្នាំមុននៅភ្នំពេញ។
ភ្នំពេញៈ មន្ត្រីបម្រើការងារនៅមន្ទីរពេទ្យជប៉ុនម្នាក់បានឆេះរោលដេក ស្លាប់យ៉ាងអាណោចអាធ័ម នៅក្នុងគ្រោះអគ្គិភ័យនៅក្នុងផ្ទះគាត់កាលពីរសៀលថ្ងៃអង្គារនៅ ជិតសាលាបឋមសិក្សាទួលសង្កែ សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ។
បន្ទាយមានជ័យៈ ឆ្មាំពន្ធនាគារម្នាក់នៅខេត្តបន្ទាយមានជ័យ អះអាងថា អនុប្រធានពន្ធនាគារខេត្តនេះម្នាក់រងការចោទថាបានវាយអ្នកទោស ស្រីម្នាក់ព្រោះតែស្រីអ្នកទោសបានឈ្លោះគ្នាពេលចេញមកក្រៅបន្ទប់ ឃុំឃាំងកាលពីព្រឹកថ្ងៃអង្គារ។
កំពតៈ នគរបាលស្រុកអង្គរជ័យ បានសម្រេចបញ្ជូនជនសង្ស័យម្នាក់ដែលប្រើកាំបិតខ្វែវ កាប់ស្ត្រីម្នាក់ស្លាប់ ទៅសាលាដំបូងខេត្តកំពតកាលពីម្សិលមិញដើម្បីចាត់វិធានការបន្តទៅ តាមច្បាប់។
ពោធិ៍សាត់ៈ ជនសង្ស័យចំនួន៤នាក់ដែលអះអាងថា ជាសមាជិកអង្គការសុវណ្ណភូមិភ័ក្រ្តបុរី ត្រូវសមត្ថកិច្ចនគរបាលខេត្តពោធិ៍សាត់ចាប់ខ្លួនបញ្ជូនទៅសាលាដំបូង ខេត្ត កាលពីថ្ងៃទី២០ឧសភា ក្នុងបទឆបោក និងបញ្ចុះបញ្ចូលអ្នកភូមិនៅស្រុកក្រគរ ខេត្តពោធិ៍សាត់ឲ្យទិញកន្សែងយ័ន្ត ហើយបន្លាចថា បើអ្នកណាហ៊ានបើកមើលនឹងឆ្កួតអស់មួយពូជ។
ព្រៃវែងៈ ក្រុមចោរប្លន់ដៃដល់២នាក់មានស្រីម្នាក់ផងត្រូវសមត្ថកិច្ចនគរបាល ខេត្តព្រៃវែងនិងនគរបាលរាជធានីភ្នំពេញចាប់ខ្លួនបាននៅយប់ថ្ងៃ ទី២០និងព្រឹកថ្ងៃ២១ឧសភានៅក្នុងសង្កាត់ចោមចៅនិងសង្កាត់ត្រពាំង ក្រសាំង ខណ្ឌពោធិ៍សែនជ័យខណៈដែលក្រុមជនសង្ស័យឆ្លងចូលមកលាក់ខ្លួនមិន បានប៉ុន្មានថ្ងៃនិងរៀបគម្រោងចេញប្លន់នៅជាយក្រុងបន្តទៀត។
ដូចអ្វីដែលបានគ្រោងទុកមហាបាតុកម្មលើកទីពីររបស់គណបក្ស សង្គ្រោះជាតិដែលមានអ្នកចូលរួមតវ៉ាប្រមាណ៤ពាន់នាក់នៅសួន សេរីភាព ដើម្បីស្វែងរកការអន្តរាគមន៍កំណែទម្រង់គ.ជ.បពីសំណាក់សហភាពអឺរ៉ុប ត្រូវបានអនុញ្ញាតឲ្យដើរជាក្បួនដើម្បីប្រគល់ញត្តិទៅឲ្យការិយាល័យ បើទោះបីជាមានការរារាំងបន្តិចបន្តួចពីសំណាក់អាជ្ញាធរក៏ដោយ។
ភ្នំពេញ ប៉ុស្តិ៍
