ភ្នំពេញ៖ ដៃ​លើក​កែវ​កាហ្វេ​ក្រេប​បណ្តើរ សោភា (ឈ្មោះ​ដាក់​ឲ្យ) ជា​គណនេយ្យ​ករ​ម្នាក់​ដែល​នឹង​រៀប​ការ​នៅ​ខែ​ វិច្ឆិកា ​ឆ្នាំ​នេះ បាន​រៀប​រាប់​ប្រាប់​ LIFT កាល​ពី​ម្សិលមិញ​ថា៖ «បញ្ហា​ធំ​បំផុត​របស់​ខ្ញុំ​នៅ​ពេល​នេះគឺ​ ការ​ស្វែង​រក​កន្លែង​នៅ​បន្ទាប់​ពី​រៀប​ការ​រួច។ យើង​មិន​មាន​លទ្ធភាព​ទិញ​ផ្ទះ​ទេ ព្រោះ​ប្រាក់​ខែ​យើង​មិន​គ្រប់​គ្រាន់ ហើយ​បើ​ជួល​ផ្ទះ​គេ​នៅ បួន​ដប់​ឆ្នាំ​ក្រោយ ក៏​ផ្ទះ​នៅ​តែ​ជា​របស់​គេ។ គូដណ្តឹង​ខ្ញុំ​ចង់​នៅ​ជាមួយ​ម៉ាក់ប៉ា​គាត់ ក៏​ប៉ុន្តែ​និយាយ​តាម​ត្រង់​ទៅ ខ្ញុំ​មិន​ចង់​ធ្វើ​អញ្ចឹង​ទេ ព្រោះ​ខ្ញុំ​មិន​ចង់​រំខាន​ដល់​ពួក​គាត់​ឡើយ»។