លោក កឹម សុខា នៅគេហដ្ឋានរបស់លោកកាលពីពេលកន្លងមក។ រូបថត VICTORIA
កម្ដៅនយោបាយកំពុងមានកម្ដៅខ្លាំង នេះបើតាមការប្រតិកម្មរបស់អង្គការក្រៅរដ្ឋាភិបាល និងគណៈបក្សឆាំងមួយចំនួននាពេលថ្មីៗនេះ ខណៈដែលគណៈបក្សកាន់អំណាចបានបកស្រាយផ្ទុយទៅវិញថា បរិយាកាសនាពេលនេះ គ្រាន់តែជាការអនុវត្ដន៍តាមផ្លូវច្បាប់ប៉ុណ្ណោះ មិនមានការកើនឡើងកម្ដៅនយោបាយអ្វីឡើយ ។
ដោយឃើញនិន្នាការពីរមានភាពផ្ទុយគ្នាដូច្នេះ ថ្ងៃនេះ LIFT បានជួបសម្ភាសន៍ជាមួយនឹងយុវជន មួយចំនួនដែលជានិស្សិតកុំពុងសិក្សា និងធ្វើការងារនៅក្នុងទីក្រុងភ្នំពេញ អំពីទស្សនៈ ចំពោះកម្ដៅនយោបាយនាពេលនេះ ថាតើការយល់ឃើញជាក់ស្ដែងនៃក្រុមយុវជនយ៉ាងណាដែរចំពោះរឿងនេះ? តើការយល់ដឹងអំពីនិន្នានយោបាយរបស់ពួកគេមានការផ្លាស់ប្ដូរយ៉ាងណាហើយ បើធៀបទៅអតីតកាល? តើការចង់បានពិតប្រាកដរបស់ពួកគេ ពីនយោបាយគឺជាអ្វី ?
 យុវតី រស់ ធារះ និស្សិតនៅសាកលវិទ្យាល័យ UC |
 យុវជន ពូ នាង រស់នៅម្ដុំទួលសង្កែ និង ជានិស្សិតបញ្ចប់ការសិក្សាលើជំនាញ Design |
 យុវនិស្សិត គា រដ្ឋា កំពុងសិក្សានៅសាកលវិទ្យា ភូមិន្ទនិតិសាស្រ្ដ និងវិទ្យាសាស្រ្ដសេដ្ឋកិច្ច |
ក្នុងពេលថ្មីៗនេះអង្គការតម្លាភាពអន្តរជាតិក៏បានអំពាវនាវឱ្យអាជ្ញាធរកម្ពុជាបញ្ឈប់នូវការយាយីទៅលើសង្គមស៊ីវិលនាផងដែរ។
បើតាមសារជាសាធារណៈរបស់លោក ព្រាប កុល នៅក្នុងបណ្ដាញសង្គមបានលើកឡើងនូវប្រសាសន៍ របស់លោកស្រី អេលេណា ប៉ានហ្វីឡូវ៉ា (Elena Panfilova) អនុប្រធានក្រុមប្រឹក្សាភិបាលរបស់អង្គការតម្លាភាព អន្តរជាតិឡើងថា៖«អង្គការតម្លាភាពអន្តរជាតិ មានការព្រួយបារម្ភយ៉ាងខ្លាំងចំពោះការកើនឡើង នូវការជ្រៀតជ្រែកផ្នែកនយោបាយ និងការគំរាមកំហែង ដល់អ្នកការពារសិទ្ធិមនុស្ស និងអ្នកប្រឆាំងអំពើពុករលួយ។ អង្គភាពប្រឆាំងអំពើពុករលួយមិនគួរអនុវត្តតួនាទីខ្លួនដើម្បីយាយី និងព្យាយាមបំបិទសំលេង សកម្មជនសង្គមស៊ីវិលឡើយ។ ការអនុវត្តបែបនេះបញ្ជូននូវសារអវិជ្ជមានទៅកាន់ប្រជាពលរដ្ឋកម្ពុជា ក៏ដូច ជាពលរដ្ឋនៅទូទាំងពិភពលោកផងដែរ។ សង្គមស៊ីវិលត្រូវការ ការការពារ ដើម្បីឱ្យពួកគេអាចបំពេញការងារ ក្នុងការជួយគាំពារប្រជាពលរដ្ឋ»៕
.jpg)
