Search form

Login - Register | FOLLOW US ON

Logo of Phnom Penh Post newspaper Phnom Penh Post - និស្សិត​កសិកម្ម​ពិភាក្សា​គ្នា​ពី​បច្ចេក​វិទ្យា​កសិកម្ម

Content image - Phnom Penh Post
ការ​ប្រមូល​ផល​ស្រូវ​ប្រាំង​របស់​កសិករ​ដោយ​ប្រើ​គ្រឿង​ចក្រ។ ហុង មិនា

និស្សិត​កសិកម្ម​ពិភាក្សា​គ្នា​ពី​បច្ចេក​វិទ្យា​កសិកម្ម

ភ្នំពេញៈ និស្សិត​មហា​វិទ្យាល័យ​ជាច្រើន​នាក់​បាន​ជួប​ជុំ​គ្នា​នៅ​សាកល​វិទ្យាល័យ​ភូមិន្ទ​កសិកម្ម​ កាលពី​សប្តាហ៍​មុន ដើម្បី​ចូលរួម​នៅ​ក្នុង​កម្មវិធី​បច្ចេកវិទ្យា​កសិកម្ម ​(agri-techathon) ដែល​បាន​លើក​ទឹក​ចិត្ត​ពួក​គេ​ក្នុង​ការ​ពិភាក្សា​តម្រូវការ​ដើម្បី​ដំណោះស្រាយ​បច្ចេកវិទ្យា​មូលដ្ឋាន​ប្រកប​ដោយ​ស្ថិរភាព និង​វៃឆ្លាត ដើម្បី​គាំទ្រ​វិស័យ​កសិកម្ម​។

កម្មវិធី​ដែល​បាន​រៀបចំ​ឡើង​ដោយ Belt and Road Angel Investment Roundtable ជា​មូលនិធិ​មាន​មូលដ្ឋាន​នៅ​ទីក្រុង​ហុងកុង​ដែល​ជំរុញ​ដល់​អាជីវកម្ម​បង្កើត​ថ្មី កម្មវិធី techathon បានផ្ដល់​ដល់​និស្សិត​ជាច្រើន​នូវ​ឱកាស​ក្នុង​ការ​ស្ដាប់​សហគ្រិន​ជោគជ័យ​នៅ​កម្ពុជា និង​រៀន​សូត្រ​ក្នុង​ការ​លើក​កម្ពស់​គំនិត​របស់​ពួក​គេ​។

លោក ប៉ែន ចិន្តា ប្រធាន និង​ជា​នាយក​ប្រតិបត្តិ​ភ្នាក់ងារ​ទូទាត់​អនឡាញ បង់​លុយ​(Bongloy) បាន​ថ្លែង​ក្នុង​អំឡុង​ការ​ពិភាក្សា​ជា​ក្រុម​ថា វិស័យ​ឯកជន​ចាំបាច់​ត្រូវ​ជួយ​ជំរុញ​នូវ​គំនិត​ថ្មី និង​ស្វែងរក​ដំណោះស្រាយ​ការ​ផ្ដល់​មូលនិធិ​។

លោក​ថ្លែងថា​៖ «​យើង​សម្លឹង​មើល​សហគ្រិន​ជា​អនាគត​របស់​ប្រទេស​នេះ​»​។

លោក​បន្ត​ថា​៖«[ Bongloy] ចង់​វិនិយោគ​លើ​គំនិត ដែល​វា​អាច​ជួយ​ក្នុង​ការ​ជំរុញ​ឆ្ពោះ​ទៅ​មុខ​។ វិស័យ​ឯកជន​នឹង​មាន​សារៈសំខាន់​ក្នុង​ការ​អភិវឌ្ឍ​បច្ចេកវិទ្យា​នៅ​ក្នុង​ប្រទេស​កម្ពុជា​»​។

លោក​ស្រី Christine Zimmerman ប្រធាន​អង្គការ Association for Vertical Farming បាន​ថ្លែង​អំពី​ផល​វិជ្ជមាន​នៃ​បច្ចេកវិទ្យា ដែល​ប្រើប្រាស់​ផ្ទៃដី​បន្តិច​បន្តួច និង​ធនធាន​បន្តិច​បន្តួច​ក្នុង​ការ​ផលិត​អាហារ​ច្រើន​ជាង​របៀប​ដាំ​ដុះ​តាម​បែប​ប្រពៃណី​។ លោកស្រី​ថ្លែងថា​៖ «​យើង​ចាំបាច់​ត្រូវ​ផលិត​អាហារ​របស់​យើង​ផ្សេងៗ​គ្នា ហើយ​ខិត​ទៅ​តំបន់​ជនបទ ជា​កន្លែង​ដែល​ប្រជាជន​ភាគច្រើន​រស់នៅ​»​។

លោក​ស្រី​បន្តថា​៖«​អ្នក​អាចធ្វើ​ឲ្យ​កិច្ចការ​នោះ​កើត​ឡើង ហើយ​សហគ្រិន​ពិត​ជា​មាន​សារៈ​សំខាន់​»​។

លោក​ស្រី​បាន​កត់​សម្គាល់​ថា បណ្ដា​ប្រទេស​លោក​ខាង​លិច​មួយ​ចំនួន​បាន​ដាក់​បញ្ចូល​បច្ចេកទេស​កសិកម្ម​តាម​ខ្សែ​បញ្ឈរ ដែល​អនុញ្ញាត​ឲ្យ​កសិករ​វាស់​វែង​សុខភាព​ដំណាំ និង​គណនា​ចំនួន​ពិត​ប្រាកដ​នៃ​ថ្នាំ​សម្លាប់​សត្វ​ល្អិត​ក្នុង​ការ​ប្រើប្រាស់​។

ខណៈ​លោក​ស្រី បាន​គាំទ្រ​យ៉ាង​ខ្លាំង​នៃ​ការ​ប្រើ​ប្រាស់​បច្ចេកវិទ្យា​នៅ​ក្នុង​កសិកម្ម លោក​ស្រី​ក៏​បាន​ព្រមាន​ពី​ការ​ប្រើ​ប្រាស់​បច្ចេកវិទ្យា​នេះ​លើស​កម្រិត​ដែរ​។

លោក​ស្រី​លើក​ឡើង​ថា​៖ «​ខ្ញុំ​មើល​ឃើញ​ផល​វិជ្ជមាន​ច្រើន​នៃ​បច្ចេកវិទ្យា​នេះ​នៅ​ក្នុង​កសិកម្ម​។ ប៉ុន្តែ​ការធ្វើ​មនុស្ស​យន្ត​នីយកម្ម​នៃ​ពិភពលោក​របស់​យើង ជា​អ្វីដែល​យើង​គួរ​តែ​យល់​ដឹង ហើយ​ខ្ញុំ​ពិតជា​ត្រូវតែ​ពិនិត្យ​មើល​ឲ្យ​បាន​ដិត​ដល់​បំផុត​ក្នុង​ការ​ឆ្ពោះ​ទៅ​រក​បច្ចេកវិទ្យា​»​។

លោក Melanie Mossard នាយក​សហគមន៍​នៅ​ក្នុង ImpactHub បាន​លើក​ទឹក​ចិត្ត​និស្សិត​ទាំង​អស់​នោះ​ត្រូវ​សកម្ម​អំពី​ការ​ជំរុញ​គំនិត​របស់​ពួក​គេ និង​ស្វែងរក​ជំនួយ​ក្នុង​ការ​បង្កើត​ផែនការ​អាជីវកម្ម​។

លោក​ស្រី​ថ្លែង​ថា​៖ «​នៅ​ពេល​អ្នក​ជា​សហគ្រិន អ្នក​ត្រូវ​តែ​និយាយ​អំពី​សុបិន​ដ៏​ធំ​របស់​អ្នក​។ សូមកុំ​អៀនខ្មាស​អំពី​ការ​ស្នើ​សុំ​ជំនួយ​។ ហើយ​ចងចាំ​ថា ប្រសិន​បើ​អ្នក​បរាជ័យ វា​មិន​អី​នោះទេ​»៕ LA

0

Comments

Please, login or register to post a comment

ព័ត៌មានពាក់ព័ន្ធ