Search form

Login - Register | FOLLOW US ON

Logo of Phnom Penh Post newspaper Phnom Penh Post - និស្សិត​ក្រីក្រ​ ទទួល​​បាន​​អាហារូបករណ៍​​​រៀន​​​ជួលជុលរថយន្ត​​​ ពី​ក្រុមហ៊ុនតូយ៉ូតា

Content image - Phnom Penh Post
និស្សិត​ក្រីក្រ​ ទទួល​​បាន​​អាហារូបករណ៍​​​រៀន​​​ជួលជុលរថយន្ត​​​ ពី​ក្រុមហ៊ុនតូយ៉ូតា។ ហេង ជីវ័ន

និស្សិត​ក្រីក្រ​ ទទួល​​បាន​​អាហារូបករណ៍​​​រៀន​​​ជួលជុលរថយន្ត​​​ ពី​ក្រុមហ៊ុនតូយ៉ូតា

ភ្នំពេញ : ក្រុមហ៊ុន តូយ៉ូតា (ខេ​ម​បូ​ឌា) បានរៀបចំ​កម្មវិធី​ប្រគល់​អាហារ​រូបករណ៍​បច្ចេកទេស​ជួសជុល​រថយន្ត ដល់​សិស្ស​ក្រីក្រ​ជំនា​ន់ទី ៦ និង​ពិធី​អបអរសាទរ​កា​រ​បញ្ចប់​ថ្នាក់​អាហារូបករណ៍​ជំនាញ​បច្ចេកទេស​​​ជួសជុល​រថយន្ត​របស់​សិស្ស​ក្រីក្រ​ជំនា​ន់ទី​ ៤ ធ្វើ​នៅ​ទីស្នាក់ការ​កណ្តាល​បណ្តោះអាសន្ន​របស់ខ្លួន​ស្ថិតនៅ មហាវិថី​សាធារណរដ្ឋ​ឆែក (ផ្លូវ ១៦៩) ទល់មុខ​ឆៀង​ខាងជើង​វិទ្យាល័យ​បាក់​ទូក។

លោក គង់ នួន ប្រធាន​ក្រុមហ៊ុន តូយ៉ូតា​បាន​មានប្រសាសន៍ថា​៖ «នេះ​ជា​លើក​ទី ៦ ហើយ ដែល​ក្រុមហ៊ុន តូយ៉ូតា (ខេ​ម​បូ​ឌា) ធ្វើការ​ប្រគល់​នូវ​អាហារូបករណ៍ ជូន​ដល់​សិស្ស​ក្រីក្រ ដែល​មិនមាន​ល​ទ្ឋភាព​ក្នុងការ​បង់ថ្លៃ​សិក្សា ដើម្បីឲ្យ​ពួកគាត់​មាន​ឪ​កាស​ទទួលបាន​នូវ​ចំណេះដឹង ចំណេះធ្វើ និង​ជំនាញ​ពាក់​ព័​ន្ឋ​នឹង​បច្ចេកទេស​ជួសជុល​រថយន្ត ក៏ដូចជា ​ដើម្បី​ចូលរួម​បណ្តុះបណ្តាល និង​អភិវឌ្ឍ​​ធនធានមនុស្ស ដែលជា​ធនធាន​ស្នូល​មួយ​ដ៏​សំខាន់​ក្នុងការ​ជំរុញ​ឲ្យ សង្គមជាតិ​កាន់តែ​មាន​ភាព​រីកចម្រើន​»។

អាហារ​រូបករណ៍​ជំនាញ​បច្ចេកទេស​ជួសជុល​រថយន្ត ដែល​ផ្តល់ជូន​ដោយ ក្រុមហ៊ុន​តូយ៉ូតា (ខេ​ម​បូ​ឌា) សម្រាប់​សិក្សា​​រយៈ​ពេល​ពីរ​ឆ្នាំនេះ មាន​រួមបញ្ចូល ថ្លៃ​សិក្សា ថ្លៃ​ស្នាក់នៅ និង​ប្រាក់ឧបត្ថម្ភ​ប្រចាំខែ។

Content image - Phnom Penh Post
ក្រុមហ៊ុន តូយ៉ូតា (ខេ​ម​បូ​ឌា) បានរៀបចំ​កម្មវិធី​ប្រគល់​អាហារ​រូបករណ៍​បច្ចេកទេស​ជួសជុល​រថយន្ត ដល់​សិស្ស​ក្រីក្រ​ជំនា​ន់ទី៦។ ហេង ជីវ័ន

លោក គង់ នូ​ន​បាន​បន្តថា៖ «គិត​មកដល់​ឆ្នាំ​សិក្សា​របស់​សិស្ស​ជំនា​ន់ទី ៦​ នេះ សិស្ស​អាហារ​រូបករណ៍​របស់​ក្រុមហ៊ុន​តូយ៉ូតា (ខេ​ម​បូ​ឌា) មាន​ចំនួន​សរុប ៦៧ រូប»។

​ក្នុងនោះ​សិស្ស​អាហារូបករណ៍​ជំនា​ន់​ទី ១ មាន​ចំនួន ១៦ រូប ទី២ មាន​ចំនួន ១០ រូប ទី៣មាន​ចំនួន ១០ រូប ទី ៤ មាន​ចំនួន ១០ រូប។ ពួកគាត់​បាន​ប្រលង​បញ្ចប់​ការសិក្សា​កាលពី​ខែ កក្កដា កន្លងទៅ​រួម​មកហើយ និង​សិស្ស​ជំនា​ន់ទី ៥ មាន​ចំនួន ១០ រូប​ត្រូវ​បន្ត​ការសិក្សា​រយៈ​ពេល​មួយឆ្នាំ​ទៀត។

អ្វី​ដែរ​កាន់តែ​គួរឲ្យ​កត់​ស​ម្កាល់​នោះ​គឹ ក្នុងថ្ងៃនេះ​ផ្ទាល់ ក្រុមហ៊ុន​ក៏បាន​ប្រគល់​អាហារូបករណ៍​ជូន​ដល់​សិស្ស​ជំនា​ន់ទី ៦ ចំនួន ១១ រូប ផ្សេងទៀត​ឲ្យ​សិក្សា និង​ស្នាក់នៅ​សាលា​មធ្យមសិក្សា​បច្ចេកទេស ហ្ស៊ី វ៉េ សេ​ (JVC)៕

Content image - Phnom Penh Post
និស្សិត​ក្រីក្រ​ ទទួល​​បាន​​អាហារូបករណ៍​​​រៀន​​​ជួលជុលរថយន្ត​​​ ពី​ក្រុមហ៊ុនតូយ៉ូតា។ ហេង ជីវ័ន

0

Comments

Please, login or register to post a comment

ព័ត៌មានពាក់ព័ន្ធ