ភ្នំពេញៈ បណ្ណា​ល័យ​បាន​ដើរ​តួនា​ទី​យ៉ាង​សំខាន់​ក្នុង​គោល​ដៅ​អភិ​វឌ្ឍន៍​ប្រកប​ដោយ​និរន្តរ​ភាព​ នៃ​ការ​លើក​កម្ពស់​ចំណេះ​ដឹង​និង ​ជំនាញ​ដ៏​ទូលំ​ទូលាយ ​តាម​រយៈ​ប្រព័ន្ធ​ផ្សព្វ​ផ្សាយ​និង​ព័ត៌មាន ​នៃ​ការ​អប់រំ​ដែល​មាន​គុណ​ភាព ​និង​ការគាំទ្រ​ដល់​វប្បធម៌​នៃ​ការ​ស្រាវ​ជ្រាវ​ និង​ការ​បង្កើត​ថ្មី​របស់​យុវជន។ នេះ​បើ​តាម បណ្ដា​បណ្ណារក្ស​បាន​លើក​ឡើង​​ក្នុង​សិក្ខា​សាលា​ស្ដី​អំពី​ «តួនាទី​បណ្ណា​ល័យ​ក្នុង​គោល​ដៅ​អភិវឌ្ឍន៍​ប្រកប​ដោយ​និរន្តរ​ភាព» ដែល​បានរៀប​ចំ ដោយ​វិទ្យា​ស្ថាន ​ខេម​អេដ និង​សមា​គម​បណ្ណារក្ស និង​ឯកសារ​វិទូ​កម្ពុជា​កាល​ពីថ្ងៃ​អាទិត្យ។