Search form

Login - Register | FOLLOW US ON

Logo of Phnom Penh Post newspaper Phnom Penh Post - ម៉ាក​មួយ​ដែល​តំណាង​សិល្បៈ​នៃ​សហគមន៍​នៅ​តាម​ចិញ្ចើម​ផ្លូវ

Content image - Phnom Penh Post

ម៉ាក​មួយ​ដែល​តំណាង​សិល្បៈ​នៃ​សហគមន៍​នៅ​តាម​ចិញ្ចើម​ផ្លូវ

ភ្នំពេញៈ លោក Daniel Rathmony Ou ជា​សហស្ថាបនិក​បាន​និយាយ​ថា​ ម៉ាក​សម្លៀក​បំពាក់​ម៉ាក Omens បាន​ចាប់​ផ្តើម​បើក​ដំណើរ​ការ​កាល​ពី​សប្តាហ៍មុន ដោយ​បង្ហាញ​ពី​សម្លៀក​បំពាក់​តាម​ចិញ្ចើម​ផ្លូវ​ ជា​លើក​ដំបូង​របស់​ខ្លួន ដោយ​គោល​បំណង​ចង់​ឱ្យ​អ្នក​សិល្បៈ​តាម​ចិញ្ចើម​ថ្នល់​នៃ​ការ​បង្ហាញ​ពណ៌​ពិត​របស់​ពួកគេ។

លោក​ អ៊ូ​ មាន​អាយុ 22 ឆ្នាំ​ ជា​វិចិត្រករ​តាម​ដង​ផ្លូវ​នៅ​ទី​ក្រុង​ភ្នំពេញ ​បាន​ដឹកនាំ​គម្រោង​នេះ​រួម​ជាមួយ​វិចិត្រករ​ឈ្មោះ Sovivorth "Mike" Orpov ដែល​រួម​គ្នា​បង្កើត​ជា​ក្រុម​សិល្បៈ “You should know” ឬ​ជា​ពាក្យ​កាត់​ថា (YSK)។

លោក​និយាយ​​ថា​៖ «យើង​ចង់​ធ្វើ​អ្វី​មួយ​បន្ថែម​ទៀត ហើយ​យើង​នឹង​អនុញ្ញាត្ត​​ឲ្យ​អ្នក​ដែល​គាំទ្រ​ពួក​យើង ហើយ​ចូល​ចិត្ត​សិល្បៈ​ចូលរួម​គម្រោង​នេះ» ។ លោក ​អ៊ូ ​បាន​ច្នៃ​ម៉ូដ​សម្លៀក​បំពាក់​ ជាមួយ​លោក Mike ដែល​ជា​អ្នក​សហស្ថាបនិក​។

លោក​ អ៊ូ​ ដែល​បាន​ផ្លាស់​ពី​ទី​ក្រុង​ ឡូសអេនជឺឡេស រដ្ឋ​កាលីហ្វ័រនីញ៉ា​ មក​ប្រទេស​កម្ពុជា ​គឺ ជិត​ប្រាំបី​ឆ្នាំ​មក​ហើយ គាត់​បាន​និយាយ​ថា ​គាត់​ធ្វើ​ខាង​ផ្នែក​សិល្បៈ​តាំង​ពី​ពេល​នោះ​មក​តាម​ដែល​គាត់​ចាំ​បាន។​ នៅ​រាជធានី​ភ្នំពេញ គាត់​បាន​ចាប់ផ្តើម​ធ្វើ​សិល្បៈ​នៅ​តាម​ផ្លូវ​ក្នុង​អំឡុង​ឆ្នាំ ២០១២។

«មុន​ដំបូង​វា​ជា​ការងារ​លំបាក​មួយ​។ យើង​គិត​ថា​វា​ឡូយ ប៉ុន្តែ​វា​មិន​ដូច​ជា​ការ​គិត​នោះ​ទេ​។ វា​ពិបាក​ជាង​ការ​គិត​របស់​យើង​ទៅ​ទៀត ជា​ពិសេស​នោះ​គឺ​បន្ទាប់​ពី​ការ​លាង​សម្អាត​នៅ​លើ​អគារ​ប៊ូលឌីង​ »​។

លោក​បាន​លើក​ឡើង​ថា​ នៅ​ពេល​ដែល​សាលា​រាជធានី​ភ្នំពេញ​បាន​លាប​ពណ៌​លើ​ជញ្ជាំង​ខណ្ឌ​ចែក​ជា​ច្រើន​នៅ​ទូ​ទាំង​ទីក្រុង​ ជា​ពិសេស​ការ​តុបតែង​លម្អ​ផ្នែក​ខាង​ជើង​នៃ​អគារ​ប៊ូលឌីង​។ «យើង​ពិត​ជា​ដឹង​ច្បាស់​អំពី​អ្វី​ដែល​យើង​បាន​ធ្វើ ហើយ​យើង​ចង់​ឱ្យ​ប្រាកដ​ថា ​សារ​របស់​យើង​មិន​មែន​ចង់​បង្ក​ឲ្យ​មាន​កា​របះបោរ​នោះ​ទេ​សម្រាប់​អ្នក​នយោបាយ​យល់​ថា​ សិល្បៈ​បែប​នោះ​ជា​វិធីមួ​យ​ដើម្បី​បះបោរ​។ វា​អាច​បង្ហាញ​បែប​នោះ​មែន ប៉ុន្តែ​អ្វី​ដែល​យើង​ធ្វើ​ គឺ​យើង​មិន​មាន​ន័យ​បែប​នោះ​ឡើយ​»​។

Content image - Phnom Penh Post

ចំពោះ​រូប​គាត់​ការ​បង្កើត​សិល្បៈនិង​ការ​បង្កើត​ម៉ាក ​នេះ​ គឺ​ជា​ការ​ជម្រុញ​ផ្នែក​មួយ​នៃ​ព្រះរាជាណាចក្រ​កម្ពុជា​ដោយ​បង្ហាញ​ថា ​សិល្បករ​ម្នាក់​អាច​រក​ស៊ី​ចញ្ចឹម​ខ្លួនឯង​បាន​ដោយ​ការងារ​នេះ​។

លោក​បាន​មាន​ប្រសាសន៍​ថា​៖ «​អ្នក​អាច​បង់​ថ្លៃ​ជួលបង់​ថ្លៃ​ស្រាបៀរប៉ុន្តែ​អ្នក​ពិត​ជា​មិន​មាន​ការ​រីក​ចម្រើន​នោះ​ទេ​»​។
វា​ក៏​សម​នឹង​ការ​រៀប​ចំ​នៃ​ការ​បើក​ដំណើរការ​ផង​ដែរ​៖កន្លែង​តាំង​ដែល​មាន​ក្បាច់ ជា​កន្លែង​ដែល​កំពូល​វិចិត្រករ​ទីក្រុង​នៅ​កម្ពុជា​ធ្វើ​ការ​លក់​ស្នាដៃ​សិល្បៈ​របស់​គេ ទៅ​កាន់​ទស្សនិកជន​ទូទាំង​ពិភពលោក​។

លោក​មាន​ប្រសាសន៍​ទៀត​ថា​៖ «​យើង​កំពុង​ព្យាយាម​សម្រេច​គោលដៅ​ឲ្យ​បាន​ការងារ​ដល់​កម្រិត​បែប​នោះ​។ «​វា​ជា​ការ​បង្ហាញ​ថា​មាន​អ្នក​សិល្បៈ​ជំនាន់​ក្រោយ​ដែល​នៅ​តែ​ចង់​បំផុស​គំនិត​»​។

សម្រាប់​រូប​គាត់ទាំង​អស់​នេះ​គឺ​ភ្ជាប់​វិញ​នឹង​ម៉ាក ហើយ​ស្លាក​សញ្ញា​រូប​ជា​ក្បាល​ចចក​។

គាត់​បាន​និយាយ​ថា «​គុណ​សម្បត្តិ​របស់​ឆ្កែ​ចចក​ដែល​ត្រូវ​បាន​គេ​ស្គាល់​ថា​មិន​ចេះ​នឿយ​ហត់​នោះ​គឺ​ជា​គំនិត​ដែល​នៅ​ពី​ក្រោយ​សិល្បៈមិន​មាន​ដែន​កំណត់​ចំពោះ​ភាព​ច្នៃ​ប្រឌិត​នោះ​ទេ​»​។ លោក​និយាយ​បន្ថែម​ទៅ​លើ​គំនិត "ស្នេហា" និង "សាមគ្គីភាព" សត្វ​ចចក​តំណាង​ឱ្យ​បណ្តុំ​នៃ​សត្វ ក៏​ជា​ការ​សមស្រប​សម្រាប់​សហគមន៍​ផង​ដែរ​របស់​សិល្បករ​។

ដូច្នេះ​យើង​បាន​បង្កើត​ស្លាក​សញ្ញា ហើយ​បាន​ដាក់​ឈ្មោះ​វា​ថា​ Omens ដែល​មាន​អត្ថន័យ​ដ៏​អស្ចារ្យ​៕

0

Comments

Please, login or register to post a comment