ភ្នំពេញៈ ខណៈ​ដែល​និន្នាការ​នៃ​ការ​បង្ហាញ​នូវ​ការ​គាំទ្រ​ចំពោះ​សិល្បៈប្រពៃណី​ខ្មែរ មាន​ដូច​ជា​ល្ខោន​ប្រពៃណី ​របាំ​ប្រពៃណី ភ្លេង​ប្រពៃណី​ និង​ការ​សូនរូប​ជា​ដើម​ នៅ​លើ​បណ្តាញ​សង្គម Facebook កំពុង​តែ​មាន​ការ​ពេញ​និយម​ជា​ខ្លាំង​ពី​សំណាក់​យុវជន បុគ្គល​មួយ​ចំនួន​ដែល​ស្ម័គ្រ​បូជា​ជីវិត​ចំពោះ​សិល្បៈ​ទាំង​នេះ​បាន​អះអាង​ថា ការ​គ្រាន់​តែ​ធ្វើ​បែប​នេះ មិន​ទាន់​គ្រប់​គ្រាន់​នោះ​ឡើយ​ក្នុង​ការ​ថែរក្សា​ពួក​វា​ឲ្យ​បាន​គង់​វង្ស។