Search form

Login - Register | FOLLOW US ON

Logo of Phnom Penh Post newspaper Phnom Penh Post - ​យុវជន​​មួយ​ក្រុម​ផ្ដើម​កម្មវិធី​ សម្ដែង​មតិ​ប្រកប​ដោយ​គុណភាព​ និង​ក្រម​សីលធម៌​

Content image - Phnom Penh Post

​យុវជន​​មួយ​ក្រុម​ផ្ដើម​កម្មវិធី​ សម្ដែង​មតិ​ប្រកប​ដោយ​គុណភាព​ និង​ក្រម​សីលធម៌​

ភ្នំពេញៈ ក្រុម​យុវជន​មួយ​ឈ្មោះ The Perspectives ​បាន​ផ្ដើម​បង្កើត​កម្មវិធី «The Perspectives Cambodia» ​លើក​ដំបូង​ ដើម្បី​បណ្ដុះ​ទស្សនៈ​វិស័យ​វិជ្ជមាន​ដល់​យុវជន​កម្ពុជា ​ជំរុញ​យុវជន​ឲ្យ​ក្លាហាន​ក្នុង​ការ​សម្ដែង​មតិ ​ចែក​រំលែក​ពត៌មាន​នានា​ ប្រកប​ដោយ​គុណភាព​ និង​ក្រម​សីលធម៌​វិជ្ជាជីវៈ​ខ្ពស់ ​តាម​រយៈ​ការ​បណ្ដុះ​បណ្ដាល​ជំនាញ​ស្រាវ​ជ្រាវ​ ការ​ធ្វើ​ការងារ​ជា​ក្រុម​ និង​ទៅ​បោះជំរុំ​នៅ​ខេត្ដ​ព្រះវិហារ។

លោក ​ហួ តុលា សហស្ថាបនិក និង​ជា​ប្រធាន​ក្រុម​គ្រូ​បណ្តុះ​បណ្តាល​នៃ​កម្មវិធី The Perspectives Cambodia ​បាន​ថ្លែង​ប្រាប់​ LIFT-យុវវ័យ ឲ្យដឹង​ថា ​The Perspectives Cambodia ក៏ជា​វេទិការ ​យុវជន ​សម្រាប់​ការ​សម្ដែង​មតិ ​ស្ដី​ពី​បញ្ហា​សង្គម ​វប្បធម៌ ​អប់រំ ​សេដ្ឋកិច្ច ​សន្ដិសុខ នយោ​បាយ​ និង​សុខា​ភិបាល​ដែល​ទទួល​បាន​ការ​គាំទ្រ​ដោយ ​ក្រសួង​អប់រំ ​យុវជន ​និង​ កីឡា ផងដែរ។

លោក​បន្ដថា «សព្វថ្ងៃ​​យុវជន​មួយ​ចំនួន ​មាន​និន្នាការ​បញ្ចេញ​មតិ​យោបល់ ​នឹង​ចែក​ចាយ​ព័ត៌មាន ​ដោយ​មិន​មាន​មូលដ្ឋាន ​និង​អំណះអំណាង​ច្បាស់​លាស់ ​ជាហេតុ​នាំ​ឲ្យ​មាន​ការ​ភ័ន្ដ​ច្រឡំ ​និង​បែកបាក់​សាមគ្គី​ផ្ទៃក្នុង​ រហូត​​អាច​ឈាន​ដល់ ការ​ប៉ះពាល់​ដល់​កិត្យា​នុភាពជាតិ​ថែម​ទៀត» ។

លោក ​តុលា ​បាន​ឲ្យ​ដឹង​ថា កម្ម​វិធី​នេះ ​ក្រុម The Perspectives ​នឹង​បណ្ដុះ​បណ្ដាល​សមត្ថ​ភាព​យុវជន ​ស្វែង​រក​យុវជន​​មាន​សក្កដា​នុពល​ ក្នុង​ការ​សម្ដែង​មតិ​សាធារណៈ ​និង​ការ​ចូល​រួម​ក្នុង​ការ​ងារ​ជួយ​អភិវឌ្ឍ​សង្គម​ តាមរយៈ​ការ​បង្កើត​ជា​ទម្រង់​​ការ​ងារ​សង្គម​មួយ​ដ៏​ត្រឹម​ត្រូវ​ ដើម្បី​ឲ្យ​យុវជន​អាច​ទាញ​យក​ចំណេះ​ដឹង​ដែល​ទទួល​បាន​ពីកម្ម​វិធី​ទៅ​ចែក​រំលែក​បន្ដ​ដល់​យុវជន​ដ៏ទៃ​ទៀត ​។

បើ​តាម​ លោក ​តុលា ​The Perspectives ​បើក​ទូលាយ​ដល់​យុវជន​ទូទៅឲ្យ​ចូលរួមក្នុង​កម្ម​វិធី​នេះ​ ​ដោយ​មិន​គិត​កម្រៃ នឹង​ជ្រើស​រើស​យុវជន​ចំនួន ​៦៤នាក់​ ដែល​ត្រូវ​បែង​ចែក​ជា ១៦​ក្រុម​ ទៅ​​បោះ​ជំរុំ​នៅ​ខេត្ដ​ព្រះ វិហារ ​ចាប់​ពីថ្ងៃ​ទី ១៣-១៥ ​ខែ​ឧសភា ​ឆ្នាំ​២០១៧ ​ដើម្បី​ស្វែងរក​ក្រុម​យុវជន​ឆ្នើ​ម​ លើ​ការ​សម្ដែង​មតិ ​និង​ការ​ចូល​រួម​ការ​ងារ​សង្គម​ ទុក​ជាយុវជន​គំរូ​ដល់​យុវជន​ដទៃទៀត​។

លោក ​តុលា ​បាន​ឲ្យ​ដឹង​ទៀត​ថា ​The Perspectives Cambodia នឹង​មាន​ក្រុម​យុវជន​ឆ្នើម​ជាច្រើន ​មក​ពី​បណ្ដា​ស្ថាប័ន ​និង​សាកល​វិទ្យាល័យ​នានា ​មក​ចូលរួម​ធ្វើ​ជាគ្រូ​បង្វឹក​ ចែក​រំលែក​បទពិសោធ​ លើ​ជំនាញ​តស៊ូមតិ ​សម្ដែង​មិត ដល់​យុវជន​ផង​ដែរ ។

ក្រុម​យុវជន​ជយលាភី ​នឹង​ទទួល​បាន​ ​ថវិកា​ កំព្យូទ័រ ​មេដាយ​មាស​ និង ​រង្វាន់​លើក​ទឹក​ចិត្ដ​ផ្សេងៗ​ជា​ច្រើន​ទៀត ​។

ព័ត៌មាន​បន្ថែម​ ៖​www.perspectivescambodia.org Email៖perspectives.kh@gmail.com

0

Comments

Please, login or register to post a comment