Search form

Login - Register | FOLLOW US ON

Logo of Phnom Penh Post newspaper Phnom Penh Post - យុវតី​បី​រូប​ប្រាប់​ពី​សំណេរ​អត្ថបទ​ខ្លួន ក្រោយ​ឈ្នះ​​ការ​ប្រកួត​សំណេរ​អត្ថបទ​ EU

Content image - Phnom Penh Post
ជយលាភីទាំង​៩រូប មក​ទទួល​រង្វាន់​នៅ​ប្រតិភូសហភាពអឺរ៉ុប នាព្រឹកថ្ងៃ​ច័ន្ទនេះ​។ រូបថត សហការី

យុវតី​បី​រូប​ប្រាប់​ពី​សំណេរ​អត្ថបទ​ខ្លួន ក្រោយ​ឈ្នះ​​ការ​ប្រកួត​សំណេរ​អត្ថបទ​ EU

ភ្នំពេញៈ ​ជយ​លាភី​ ៩ នាក់​ ក្នុង​ចំណោម ​៦៩ នាក់​ នៃ​ការ​ប្រកួត​សំណេរ​អត្ថបទ​ដែល​រៀប​ចំដោយ​ប្រតិភូ​សហ​ភាព​អឺរ៉ុប​ប្រចាំ​កម្ពុជា​ បាន​បង្ហាញ​ចំណុច​សំខាន់​ លើ​សំណេរ​អត្ថ​បទ​របស់​ពួកគេ​កាល​ពី​ម្សិលមិញ ក្នុង​ពិធី​ប្រគល់​រង្វាន់​នៅ​ប្រតិភូ​សហ​ភាព​អឺរ៉ុប​ប្រចាំ​កម្ពុជា​។

LIFT បានធ្វើការសម្ភាសជយ​លាភី​​ជា​យុវតី បី​នាក់​អំពី​សំណេរ​អត្ថបទ​របស់​ពួកគេ។

យុវតី​ ឆេង ​សុថារ័ត្ន ​ជយ​លាភី​លេខ១​ លើ​ប្រធាន​បទ​ «តើ​សមា​គម​អាស៊ាន​គួរ​មាន​លក្ខណៈ​ដូច​គ្នា​នឹង​សហ​ភាព​អឺរ៉ុប​ដែរ​ឬទេ?» ​បាន​ថ្លែង​ពី​អត្ថ​ន័យ​នៃ​អត្ថ​បទ​របស់​ខ្លួន​ថា ​អាស៊ាន​មិន​អាច​មាន​លក្ខណៈ​ដូចគ្នា​ទៅ​នឹង​សហ​ភាព​អឺរ៉ុប​ឡើយ​ ដោ​សារ​តែ​ប្រទេស​សមាជិក​អាស៊ាន​ទាំង​អស់ ​មាន​ប្រព័ន្ធ​ដឹក​នាំ​នយោបាយ​ និង​សមត្ថ​ភាព​សេដ្ឋ​កិច្ច​​ខុស​គ្នា​ទាំង​អស់​។

យុវតី​កំពុង​សិក្សា​នៅ​វិទ្យា​ស្ថាន​ភាសា​បរទេស​រូប​នេះ ​បន្ដ​​​ថា​ «ទន្ទឹម​នឹង​ភាព​ខុស​គ្នា​ទាំង​នេះ ​បណ្ដា​រដ្ឋ​ជា​សមា​ជិក​នានា ក៏​គ្មាន​ឆន្ទៈ​ និង​មិន​បាន​ត្រៀម​ខ្លួន​ ដើម្បី​ប្រគល់​អធិបតេយ្យ​ភាព​របស់​ខ្លួន​ទៅ​ឲ្យ​ស្ថាប័ន​ពហុ​ជាតិ​ឡើយ​​»។

យុវតី​ ហេង ​សុរីតា ​និស្សិត​សាកល​វិទ្យា​ល័យ​ភូមិន្ទ​ភ្នំពេញ ​ជំនាញ​ប្រព័ន្ធ​ផ្សព្វ​ផ្សាយ ​និង​សារគ​មនា​គមន៍​ជយ​លាភី​លេខ ១ ​លើ​ប្រធាន​បទ​ទី ២​ «ហេតុ​អ្វី​បាន​ជា​ធម្ម​ជាតិ​ ជា​បញ្ហា​ដែល​គួរ​យក​ចិត្ដ​ទុក​ដាក់​?»​ បាន​បក​ស្រាយ​អត្ថ​ន័យ​នៃ​អត្ថ​បទ​របស់​ខ្លួន​ ចំពោះ​ទស្ស​នៈ​យល់​ខុស​ដែល​មនុស្ស​ចាត់​ទុក​ខ្លួន​ឯង​ថា ​ជា​អ្នក​ដែល​មាន​ឬទ្ធិ​​អំណាច​ លើស​ពពួក​សត្វ និង​រុក្ខ​ជាតិ​ និង​មិន​បាន​ចាត់​ទុក​ពពួក​សត្វ ​និង​ធម្ម​ជាតិ​ទាំង​នោះ​ ជា​ផ្នែក​មួយ​នៃ​​ធម្ម​ជាតិ​។

យុវតី​រូប​នេះ​បន្ដ​ «ធម្ម​ជាតិ ​គឺ​ជា​ទី​ជម្រក​សម្រាប់​មនុស្ស​ សត្វ​និង​រុក្ខជាតិ​ទាំង​អស់។ ​ដូច្នេះ​មនុស្ស​ទាំង​អស់ ដែល​រស់​នៅ​លើ​ផែន​ដី ​ត្រូវ​តែ​ពិចារណា​លើ​បញ្ហា​ផ្សេង​ៗ ដែល​អាច​ប៉ះ​ពាល់​ទៅ​ដល់​ធម្ម​ជាតិ​»។

ជយ​លាភី​លេខ ២​ លើ​ប្រធាន​ទី ៣ ​«តើ​យុវជន​គួរ​ធ្វើ​អ្វី​ខ្លះ​ដើម្បី​កែ​ប្រែ​អនាគត​ឲ្យ​មាន​ភាព​ល្អ​ប្រសើរ​?» ​យុវជន​ ប្រាំង​ ឧត្ដម​ និស្សិត​សាកល​វិទ្យា​ល័យ​ភូមិន្ទ​ភ្នំពេញ​ បាន​បង្ហាញ​ពី​អត្ថន័យ​នៅ​ក្នុង​សំណេរ​របស់​ខ្លួន​ពី​សុភា​​សិត​ខ្មែរ​មួយ​ឃ្លា​ថា «ទំពាំង​ស្នង​ឬស្សី»។

យុវជន​រូប​នេះ​បាន​រៀប​រាប់​ថា​«ការ​អប់រំ​ គឺ​ជា​លក្ខខណ្ឌដ៏​មាន​សារៈ​សំខាន់ ​សម្រាប់​អនា​គត​​ប្រទេស​កម្ពុជា​»។

យុវតី ​រ៉ាវី ​សុភារ័ត្ន ​ជយលាភី​លេខ ១ ​ក្នុង​ប្រធាន​បទ​ទី ៣ ​ដែរ​នោះ ​បាន​បង្ហាញ​ពី​សំណេរ​អត្ថបទ​របស់​ខ្លួន​ដែរ​​ថា យុវជន​កម្ពុជា ​ជា​អ្នក​ពិចារណា​ក្នុង​ការ​កំណត់​អនា​គត​នៃ​ប្រទេស​កម្ពុជា។

និស្សិត​ជំនាញ​ប្រព័ន្ធ​ផ្សព្វ​ផ្សាយ​ និង​សារ​គមនា​គមន៍​ នៃ​សាកល​វិទ្យា​ល័យ​ភូមិន្ទ​ភ្នំពេញ​រូប​នេះ​បាន​បង្ហាញ​សំណូម​​ពរ​​មួយ​ចំនួន​ ដើម្បី​ឲ្យ​យុវជន​មាន​ការ​ពិចារណា​ថា ​ការ​ជួយ​ប្រជា​ជន​ឲ្យ​បាន​ទូលំទូលាយ​បំផុត ​យុវជន​គួរ​គិត​ថា​មនុស្ស​ម្នាក់​អាច​ជួយ​មនុស្ស​ដទៃ​ទៀត​បាន​លើ​គ្រប់​វិស័យទាំង​អស់​ មិន​ចាំ​បាច់​ទាល់​តែ​ក្លាយ​ជា​បណ្ឌិត​ទើប​អាច​ធ្វើ​ជា​វិរ​បុរស​បាន​នោះ​ទេ​។

សុភារ័ត្ន​ បន្ដ​«ការ​ស្វែង​រក​ទេព្យ​កោសល្យ​ និង​ចំណាប់​អារម្មណ៍ ​របស់​មនុស្ស​ម្នាក់ៗ ​និង​ការ​ចូល​រួម​ចំណែក​កិច្ច​ការ​ងារ​សង្គម ​ក្នុង​ការ​ស្វែង​រក​ទេព្យ​កោសល្យ ​នៃ​ការ​ប្រើ​ប្រាស់​ការ​អប់រំ​ឲ្យ​បាន​ត្រឹម​ត្រូវ​ ព្រោះ​មនុស្ស​ម្នាក់​មិន​គួរ​ខ្លាច​ភាព​បរាជ័យ​ឡើយ​»៕

0

Comments

Please, login or register to post a comment

ព័ត៌មានពាក់ព័ន្ធ