Search form

Login - Register | FOLLOW US ON

Logo of Phnom Penh Post newspaper Phnom Penh Post - អាហា​រូបករណ៍​ទៅ​សិក្សា​នៅ​ប្រទេស​ឥណ្ឌា ​និង ​វៀតណាម

Content image - Phnom Penh Post

អាហា​រូបករណ៍​ទៅ​សិក្សា​នៅ​ប្រទេស​ឥណ្ឌា ​និង ​វៀតណាម

ភ្នំពេញៈ ​ប្រទេស​ឥណ្ឌា និង​វៀតណាម​ បាន​ផ្ដល់​អាហារូបករណ៍​ជាច្រើន​កន្លែង​ដល់​និស្សតិ​កម្ពុជា​ ឲ្យ​ទៅ​បន្ដ​ការ​សិក្សា​ថ្នាក់​ឧត្ដម​សិក្សា ​និង​ក្រោយ​ឧត្ដម​សិក្សាលើ​មុខ​ជំនាញ​ផ្សេង​ៗ​ក្នុង​ឆ្នាំ​សិក្សា ២០១៧-២០១៨ នេះ​។

តាមរយៈ​សេចក្ដី​ប្រកាស​នៅ​លើ​គេហទំព័រ​ហ្វេស​ប៊ុក​នៃ​ក្រសួង​អប់រំ​ យុវជន ​និង​កីឡា​កម្ពុជា​បាន​ឲ្យ​ដឹង​ថា ប្រទេស​ឥណ្ឌា​ បាន​ផ្ដល់​អាហា​រូបករណ៍​ ក្រោម​កម្ម​វិធី ​Indian Council for Agricultural Research (ICAR) បាន​ផ្ដល់​អាហា​រូបករណ៍​លើ​ជំនាញ​កសិកម្ម ​និង​វិទ្យាសាស្រ្ដ​ថ្នាក់​បណ្ឌិត​ដល់​និស្សិត​កម្ពុជា​។

បេក្ខជន​ដែល​មាន​បំណង​ចង់​បន្ដ​ការ​សិក្សា​ជំនាញ​ខាង​លើ​អាច​ដាក់​ពាក្យ​តាម​រយៈ ​Online ​ទៅ​កាន់ Email ៖ adgeqricar@gmail.com ។ អាហា​រូបករណ៍​នេះ​ ផុត​កំណត់​ទទួល​ពាក្យ​ថ្ងៃ​ទី​១៥ ​ខែ​មិថុនា ឆ្នាំ​២០១៧​ព័ត៌​មាន​បន្ថែម​៖ https://www.icar.org.in

ចំណែក ​សាធា​រណរដ្ឋ​សង្គម​និយម​វៀតណាម​ក្នុង​ឆ្នាំ​សិក្សា​ ២០១៧-២០១៨ នេះ បាន​​ជ្រើសរើស​និស្សិត​អាហា​រូបករណ៍​កម្ពុជា ​ចំនួន៩៩​នាក់ ​ឲ្យ​ទៅ​បន្ដ​ការ​សិក្សា​ថ្នាក់​ ឧត្ដម​សិក្សា ​ក្រោយ​ឧត្ដម​សិក្សា និង​ថ្នាក់​បណ្ឌិត​ ។

ចំពោះ​អាហារូបករណ៍​ថ្នាក់​បណ្ឌិត​ និង​អនុបណ្ឌិត ផុត​កំណត់​ទទួល​ពាក្យ​ថ្ងៃ​ទី​១០ ខែ​មិថុនា ឆ្នាំ​២០១៧​បេក្ខ​ជន​ត្រូវ​ទៅ​ដាក់​ពាក្យ​នៅ​ការិយាល័យ​អាហារូបករណ៍ ​និង​កម្មសិក្សា​នៃ​នាយកដ្ឋាន​ទំនាក់​ទំនង​វប្បធម៌ ​និង​អាហា​រូបករណ៍​។

អាហារូបករណ៍​ថ្នាក់​បរិញ្ញាប័ត្រ ​បេក្ខជន​ទាំង​ពីរភេទ​ត្រូវ​មាន​សញ្ជាតិ​ខ្មែរ ​មាន​សញ្ញាប័ត្រ​មធ្យម​សិក្សា​ចាប់​ពី​ឆ្នាំ ​២០១៤ ​ដល់ ​២០១៦ ​និង​មាន​សុខភាព​ល្អ​ ។ អាហា​រូបករណ៍​ថ្នាក់​បរិញ្ញាប័ត្រ​ និង​ចាប់​ទទួល​ពាក្យ​ពីថ្ងៃ​នេះ​រហូត​ដល់​ថ្ងៃ​ទី ២១ ​ខែមិថុនា ​ឆ្នាំ​២០១៧ ។ ​ព័ត៌មាន​បន្ថែម៖​ https://goo.gl/8iDzB2

0

Comments

Please, login or register to post a comment