ភ្នំពេញៈ ​ខណៈ​យុវជន និង​សិស្ស​-និស្សិត​កម្ពុជា កំពុង​ទទួល​លំហូរ​បច្ចេក​វិទ្យា​ថ្មី​ៗ​ជា​ច្រើន​ពី​បរទេស​ រាប់​ចាប់​តាំង​ពី​បណ្ដាញ​សង្គម និង​សម្ភារៈ​និយម​ទំនើបៗ​គ្រប់​ប្រភេទ​ បាន​ផ្លាស់​ប្ដូរ​ផ្នត់​គំនិត​ពួកគេ ទាំង​ការ​រស់​នៅ ការ​សិក្សា ការ​ចូល​ប្រឡូក​ក្នុង​ការ​ងារ​សង្គម និង​គំនិត​ផ្លាស់​ប្ដូរ​ថ្មី​ ​តាម​រយៈ​ពត៌មាន​គ្មាន​ដែន​កំណត់​នៅ​ក្នុង​បណ្ដាញ​សង្គម និង​គេហទំព័រ​ជាច្រើន​ ប៉ុន្ដែ ​ក្រុម​អ្នក​ជំនាញ​បាន​លើក​ឡើង​ថា កត្ដា​នេះ​វា​ដូច​ជា​កាំបិត​មុខ​ពីរ ​បើ​ក្រុម​យុវជន​ដើរ​ខុស​អាច​នឹង​ប៉ះពាល់​ដល់​ខ្លួន​ពួក​គេ​ទៅ​វិញ។