Search form

Login - Register | FOLLOW US ON

Logo of Phnom Penh Post newspaper Phnom Penh Post - IDP ​រៀបចំ​សន្និបាត​​បញ្ញវន្ត​ពិភព​លោក នៅ​ថ្ងៃ​ទី​ ១៧ វិច្ឆិកា

Content image - Phnom Penh Post
សន្និសីទ​សារព័ត៌មាន​ស្តីពី​សន្និបាត​​បញ្ញវន្ត​ពិភព​លោក​​ប្រចាំ​ឆ្នាំ (GAC) ​រយៈពេល​ ២ ​ថ្ងៃ​ដែល​នឹង​ចាប់ផ្តើម​នៅ​ថ្ងៃ​ទី​ ១៧ ខែ​វិច្ឆិកា​ខាង​មុខ​នេះ។ ហេង ជីវ័ន

IDP ​រៀបចំ​សន្និបាត​​បញ្ញវន្ត​ពិភព​លោក នៅ​ថ្ងៃ​ទី​ ១៧ វិច្ឆិកា

ភ្នំពេញៈ សន្និបាត​​បញ្ញវន្ត​ពិភព​លោក​​ប្រចាំ​ឆ្នាំ (GAC) ​រយៈពេល​ ២ ​ថ្ងៃ​ដែល​នឹង​ចាប់ផ្តើម​នៅ​ថ្ងៃ​ទី​ ១៧ ខែ​វិច្ឆិកា​ខាង​មុខ​នេះ​នៅ​ទីក្រុង​ភ្នំពេញ​អាច​នឹង​មាន​ក្រុម​ប្រតិភូ និង​ក្រុម​អ្នក​ជំនាញ​ ៥០០ ​នាក់​ចូលរួម​ដើម្បី​ពិភាក្សា​ពី​ទស្សនៈ​ក្នុង​សេដ្ឋកិច្ច​កម្ពុជា​បញ្ហា​​ប្រឈម​នឹង​កាលានុវត្តភាព​សម្រាប់​ភាព​រីកចម្រើន​នាពេល​អនាគត​។

ព្រឹត្តិការណ៍​នេះ​នឹង​ត្រូវ​រៀបចំ​ឡើង​នៅ​សណ្ឋាគារ​សុខា​ ​ដោយ​ក្រុមហ៊ុន IDP Education (Cambodia) ដែល​ជា​ក្រុមហ៊ុន​នាំ​មុខ​គេ​មួយ​ក្នុង​ពិភពលោក​ក្នុង​ការ​ផ្តល់​សេវា​ជួយ​និស្សិត​ទៅ​សិក្សា​នៅ​ក្រៅ​ប្រទេស​។ និស្សិត​បញ្ចប់​ការ​សិក្សា​មកពី​សហរដ្ឋ​អាមេរិក បារាំង រុស្ស៊ី កូរ៉េ​ខាង​ត្បូង ជប៉ុន ចិន ម៉ាឡេស៊ី និង​សិង្ហបុរី​ដែល​នឹង​ចូលរួម​ក្នុង​ព្រឹត្តិការណ៍​នេះ​អាច​ចែករំលែក​គំនិត​ជាមួយ​នឹង​មេដឹកនាំ​ក្នុង​ជួរ​រដ្ឋាភិបាល វិស័យ​ឯកជន និង​សង្គម​ស៊ីវិល​។

សន្និបាត GAC ឆ្នាំ​ ២០១៧ ​នេះ​នឹង​មាន​កម្មវិធី វេទិកា​ពាណិជ្ជកម្ម និង​អប់រំ​ពិភពលោក ពិព័រណ៍​អប់រំ និង​ការងារ​ពិភពលោក​។

លោកស្រី Angela Corcoran ឯកអគ្គរដ្ឋទូត​អូស្ត្រាលី​ប្រចាំ​កម្ពុជា មាន​ប្រសាសន៍​ថា ​សន្និបាត​នេះ​នឹង​ជួយ​លើក​កម្ពស់​ទំនាក់ទំនង​អន្តរជាតិ​ដែល​កំពុង​រីកចម្រើនរ​វាង​ប្រទេស ​អូស្ត្រាលី និង​កម្ពុជា​ ក្នុង​វិស័យ​អប់រំ​។

លោកស្រី​បន្ត​ថា​៖ «​ចាប់​តាំងពី​ឆ្នាំ ១៩៩២ ​មក​មជ្ឈមណ្ឌល​អូស្ត្រាលី​ ដើម្បី​ការ​អប់រំ​របស់​ក្រុមហ៊ុន IDP បាន​ផ្តល់​លទ្ធភាព​ឲ្យ​ពលរដ្ឋ​កម្ពុជា​រាប់​ម៉ឺន​នាក់​អភិវឌ្ឍ​ជំនាញ​ភាសា​អង់គ្លេស​របស់​ខ្លួន​រួម​ទាំង​សិស្ស​ជាច្រើន​ទៀត​ដើម្បី​ទៅ​សិក្សា​នៅ​ប្រទេស​អូស្ត្រាលី​»​។

ផ្នែក​វេទិកា​ពាណិជ្ជកម្ម​នៃ​សន្និបាត​នេះ​នឹង​ផ្តោត​លើ​ឧស្សាហកម្ម​មួយ​ចំនួន​រួម​មាន​ កសិកម្ម ទីផ្សារ​ទំនិញ​ប្រើប្រាស់ វិស័យ​ទេសចរណ៍ និង​វិស័យ​អចលនទ្រព្យ​ ជាដើម​៕ BP

0

Comments

Please, login or register to post a comment

ព័ត៌មានពាក់ព័ន្ធ