Search form

Login - Register | FOLLOW US ON

Logo of Phnom Penh Post newspaper Phnom Penh Post - The Mic Cambodia ​លើក​កម្ពស់ ការ​តែង​និពន្ធ​បទ​ថ្មី ឈប់​​ចម្លង​ពី​បរទេស

Content image - Phnom Penh Post

The Mic Cambodia ​លើក​កម្ពស់ ការ​តែង​និពន្ធ​បទ​ថ្មី ឈប់​​ចម្លង​ពី​បរទេស

ភ្នំពេញៈ The Mic Cambodia ផ្ដួច​ផ្ដើម​ដោយ ANUSSA Event Planner នឹង​​រៀបចំ​​ប្រគំ​​តន្រ្ដី​ The Mic Original Song Concert មួយ​នៅ​វិទ្យាស្ថាន បច្ចេក​វិទ្យា​កម្ពុជា (តិចណូ) នា​ថ្ងៃ​ទី​ ២៧ ខែ ធ្នូ​​នេះ ដើម្បី​លើក​​កម្ពស់ និង​ជំរុញវិស័យ​តែង​និពន្ធ​បទ​ចម្រៀង​ខ្មែរ​ ឲ្យ​មាន​ចរន្ដ​ក្នុង​ទី​ផ្សារ​​ ជា​ពិសេស​ចូល​រួម​លុប​បំបាត់​ ការ​ថត​ចម្លង​​​ពី​បរទេស​។

ថ្លែង​ក្នុង​សន្និសីទ​កាសែត​កាល​ពី​ម្សិលមិញ លោក​ សេង ពិសិដ្ឋ នាយក​ប្រតិបត្ដិ ក្រុម​ហ៊ុន​ ANUSSA Event Planner​ ថ្លែង​ថា​៖ «The Mic Cambodia ធ្វើ​ឡើង​ដើម្បី​ផ្ដល់​ឱកាស និង​លើក​ស្ទួយ​ យុវជនខ្មែរ​ ដែល​មាន​ទេព​កោសល្យ និង​ក្ដី​ស្រមៃ​ខ្ពស់​អាច​ចាប់​ផ្ដើម​សាង​ នូវ​ភាព​ល្បី​ល្បាញ​ និង​ការ​គាំទ្រ​ពី​មហាជន​ជា​មួយ​នឹង​ស្នា​ដៃ​របស់​ខ្លួន​ឯង»។

បើតាម លោក​ សេង ពិសិដ្ឋ The Mic Cambodia នឹង​បើក​ឱកាស ឲ្យ​អ្នក​និពន្ធ និង​ម្ចាស់​បទចម្រៀង​ Original ខ្មែរ​ទាំង​អស់​ ចូលរួម​ប្រកួត​បង្ហាញ​ស្នាដៃចម្រៀង​របស់​ខ្លួន​ ដើម្បី​​ទទួល​បាន​​ប្រាក់​រង្វាន់​ និង​អាច​ឈាន​ជើង​ចូល​វិស័យ​សិល្បៈ។

លោក​ សូ ស្រណោះ នាយក​សាលា​បង្រៀន​​តន្ត្រី ស្រណោះ​ ដែលចូលរួមជាមួយ The Mic Cambodia បាន​​ឲ្យ​ដឹង​ដែរ​​​ថា៖ «ខ្ញុំ​ពិត​ជា​មាន​ការ​ឈឺ​ចាប់​ខ្លាំ​ង​ណាស់ ​នៅ​ពេល​ដែល​ឮ​​​បរទេស​និយាយ​ថា យើង​បាន​ចម្លង​ចម្រៀង​ពី​គេ​។ ដូច្នេះ​ខ្ញុំ​មាន​ឆន្ទៈ ជា​យូរ​ណាស់​​ម​ក​ហើយ​ ក្នុង​ការ​គាំ​ទ្រ​ចម្រៀង​ខ្មែរ​ មិន​ថត​ចម្លង​ចម្រៀង​ពី​បរទេស​»។

តារាចម្រៀង​សម័យជើង​ចាស់​ ​លោក​ ហេង​ ពិទូ បាន​និយាយ​ដែរ​ថា​៖ «ពេល​នេះ​ដល់​ពេល​ដែល​យើង​ត្រូវ​ធ្វើ​ហើយ​ ពី​របី​ឆ្នាំ​ទៅ​មុខ​ទៀត Original Songs និង​លុប​បំ​បាត់​ ចម្រៀង​ថត​ចម្លង​ពី​ប្រទេស​កម្ពុជា​»។

សូមបញ្ជាក់ថា ជយ​លាភី​នៃ​ការ​ប្រកួត​ស្នាដៃ​និពន្ធ​ចម្រៀង​ថ្មីរបស់ The Mic Cambodia ​ដែល​ជាប់​ចំណាត់​ថ្នាក់​លេខ​ ១ ​នឹង​ទទួល​បាន​ប្រាក់​រង្វាន់​ចំនួន ១ ០០០ ដុល្លារ លេខ ២ ទទួលបាន ៧៥០​ ដុល្លារ​ និង​លេខ៣​ បាន ៥០០ ​ដុល្លារ​អាមេរិក៕

0

Comments

Please, login or register to post a comment