វិស័យ ធនាគារនៅក្នុងប្រទេសកម្ពុជាបានរីកលូតលាស់ក្នុងកម្រិតមួយគួរឲ្យ កត់សម្គាល់។ ទន្ទឹមនឹងនេះ ធនាគារជាមុខវិជ្ជាដ៏ពេញនិយមដែលយុវនិស្សិតនឹងចាប់យកក្រោយពី បញ្ចប់ថ្នាក់មធ្យមសិក្សា។ ក្តីស្រមៃរបស់និស្សិតដែលចាប់យកជំនាញនេះភាគច្រើនគឺការទទួលបាន ការងារជា Banker។
តើ Banker ជានរណា? Banker ត្រូវបានគេឲ្យនិយមន័យទូលំទូលាយ ដោយខ្លះមើលឃើញ Banker ជាវិនិយោគិនដែលបើកធនាគារ ហើយអ្នកខ្លះបានឲ្យនិយមន័យថា Banker ជាអ្នកដែលធ្វើការនៅក្នុងធនាគារ។ ប៉ុន្តែ Banker ជាមុខងារមួយដែលគេភាគច្រើនដាក់ទៅឲ្យអ្នកជំនាញក្នុងតំណែងខ្ពស់ ដូចជានាយកប្រតិបត្តិ ឬជាប្រធានគ្រប់គ្រងសាខានីមួយៗរបស់ធនាគារ។ ក្នុងន័យនេះ Banker ធ្វើការជាច្រើនដែលទាក់ទងនឹងការរក្សាទំនាក់ទំនងល្អជាមួយ អតិថិជនដោយជួយរៀបចំយុទ្ធសាស្ត្រលក់ដែលមានប្រសិទ្ធភាព និងសង្កេតសកម្មភាពប្រចាំថ្ងៃរបស់ធនាគារ។
លោក ស្រេង សំឱក បានផ្តល់កិច្ចសម្ភាសជាមួយ LIFT ដោយផ្តោតទៅលើការងាររបស់លោក និងគន្លឹះសម្រាប់អ្នកដែលចង់ចាប់អាជីពជា Banker។ ក្នុងតំណែងជាប្រធានបណ្តាញសាខារបស់ធនាគារពាណិជ្ជកម្មក្រៅប្រទេសនៃ កម្ពុជា(FTB) លោក សំឱក វ័យ៥១ឆ្នាំ ទទួលបន្ទុកមើលការខុសត្រូវសាខាធនាគារទាំងអស់ និងធានាពីការរីកចម្រើនរបស់ធនាគារ។
និយាយជាភាសាខ្មែរលាយភាសា អង់គ្លេសតុងអាមេរិក លោក សំឱក បានឲ្យដឹងថា៖ «Banker អាចមានទំនួលខុសត្រូវផ្សេងៗគ្នាទៅតាមស្ថាប័ននានា។ ជាប្រធានបណ្តាញសាខា ខ្ញុំមើលការលើសាខាទាំង៨របស់ FTB។ តួនាទីរបស់ខ្ញុំគឺអាចស្រដៀងទៅនឹងការងាររបស់ប្រធានគ្រប់គ្រង សាខានីមួយៗដែរគ្រាន់តែស្ថិតក្នុងការគ្រប់គ្រង។ ខ្ញុំធ្វើការច្រើនទាក់ទងនឹងគម្រោងសម្រាប់សាខាធនាគារ ខ្ញុំមើលការខុសត្រូវលើធនធានមនុស្ស ហើយខ្ញុំស្វែងរកឱកាសសម្រាប់អភិវឌ្ឍការរកស៊ី ហើយប្រសិនបើមានភ្ញៀវសំខាន់ៗមក ខ្ញុំជាអ្នកទៅជួបពួកគេ»។
លោក បានបន្ថែមថា៖ «បញ្ហាផ្នែកលក់ និងប្រធានសាខាមិនអាចដោះស្រាយបាន ពួកគេនឹងរុញវាមកដល់ខ្ញុំ។ ជារួមខ្ញុំមើលការខុសត្រូវសាខាធនាគារទាំងអស់ ធ្វើយ៉ាងណាឲ្យសាខាទាំងអស់អាចសម្រេចបាននូវគោលដៅរបស់ គណៈគ្រប់គ្រង»។
ក្នុងរបាយការណ៍ Global Financial Development Report សម្រាប់ឆ្នាំ២០១៤ របស់ធនាគារពិភពលោក បានឲ្យដឹងថា ប្រទេសកម្ពុជាដែលមានប្រជាជនជាង១៤លាននាក់មាន៣,៧ភាគរយប៉ុណ្ណោះ ដែលមានគណនីនៅគ្រឹះស្ថានហិរញ្ញវត្ថុ ដែលតួរលេខនេះទាបជាងនៅប្រទេសជិតខាងដូចជាថៃ ឡាវ និងវៀតណាម។
ទោះបីជា ប្រជាជនខ្មែរមិនសូវជាមានទំនាក់ទំនងជាមួយធនាគារ ឬគ្រឹះស្ថានហិរញ្ញវត្ថុក៏ដោយ ក៏ការផ្ញើប្រាក់ ការសន្សំប្រាក់ និងការខ្ចីប្រាក់មានសកម្មភាពគួរឲ្យកត់សម្គាល់ផងដែរ។ លោក សំឱក មានសុទិដ្ឋិនិយមលើវិស័យនេះ ដោយលោកមើលឃើញឱកាសវិស័យធនាគារនៅកម្ពុជានឹងបន្តលូតលាស់ថែមទៀត ។ ដូចនេះទីផ្សារការងារផ្នែកនេះក៏នៅតែជាតម្រូវការដែរ។
លោកបាន ឲ្យដឹងថា៖ «បើប្រៀបធៀបជាមួយប្រទេសដទៃ យើងមានឱកាសច្រើននៅក្នុងវិស័យធនាគារ និងហិរញ្ញវត្ថុ ពីព្រោះទីផ្សារនៃសេវាកម្មហិរញ្ញវត្ថុនៅមានចំនួនកំណត់ ហើយចំនួនអ្នកប្រើបាស់សេវាកម្មធនាគារ ប្រាក់បញ្ញើដែលគេដាក់ ឬប្រាក់កម្ចីមានចំនួនតិចបើធៀបនឹងចំនួនប្រជាជន។ ខ្ញុំគិតថា ការងារនៅក្នុងវិស័យនេះក្នុងរយៈពេល៤ឬ៥ឆ្នាំទៀតនៅតែបន្តលូតលាស់ ជានិច្ចដោយសារតែឱកាសនេះឯង»។
អ្វីទៅជាលក្ខណពិសេសរបស់ Banker?
អ្នក ជំនាញរូបនេះបានឲ្យដឹងថា មានចំណុចបីសំខាន់ដែលអ្នកចង់ក្លាយជា Banker គួរតែមាននោះ គឺជំនាញទំនាក់ទំនង ការគិតឲ្យបានស៊ីជម្រៅ (logical and critical thinking) និងសមត្ថភាពក្នុងការថែរក្សាទំនាក់ទំនងជាមួយអតិថិជន។
លោក បានពន្យល់ថា៖ «ខ្ញុំគិតថា អ្នកត្រូវតែមានជំនាញទំនាក់ទំនង អ្នកត្រូវតែជាមនុស្សចូលចិត្តនិយាយ ពីព្រោះការងាររបស់អ្នកភាគច្រើនគឺទាក់ទងទៅនឹងការប្រាស្រ័យជាមួយ អតិថិជន។ អ្នកគួរតែចេះគិតឲ្យបានស៊ីជម្រៅ និងពូកែគណិតវិទ្យា ពីព្រោះអ្នកធ្វើការជាមួយលេខ និងលុយ»។
លោក សំឱក បានរៀបរាប់ពីចំណុចសំខាន់ជាងគេដែលជាការថែរក្សាព័ត៌មានរបស់ អតិថិជនឲ្យជិតជានិច្ចនោះថា៖ «វាសំខាន់មែនទែន ពីព្រោះគេជឿទុកចិត្តអ្នកទើបគេមករកអ្នក។ មូលហេតុដែលធ្វើឲ្យធនាគារមួយជោគជ័យជាងធនាគារមួយទៀតគឺដោយសារតែ សមត្ថភាពរបស់គេក្នុងការបង្កើតជំនឿទុកចិត្តទៅលើអតិថិជន។ ទំនាកទំនង និងជំនឿទុកចិត្តមានតួនាទីសំខាន់ក្នុងជំនួយធនាគារឲ្យរីកចម្រើន»៕
ស្វែងយល់ពីកត្តាមូយចំនួនដែលពាក់ព័ន្ធនឹងវិស័យធនាគារ និងប្រាក់ចំណូលអ្នកដែលបម្រើការនៅផ្នែកនេះ
SECTOR DEVELOPMENT | EDUCATION | SALARY EXPECTATION | JOB MARKET | SOVATHA SAYS |
The banking industry is known as a “sexy industry” (growing industry) in Cambodia since the early 2000 years in particular. Inside that, retail banking which is known as personal finance service is remarkably growing within its own industry. | To work as retail banker you are recommended to have a finance and banking degree though any other degrees such as in sales, marketing, or management will do to. It is most important that you have a strong ability to manage, motivate and communicate as a key individual or team member. For some roles, you might be encouraged to take an accountancy qualification. |
Entry level salaries range from $180-$250 based on recruitment experience. Usually you start as front line employee (teller, customer service official, sales consultant…) in the retail banking division of a bank before you may be promoted to a junior management position in the next few years. | Even though the number of retail bankers needed in the economy is increasing the job market is highly competitive because many people aim for a position in the field. Most of the time, we see that jobs graduates find in retail banking are in customer relationship management (mostly dealing with customer complaints. | “To succeed in this profession, you don’t only need a university degree, but you should also have a strong ability to manage, motivate and inspire customers, to meet financial targets. You will be expected to be flexible about where you are based, which means you will have a chance to move around the country in your first couple of years. If you perform well in the first few years, your chance to become junior, middle, or branch manager is high.” |
Contact PhnomPenh Post for full article
Post Media Co LtdThe Elements Condominium, Level 7
Hun Sen Boulevard
Phum Tuol Roka III
Sangkat Chak Angre Krom, Khan Meanchey
12353 Phnom Penh
Cambodia
Telegram: 092 555 741
Email: webmasterpppost@gmail.com