IELTS ជាប្រព័ន្ធធ្វើតេស្ដភាសាអង់គ្លេសស្ដង់ដារដ៏ល្បីមួយក្នុងចំណោម ប្រព័ន្ធតេស្ដផ្សេងៗទៀតដែលត្រូវបានទទួលស្គាល់ពីជាង១៣០ប្រទេស លើសាកលលោក នេះបើយោងតាមគេហទំព័រផ្ទាល់របស់ IELTS។ សម្រាប់ប្រទេសកម្ពុជា IELTS កំពុងតែមានប្រជាប្រិយភាពយ៉ាងខ្លាំង ហើយសិស្សនិស្សិតដែលទទួលបានពិន្ទុខ្ពស់មានឱកាសច្រើនក្នុង ការចាប់យកអាហារូបករណ៍ទៅសិក្សានៅបណ្ដាប្រទេសដែលប្រើប្រាស់ភាសា អង់គ្លេស។
លោក ទេព លីវីណា វ័យ២៧ឆ្នាំ ជាស្ថាបនិកមជ្ឈមណ្ឌលអ៊ែតនិច (EDNICHE) ដែលបង្រៀនសិស្សនិស្សិតលើវិញ្ញាសាត្រៀមធ្វើតេស្ដ IELTS ទទួលបានពិន្ទុ IELTS ចំនួន ៨.០ កាលពីខែមីនា ឆ្នាំ២០១៣ កន្លងទៅ និងធ្លាប់ជាសិស្សពូកែ៤ឆ្នាំជាប់គ្នានៅវិទ្យាស្ថានភាសាបរទេស IFL ព្រមទាំងជាប្រធានក្លិបតស៊ូមតិរបស់ IFL រយៈពេល២ឆ្នាំផងដែរ។
អង្គុយក្នុងបន្ទប់រៀនមួយនៃមជ្ឈមណ្ឌល EDNICHE លោក ទេព លីវីណា បានរៀបរាប់ពីគោលដៅចម្បងរបស់មជ្ឈមណ្ឌលនេះថា៖ «យើងចង់ផ្ដោតលើការបណ្ដុះបណ្ដាលភាសាអង់គ្លេសដែលមានការធានាលើ គុណភាព។អ្វីទៅជាការធានាលើគុណភាព? នៅទីនេះ សិស្សត្រូវតែរៀនឲ្យបាន៧០ភាគរយ ហើយបើក្រោមនឹងធ្លាក់!»។
លោក បានណែនាំដល់សិស្សនិស្សិតដែលចង់ទៅសិក្សានៅក្រៅប្រទេសតាមរយៈ កម្មវិធីអាហារូបករណ៍ថា៖«យើងត្រូវដឹងថាអ្នកដែលផ្ដល់អាហារូបករណ៍ សម្លឹងមើលអ្វី? ជាសញ្ញាបត្រចេញពីសាលាឬក៏អ្វីផ្សេង? ភាគតិចណាស់ដែលគេឲ្យតម្លៃលើសញ្ញាបត្រដែលចេញពីសាលាភាសា អង់គ្លេស តែគេឲ្យតម្លៃលើសមត្ថភាពដែលសិស្សមានតាមរយៈការធ្វើតេស្ដ IELTS ឬ TOEFL»។
លោកបានប្រាប់ថា ក្នុងមួយថ្នាក់ លោកមានសិស្សច្រើនបំផុត១៥នាក់ ហើយលោកផ្តោតលើការសិក្សាពីគ្រូម្នាក់ទៅកាន់សិស្សម្នាក់ បើទោះបីជាសិស្សទាំងនោះមានចំនួនរហូតដល់១៥នាក់ក៏ដោយ។
លោក ថែមទាំងបានលើកឡើងពីករណីមួយចំនួនថា លោកធ្លាប់បានជួបប្រទះ ដោយគ្រូម្នាក់ត្រូវបង្រៀនសិស្សច្រើននាក់ ហើយច្រើនថ្នាក់ទៀត។ ដូច្នេះគ្រូមិនអាចផ្ដោតអារម្មណ៍លើសិស្សទាំងអស់ទេ ហើយក៏ផ្តោតការយកចិត្តទុកដាក់លើសិស្សដែលពូកែ។
លោក លីវីណា បានប្រាប់ពីគំនិតរបស់ខ្លួនថា៖ «នៅទីនេះ យើងផ្ដោតការយកចិត្តទុកដាក់ខ្លាំងលើសិស្សដែលអត់ចេះ តែយើងផ្ដល់ឱកាសបន្ថែមដល់អ្នកដែលប្ដេជ្ញាចិត្តក្នុងការរៀន សូត្រ»។
លោកបន្ដថា ជំនួសឲ្យការជួលគ្រូបរទេសមកបង្រៀន លោកជ្រើសរើសយកគ្រូជនជាតិខ្មែរទាំងអស់ដើម្បីបង្រៀនក្នុងមជ្ឈមណ្ឌល ពីព្រោះលោកចង់លើកទឹកចិត្តដល់និស្សិតខ្មែរដែលខំប្រឹងរៀន ជំនាញភាសាអង់គ្លេស។ លោកបាននិយាយថា៖ «យើងចង់ឲ្យពួកគាត់ទទួលបានតម្លៃល្អ ក្រោយពីការខិតខំប្រឹងប្រែងរៀនរយៈពេល៤ឆ្នាំ នៅសាលាភាសាបរទេសមក»។
លោកបានឲ្យដឹងថា ឪពុកម្ដាយ ឬសិស្សផ្ទាល់តែងតែសួររកគ្រូបរទេស ហើយលោកទទួលស្គាល់ថា៖ «ការសួរបែបនេះត្រឹមត្រូវហើយ ប្រសិនជាគាត់បានជួបគ្រូបរទេសមែន។ តាមពិតពួកគេមិនបានរៀនជាមួយគ្រូជនជាតិបរទេសទេ គ្រាន់តែជាជនបរទេសដែលមកធ្វើជាគ្រូបង្រៀនដោយមិនមានអាជីព ជាគ្រូបង្រៀនឡើយ»។
លោកបានលើកជាការប្រៀបធៀបមួយរវាង គ្រូបង្រៀនជនជាតិខ្មែរ និងជនជាតិបរទេសថា៖ «គ្រាន់តែបុគ្គលម្នាក់ដែលចេះខ្មែរ តើគាត់ប្រាកដជាអាចបង្រៀនខ្មែរបានដែរឬទេ? អត់ទេ! ទាល់តែគាត់ឆ្លងកាត់គរុកោសល្យ និងបទពិសោធបង្រៀនសិន!»។
លោក បានបន្ថែមថា ថ្វីដ្បិតតែគ្រូនៅ EDNICHE ជាជនជាតិខ្មែរក៏ដោយ ក៏ពួកគេសុទ្ធតែមានពិន្ទុ IELTS ចាប់ពី៧ឡើងដែរពីព្រោះនេះជាតម្រូវការរបស់មជ្ឈមណ្ឌលក្នុងការ ជ្រើសរើសគ្រូ។
លោក លីវីណា បានលើកឡើងថា៖ «កាលខ្ញុំនៅរៀន ខ្ញុំពូកែ ហើយពេលខ្ញុំចេញបង្រៀនខ្ញុំចង់ឲ្យសិស្សខ្ញុំពូកែដែរ។ ប៉ុន្ដែមិនមែនពូកែត្រឹមក្នុងថ្នាក់ទេ ខ្ញុំចង់ឲ្យគាត់អាចទទួលបានអាហារូបករណ៍ទៀត»។
យុវជនរូបនេះ បានប្រាប់ថា ភាពស្មោះត្រង់ គុណភាព និងភាពស៊ីចង្វាក់ បានជំរុញគ្រូម្នាក់ដែលចាប់ផ្ដើមបង្រៀនក្នុងបន្ទប់រៀនតូចមួយ យល់ឃើញពីតម្រូវការរបស់សិស្សនិស្សិតក្នុងការសិក្សាភាសា អង់គ្លេស។
លោកបានប្រាប់ពីការលំបាកថា៖ «ពាក្យថាគុណភាពនេះទាមទារឲ្យមានការវិនិយោគខ្ពស់ និងការថែរក្សាខ្ពស់ ពីព្រោះគុណភាពប្រឆាំងនឹងបរិមាណ និងការធ្វើអាជីវកម្ម។ការអប់រំគួរតែមិនមែនដើម្បីអាជីវកម្មទេ តែអាជីវកម្មគួរតែដើម្បីការអប់រំ»។
លោករៀបរាប់ពីប្រភេទ សិស្សដែលត្រូវការវគ្គបណ្ដុះបណ្ដាលនេះថា៖«អ្នកខ្លះគាត់ខ្លាំង ហើយ គ្រាន់តែគាត់ខ្វះការប្ដេជ្ញាចិត្តប៉ុណ្ណោះ។ ចំណែកអ្នកខ្លះទៀតគាត់អត់ខ្លាំងទេ អត់មានការប្ដេជ្ញាចិត្តទៀតដែលទាមទារឲ្យរៀនវគ្គត្រៀមដែលមាន ទាំងទ្រឹស្ដី និងការអនុវត្ត»។
ជាចុងក្រោយ លោក ទេព លីវីណា បានផ្ដល់ជាយោបល់ដល់សិស្សនិស្សិតដែលចង់ទទួលបានពិន្ទុខ្ពស់ ដើម្បីទៅសិក្សានៅក្រៅប្រទេសឬធ្វើការងារផ្សេងៗថា៖«ឈប់ឲ្យ តម្លៃទៅលើសញ្ញាបត្រដែលយើងរៀនចប់ តែប្ដូរទៅឲ្យតម្លៃលើសញ្ញាបត្រដែលបញ្ជាក់ពីសមត្ថភាពវិញ ពីព្រោះរៀនចប់មិនស្មើរៀនចេះទេ»៕
ស្វែងយល់ពីស្ថានភាពរបស់គ្រូបង្រៀនដែលបម្រើការងារនៅសាលារដ្ឋ និងឯកជន ព្រមទាំងប្រាក់បៀវត្សរ៍របស់គ្រូបង្រៀន
|
SECTOR DEVELOPMENT
|
EDUCATION
|
SALARY EXPECTATION
|
JOB MARKET
|
The education industry has develop quite significantly in the last 5 year from kindergarten up to higher education level having seen both public and private school opened to respond to the needs of students and parents.
|
There are specific education programmes and examination needed to become a teachers in the public school system-from kindergarten to high school class. For private school, there usaally is a specific recruitment process which could be different from one school to another.
|
The salary of teachers at private school may be higher than those public schools, but the job market for teacher is quite big. Therefore the total monthly income is quite compatitive as most of the teachers have part-time class or extra private teaching at a student's house. Those teachers who can speak and teach in both English and Khmer can earn a higher income.
|
The job market for teachers and professor has grown over at last 5 years and in seen to continue to grow further.
|
|
.jpg)
