ការ​សិក្សា​នៅ​បរទេស​ជា​បំណង​ប្រាថា្ន​របស់​សិស្សនិស្សិត​កម្ពុជា​គ្រប់​រូប​។ ស្រមៃ​ថា អ្នក​កំពុង​អង្គុយ​លើ​វាល​ស្មៅ​ពណ៌​បៃតង​ក្រោម​ដើមឈើ​ធំ​មួយ និង​ជជែក​ពី​គម្រោង​នានា​របស់​សាលា​ជាមួយ​នឹង​មិត្ដភក្ដិ​ដែល​មកពី​គ្រប់​ទិសទី តើ​វា​មាន​អារម្មណ៍​អស្ចារ្យ​បែប​ណា? ។ ដើម្បី​សម្រេច​ក្ដីបំណង​ទៅ​សិក្សា​នៅ​បរទេស​ដែល​ចំនួន​មាន​កំណត់ សិស្សនិស្សិត​តែងតែ​ខិតខំ​សិក្សា​រៀនសូត្រ​ពី​ព្រលឹម​ទល់​ព្រលប់​ដើម្បី​ដណ្ដើម​យក​អាហារូបករណ៍​ជាមួយ​គូប្រជែង​ដទៃ​ទៀត​ដែល​មាន​បំណង​ចង់​ទៅ​សិក្សា​នៅ​ក្រៅ​ប្រទេស​ដូច​អ្នក​ដែរ​។