ការ​ទៅ​សិក្សា​នៅ​បរទេស​គឺជា​ក្តីស្រមៃ​របស់​និសិត្ស​គ្រប់ៗ​រូប។ ហេតុផល​នោះ​គឺ​យុវជន​យើង​ចង់​បាន​នូវ​ការ​អប់រំ​ប្រកប​ដោយ​គុណភាព កម្រិត​អន្តរជាតិ។ ម្យ៉ាង​ការ​សិក្សា​នៅ​ក្រៅ​ប្រទេស​ធ្វើឲ្យ​យុវជន​ចេះ​ប្រៀបធៀប រៀនសូត្រ សម្រប​ខ្លួន និង​ទទួល​យក​ផ្នត់​គំនិត​ថ្មីៗ​ពី​មជ្ឈដ្ឋាន​ដែល​គេ​ទៅ​សិក្សា។ តាមរយៈ​ការសិក្សា ពួកគេ​រំពឹង​ថា នឹង​ទទួល​បាន​នូវ​ផល​តបស្នង​មក​វិញ តាមរយៈ​ការ​រក​បាន​ការងារ​ល្អៗ​ធ្វើ​នៅក្នុង​ស្រុក​ពេល​ដែល​គេ​ត្រឡប់​មក​វិញ។