ការ​ពង្រឹង​ចំណេះដឹង​ផ្នែក​ភាសា​មាន​សារៈសំខាន់​ខ្លាំង​ណាស់​សម្រាប់​សិស្ស​ដែល​ត្រៀម​ចូល​រៀន​នៅ​មហាវិទ្យាល័យ​។ អ្វីៗ​លែង​ដូច​មុន​ទៀត​ហើយ​។ ក្នុង​មហាវិទ្យាល័យ​ភាគច្រើន ការ​បង្រៀន​គឺ​ត្រូវការ​ភាសា​ជា​ជំនួយ ពីព្រោះ​ឯកសារ​មួយ​ភាគ​ធំ​គឺ​មាន​ជា​ភាសា​គេ ហើយ​ការ​ស្រាវជ្រាវ​បន្ថែម​ក៏​ទាមទារ​ឲ្យ​ចេះ​ភាសា​ដែរ​។ និស្សិត​ជាច្រើន​បាន​ត្អូញត្អែរ​ថា ដោយសារ​តែ​មិន​បាន​យក​ចិត្ត​ទុក​ដាក់​លើ​ភាសា​នៅក្នុង​ថ្នាក់​វិទ្យាល័យ ជាពិសេស​នៅ​ម៉ោង​រដ្ឋ បាន​ធ្វើឲ្យ​គេ​រៀន​មិន​ទាន់ យល់​មិន​ច្បាស់ ចេះ​មិន​ប្រាកដ​ក្រោយ​ពេល​រៀន​ចប់​។