ភ្នំពេញៈ ដោយ​បាន​ឆ្លង​កាត់​បទ​ពិសោធចូលរួម​ធ្វើ​កិច្ច​ការ​សង្គម​ និង​ការងារ​ស្ម័គ្រ​ចិត្ត​ជា​ច្រើន​ជាមួយ​អង្គការ​ផ្សេងៗ យុវជន​ យាង ប្រាថ្នា ក៏​មាន​គំនិត​​ប្រមូល​ផ្ដុំ​ក្រុម​យុវជន​ ដែល​ចង់​ធ្វើ​ការងារ​សង្គម មក​​បង្កើត​ជាក្រុម​យុវជន​សប្បុរស​ធម៌​មួយ​ មាន​ឈ្មោះ​ថា «Joy Cambodia» ក្នុង​គោល​បំណង​ ជួយ​ជំរុញ​យុវជន​ឲ្យធ្វើ​ការងារ​សង្គម ហើយ​ចូល​រួម​​ជួយ​ដល់​កុមារក្រីក្រ នៅ​តាមទី​​ជន​បទ​ដាច់ស្រយាល​ផងដែរ ខណៈដែល​យុវជន​រូប​នេះ​កំពុងតែ​សិក្សា​ឆ្នាំ​ទី ​៤ នៅ​​ពីរ​​មហា​វិទ្យាល័យ​​លើ​ជំនាញ​ផ្សេង​គ្នា​ក្នុង​ពេល​តែ​មួយ​។