ខណៈ​ពេល​ដែល​រដូវប្រាំង​បាន​ឈាន​ចូល​មក​ដល់ ការ​ប្រមូល​ស្ករត្នោត​ក៏​បាន​ចាប់ផ្ដើម​។ ជា​រៀងរាល់​ឆ្នាំ លោក សួន ណារ៉េន ត្រូវ​ដើរ​ទៅ​និយាយ​ថ្លៃ និង​រៀបចំ​កិច្ចព្រមព្រៀង​ជាមួយ​កសិករ​អ្នក​ផលិត​ស្ករត្នោត​ដែល​ជា​អ្នក​ផ្គត់ផ្គង់​ដល់​សហគ្រាស​របស់​លោក​ជាស្រេច ដើម្បី​ធានា​ប្រាប់​ពួកគេ​ថា គាត់​នឹង​ទិញ​ក្នុង​តម្លៃ​ព្រមព្រៀង​មួយ ហើយ​គាត់​នឹង​មិន​ក្រឡុក​ថ្លៃ​ដូច​ឈ្មួញ​កណ្ដាល​ដទៃ​ឡើយ។