ពាក្យចាស់​បុរាណ​លោក​តែង​ពោល​ថា៖ «​ព្យាយាម​គង់​បាន​សម្រេច»។ ពាក្យ​នេះ​មាន​ន័យ​ជ្រាលជ្រៅ​សម្រាប់​អប់រំ​បុគ្គល​ទូទៅ ជាពិសេស​ដល់​យុវជន​ដែល​ពុំ​មាន​លទ្ធភាព​គ្រប់គ្រាន់ ឲ្យ​មាន​សង្ឃឹម​ក្នុង​ជីវិត មិន​បាក់​ទឹកចិត្ត និង​ដើរ​ឆ្ពោះ​ទៅ​មុខ​ជានិច្ច តាម​គោលដៅ​ដែល​គេ​ចង់​បាន​នៅ​ថ្ងៃ​អនាគត ហើយ​ពាក្យ​នេះ​ហើយ ក៏​បាន​ធ្វើឲ្យ​យុវជន​មកពី​ជនបទ​ម្នាក់​ក្នុង​គ្រួសារ​ដែល​កម្រិត​ជីវភាព​ខ្វះខាត ខិតខំ​តស៊ូ ជម្នះ​រាល់​ឧបសគ្គ រហូត​ទទួល​បាន​ជោគជ័យ​មក​ដល់​សព្វថ្ងៃ។