មីគាវ មីផាក់ឡូវ និង មីស៊ុបតម្លៃពី ៨០០០៛ ទៅ ១៩០០០៛។
«She Who Tells The Story»៖ គឺជាការជួបជុំមិនផ្លូវការមួយដែលរៀបចំឡើងដោយ RUOM Collective ក្នុងគោលបំណងអបអរសារទរសំឡេងរបស់ស្ត្រីនៅក្នុងវិស័យថតរូប និងខ្សែភាពយន្ត។
កម្មវិធីនេះនឹងធ្វើការចាក់បង្ហាញស្នាដៃរូបថត និងខ្សែភាពយន្តឯកសារខ្លីៗរបស់ស្រ្តីចំនួនប្រាំរូបមកពីក្នុងប្រទេស និងក្រៅប្រទេសដែលមានទេពកោសល្យខាងវិស័យថតរូប និងផលិតភាពយន្ត។ ពួកគេនឹងចែករំលែកការងារ និងបទពិសោធនៅក្នុងការថតរូប និងភាពយន្តឯកសារទាំងនេះហើយនឹងត្រូវបានបន្តដោយសំណួរ និងចម្លើយពីអ្នកចូលរួមផង។
កម្មវិធីនេះនឹងប្រព្រឹត្តធ្វើទៅនៅថ្ងៃសៅរ៍ ទី៧ ខែមីនា ឆ្នាំ២០១៥ នៅវេលាម៉ោង ៧ កន្លះល្ងាច នៅ Opera Cafe។
|
មហោស្រពគីហ្សូណាកម្ពុជាជប៉ុន ឆ្នាំ២០១៥៖ ជាព្រឹត្តិការណ៍វប្បធម៌រយៈពេល ៤ថ្ងៃ នេះមានដូចជា ការតាំងពិព័រណ៍ ការបង្ហាញម្ហូបជប៉ុន ការប្រគំតន្ត្រីមិត្តភាពកម្ពុជាជប៉ុន ការចាក់បញ្ចាំងខ្សែភាពយន្តឯកសារ សិក្ខាសាលាស្តីអំពីសម្រស់ដែលបង្ហាញដោយអ្នកឯកទេសជប៉ុន កម្មវិធីផ្លាស់ប្តូរបទពិសោធរវាងនិស្សិតជប៉ុន និងកម្ពុជា រួមជាមួយនឹងការជួបជុំគ្នារវាងអ្នកស្លៀកសម្លៀកបំពាក់ Cosplay ផងដែរ។
កម្មវិធីនេះនឹងប្រារព្ធធ្វើឡើងចាប់ពីថ្ងៃទី៥ ដល់ ៨ ខែមីនា ឆ្នាំ២០១៥ នៅមជ្ឈមណ្ឌលសហប្រតិបត្តិការកម្ពុជាជប៉ុន (CJCC)។
លោកអ្នកអាចចូលរួមដោយសេរីដោយមិនចាំបាច់បង់ថវិកាឡើយ។
|
|
Mobile Camp Phnom Penh ២០១៥៖ គឺជាសន្និសីទ និងពិព័រណ៍បច្ចេកវិទ្យាទូរស័ព្ទចល័ត ដែលប្រារព្ធធ្វើឡើងក្នុងគោលបំណងឲ្យអ្នកឯកទេស អ្នកស្រាវជ្រាវ អ្នកអភិវឌ្ឍ និងអ្នកជំនាញខាងទូរស័ព្ទ ជួបជុំគ្នាដើម្បីចែករំលែកការយល់ឃើញពីស្ថានភាពបច្ចុប្បន្ន និងទស្សនវិស័យរបស់ពួកគេសម្រាប់ទិសដៅនាពេលអនាគតនៃការប្រែប្រួលនៅក្នុងតំបន់។
Mobile Camp Phnom Penh ២០១៥ នេះនឹងធ្វើឡើងនៅថ្ងៃសៅរ៍ ទី៧ ខែមីនា ឆ្នាំ២០១៥ ចាប់ពីម៉ោង ៨ ព្រឹក ដល់ម៉ោង ៥ ល្ងាចនៅវិទ្យាស្ថានបច្ចេកវិទ្យានៃកម្ពុជា។
|
|
«Safe Cities For Women»៖ គឺជាកម្មវិធីមួយដែលរៀបចំដោយ ActionAid Cambodia ដែលធ្វើឡើងដើម្បីលើកស្ទួយនិងការពារសុវត្ថិភាពស្ត្រីនៅក្នុងប្រទេសកម្ពុជា។
កម្មវិធីនេះមានការរាំជាចង្វាក់ម៉ាឌីហ្សុន ការគូរមុខ និងការថតរូប។ កាលបរិច្ឆេទនឹងធ្វើឡើងនៅថ្ងៃអាទិត្យ ទី៨ ខែមីនា ឆ្នាំ២០១៥ ចាប់ពីម៉ោង ៣ ដល់ម៉ោង ៧ ល្ងាចនៅទីលានប្រជាធិបតេយ្យ។
អ្នកដែលមានចំណាប់អារម្មណ៍ចូលរួមអាចទាក់ទងតាមរយៈទូរស័ព្ទលេខ ០៩៨ ៦៧១ ៩០៩ ដើម្បីទទួលបាននូវអាវយឺតដ៏ស្រស់ស្អាតមួយដោយឥតគិតថ្លៃ។
|
|
#WikiMeetup: Cambodia''s Prominent Women៖ ដើម្បីចូលរួមក្នុងការអបអរសាទរ ទិវាសិទ្ធិនារីអន្តរជាតិ ក្រុមការងារវិគីភីឌាភាសាខ្មែរបានរៀបចំការជួបជុំមួយដើម្បីសរសេរអត្ថបទនានាទាក់ទងនឹងស្ត្រី និងការចូលរួមដ៏សំខាន់របស់ពួកគាត់ក្នុងការអភិវឌ្ឍសង្គមកម្ពុជា។
កម្មវិធីនេះនឹងធ្វើឡើងនៅថ្ងៃអាទិត្យ ទី៨ ខែមីនា ឆ្នាំ២០១៥ នៅ 5D Lab Cambodia៕
|
តឹក ច័ន្ទរចនា
.jpg)
