ការងារ​សុចរិត​ទាំងអស់​សុទ្ធតែ​ទទួល​បាន​តម្លៃ​ស្មើ​គ្នា​មែន​ឬ​ទេ? ចុះ​ហេតុអ្វី​បាន​ជា​នារី ដែល​លក់​ស្រាបៀរ​តាម​ភោជនីយដ្ឋាន​ត្រូវ​បាន​មជ្ឈដ្ឋាន​ខាង​ក្រៅ​វាយតម្លៃ​មិន​ល្អ​? អ្នកស្រី អ៊ូ ទេពផល្លីន ដែល​ធ្លាប់​ធ្វើ​ជា​អ្នក​លក់​ស្រាបៀរ បាន​ឆ្លើយតប​នឹង​សំណួរ​ទាំងអស់​នោះ​ថា៖ «ខ្ញុំ​ជឿ​ថា ពួកគាត់​ទាំងនោះ​[ស្រី្ត​លក់​ស្រាបៀរ] មិន​ចង់​ធ្វើ​ការងារ​ដែល​សង្គម​មិន​ចូលចិត្ត​នោះ​ទេ ប៉ុន្តែ​គាត់​ត្រូវ​ធ្វើការ​ដើម្បី​រស់ ព្រោះ​អ្នក​ទាំងនោះ​មាន​ជីវភាព​ខ្សត់ខ្សោយ»។