ដើម្បី អាចបញ្ចុះបញ្ចូលទឹកចិត្តអ្នកទិញឲ្យជឿលើផលិតផលរបស់ខ្លួន តើអ្នកលក់ត្រូវមានលក្ខណសម្បត្តិអ្វីខ្លះ? តើការបញ្ចុះបញ្ចូលគេឲ្យទិញ ឬប្រើប្រាស់សេវាកម្មអ្វីមួយលំបាកយ៉ាងណា?
លោក ចាន់ រដ្ឋា ជាប្រធានផ្នែកលក់នៅក្រុមហ៊ុនធានារ៉ាប់រងមេនូឡាយហ្វ៍ (Manu Life) ប្រាប់ពីបទពិសោធនិងគន្លឹះមួយចំនួនចំពោះអាជីពជាអ្នកលក់ (Sales Person) ថា៖ «ទោះបីជារៀនផ្នែកអ្វីក៏ដោយក៏យើងនៅតែអាចចូលធ្វើការក្នុង ផ្នែកជាអ្នកលក់បានដែរ»។
លោកបានពន្យល់ថា ជំនាញលក់មាននៅក្នុងគ្រប់មុខវិជ្ជាទាំងអស់ រួមទាំងអាជីពជាគ្រូបង្រៀន ពីព្រោះគ្រូត្រូវចេះបញ្ចុះបញ្ចូលសិស្សឲ្យយល់ពីមេរៀនរបស់ខ្លួន ព្រមទាំងឲ្យពួកគេយល់ពីអត្ថប្រយោជន៍នៃការបង្រៀននោះ។
អតីត និស្សិតផ្នែកទំនាក់ទំនងអន្តរជាតិមកពីប្រទេសជប៉ុនរូបនេះបាន បង្ហាញទស្សនៈថា ការងារផ្នែកលក់(Sales)មានសារៈសំខាន់ណាស់ពីព្រោះវាជាប្រភេទការងារ ដែលធ្វើឲ្យសាធារណជនយល់ពីតម្រូវការនិងពាំនាំផលិតផលឬសេវាកម្ម ដល់អ្នកប្រើប្រាស់។ លោកបានបន្តថា នៅពេលមានតម្រូវការ និងការផ្តល់ឲ្យ នោះវានឹងជួយសេដ្ឋកិច្ចឲ្យលូតលាស់ទៅមុន ព្រមទាំងជួយឲ្យវិស័យឯកជនមានតួនាទីសំខាន់ក្នុងការជួយអភិវឌ្ឍ សង្គមជាតិផងដែរ។
ចំពោះរូបលោកផ្ទាល់ លោកបានចាប់អារម្មណ៍លើវិស័យនេះតាំងពីនៅជានិស្សិតអក្សរសាស្រ្ត អង់គ្លេសនៅសាកលវិទ្យាល័យភូមិន្ទភ្នំពេញមកម្ល៉េះដោយលោកបានលើកឡើង ថា៖ «ខ្ញុំគិតថា បើមនុស្សម្នាក់អាចធ្វើការជោគជ័យក្នុងផ្នែកលក់បាន គេក៏អាចធ្វើឲ្យជីវិតគេមានភាពរីកចម្រើនដែរ ពីព្រោះការងារនេះតម្រូវឲ្យអ្នកមានសមត្ថភាពក្នុងការពន្យល់»។
គួរ រំឭកដែរថា ក្រោយពីបញ្ចប់ការសិក្សាអក្សរសាស្រ្តអង់គ្លេសនៅឆ្នាំ២០០២ លោក រដ្ឋា បានចាប់យកអាជីពជាគ្រូបង្រៀន ដែលលោកយល់ថា វាជាបទពិសោធមួយដ៏សំខាន់សម្រាប់លោកក្នុងការបន្តចាប់យកអាជីព ផ្នែកលក់។ លោកបានប្រាប់ថាថា៖ «អាជីពជាគ្រូបង្រៀនបានជួយខ្ញុំឲ្យយល់ពីការធ្វើបទបង្ហាញ និងពន្យល់មេរៀន ដែលពិតជាប្រយោជន៍យ៉ាងច្រើននៅពេលដែលខ្ញុំចាប់ផ្តើមការងារក្នុង វិស័យឯកជន»។
ប្រធានផ្នែកលក់រូបនេះនិយាយថា៖ «អាជីពផ្នែកលក់គឺជាជំនាញទន់(soft-skill) ហើយដើម្បីអាចចាប់អាជីពនេះប្រកបដោយជោគជ័យអ្នកលក់ខ្លួនឯងត្រូវ យល់និងជឿជាក់ថា ផលិតផល ឬក៏សេវាកម្មដែលគាត់កំពុងលក់ពិតជាល្អចំពោះសាធារណជន។ សំខាន់បំផុតអ្នកលក់ត្រូវមានភាពស្មោះត្រង់ និងចូលចិត្តធ្វើការជាមួយសាធារណជន»។
លោក រដ្ឋា បានផ្ដល់ជាគំនិតថា សូមកុំស្ទាក់ស្ទើរក្នុងការចាប់យកអាជីពជាអ្នកលក់នេះថ្វី ដ្បិតតែអ្នកមិនបានសិក្សាផ្នែកមួយនេះក៏ដោយ។ បញ្ហាសំខាន់ស្ថិតត្រង់ថា តើអ្នកចូលចិត្ដចំពោះកិច្ចការនេះឬអត់? តើអ្នកមានសមត្ថភាពពន្យល់ឲ្យគេជឿជាក់លើផលិតផល ឬសេវាកម្មរបស់អ្នកបានកម្រិតណា? លោកបានបន្តទៀតថា នៅពេលដែលដឹងថាខ្លួនចង់ធ្វើជាអ្នកលក់អ្នកគួរយល់ថា តើអ្នកប៉ិនប្រសប់និយាយទាក់ទងនឹងផលិតផល (វត្ថុដែលមានរូប) ឬវត្ថុអរូបី(ដូចជា សេវាកម្ម) ដែលឬទេ?
ជាមួយនឹងបទពិសោធ ការងារ៥ឆ្នាំនៅក្នុងវិស័យធនាគារ និងពីរឆ្នាំជាមួយក្រុមហ៊ុនធានារ៉ាប់រងជីវិ លោកបានទទួលស្គាល់ថា លោកបានសម្រេចផែនការដែលធ្លាប់គិតកាលពីនៅរៀន តែលោកបាននិយាយថា៖ «ការងារផ្នែកលក់បានជំរុញឲ្យខ្ញុំមានគំនិតកាន់តែធំ មានផែនការកាន់តែស៊ីជម្រៅនិងជួបបង្កើនសមត្ថភាពឲ្យកាន់តែ វែងឆ្ងាយ»។
លោកបញ្ជាក់ថា ការអានសៀវភៅ៣០នាទីរៀងរាល់ថ្ងៃ ការទទួលបានគំនិតពីមនុស្សផ្សេងៗ និងការស្តាប់រឿងតស៊ូពីបុគ្គលល្បីៗ ជាកត្តាសំខាន់មួយដែលជួយពង្រីង និងពង្រីកសមត្ថភាពរបស់លោកនៅក្នុងផ្នែកលក់ឲ្យទទួលបានការ គោរពស្រឡាញ់ និងទទួលស្គាល់។ លោកលើកឡើងថា៖ «ចំណីររបស់ខួរក្បាលគឺសៀវភៅ»។
លោកបានប្រាប់ពីការភាន់ច្រឡំខ្លះៗ ថា មនុស្សភាគច្រើនតែងតែច្រឡំការងារនេះទៅនឹងការងារទីផ្សារ (Marketing) ដោយលោកបានពន្យល់ថា៖ «បើតាមខ្ញុំយល់ ខ្ញុំគិតថា ការងារទីផ្សារភាគច្រើនជាកិច្ចការដែលទាក់ទងនឹងការបង្កើត ឬផ្សព្វផ្សាយធ្វើឲ្យមនុស្សស្គាល់ពីផលិតផលរបស់ខ្លួន។ ប៉ុន្ដែ ការងារផ្នែកលក់ជាកិច្ចការទាក់ទងនឹងការចែកចាយ និងលក់សេវាកម្ម ឬផលិតផលរបស់ក្រុមហ៊ុន»។
យ៉ាងណាមិញ លោក រដ្ឋា ទទួលស្គាល់ថា ការងារនេះទាមទារឲ្យមានការខំប្រឹងប្រែងច្រើនហើយលោកពិតជា ស្រឡាញ់អាជីពផ្នែកលក់ និងចង់មើលឃើញការងារនេះទទួលបានជោគជ័យ៕
ខាងក្រោមនេះគឺជាការចាត់ចំណាត់ប្រាក់បៀរវត្សរ៍របស់បុគ្គលិកបម្រើការងារក្នុងផ្នែកទីផ្សារ
INDUSTRY DEVELOPMENT
All industries are being developed within the country and the need of marketing profession are found in every kind of industries such as Manufacturing, FMCG, banking and service, agriculture/agribusiness, Trading…etc. The demand is continuously increasing as each company in each particular industry is becoming more and more competitive, and therefore the company needs strong marketing people to support the company’s branding/activities moving forward progressively.
EDUCATION AND SALARY RANG To get the job in this field, it is very important that each job seeker earns at least their bachelor degree in Marketing or relevant field such as business administration or management.
Below is the average salary range for each level:
entry level |
1-3 years experiences |
supervisor level |
junior managment level |
managment level |
150$ to 250$ | 250$ to 450$ | 450$ to 650$ | 700$ to 1300$ | 1500$ to 3000$ |
Bachelor of Marketing or in relevant field | Bachelor of Marketing or in relevant field | Bachelor of Marketing or in relevant field | Bachelor of Marketing or in relevant field | Master or Bachelor of Marketing or in relevant field |
JOB MARKET The job market for this profession is increasingly growing since past decade and is expecting to grow further in responding to the growing economics nowadays…
Vatha says | To succeed in marketing profession no matter it is junior or senior, you have to be balanced equally between analytical and physical abilities to perform marketing role, plus excellent communications skills, including listening and responding. You have to be well-organized, self-motivated, be conscious, and sometimes have to be aggressive, creative, expressive, emphatic, understanding, solutions and details-oriented, imaginative, and persuasive. There are many friends of mine whom I have known and seen them growing quickly in this field. They are currently employed by different companies in different industries. |
Contact PhnomPenh Post for full article
Post Media Co LtdThe Elements Condominium, Level 7
Hun Sen Boulevard
Phum Tuol Roka III
Sangkat Chak Angre Krom, Khan Meanchey
12353 Phnom Penh
Cambodia
Telegram: 092 555 741
Email: webmasterpppost@gmail.com