Search form

Login - Register | FOLLOW US ON

Logo of Phnom Penh Post newspaper Phnom Penh Post - អ្នក​ជួយ​រក​ចំណូល​សម្រាប់គ្រួសារ!

អ្នក​ជួយ​រក​ចំណូល​សម្រាប់គ្រួសារ!

13_stand-alone
13_stand-alone

កុមារាពីរនាក់​បង​ប្អូន កំពុងជួយ​ឪពុកម្តាយក្នុងការ​ដើរ​ប្រមូល​ទិញ​ដូង​តាម​ផ្ទះ​ពី​ប្រជា​ពលរដ្ឋ​នៅភូមិស្វាយជ្រំ ឃុំ​រកាកោង ស្រុក មុខកំពូល​ខេត្ត​កណ្តាល​កាល​ពីថ្ងៃម្សិលមិញ ដើម្បី​យក​ទៅ​ចែកចាយ​បន្ត៕ រូបថត ហេង​ ជីវ័ន

ប្រមាណ​ជា ១០ ភាគរយ​នៃ​កុមារ​កម្ពុជា​ចន្លោះ​ពី​អាយុ ៥ ឆ្នាំ​ទៅ ១៧ ឆ្នាំ គឺជា «កម្មករ​កុមារ» ដោយ​ធ្វើ​ការងារ​រក​កម្រៃ ហើយ​ដែល​ត្រូវ​បាន​ចាត់​ទុក​ថា ខុស​ច្បាប់​ឬ​មិន​ស័ក្តិសម​នឹង​សមត្ថភាព​ពួក​គេ​ខណៈ​កុមារ​សឹង​តែ ២៤ ម៉ឺន​នាក់​កំពុង​ធ្វើ​ការងារ​ក្នុង​ស្ថានភាព​គ្រោះថ្នាក់។ នេះ​បើ​តាម​របាយ​ការណ៍​មួយ​ដែល​ប្រកាស​ផ្សាយ​កាល​ពី​សប្តាហ៍មុន។

ទិន្នន័យ​ថ្មី​ចេញ​ផ្សាយ​ដោយ​វិទ្យាស្ថាន​ជាតិ​ស្ថិតិ និង​អង្គការ​ពលកម្ម​អន្តរជាតិ (ILO) បាន​រក​ឃើញ​ថា អត្រា​ឈប់​រៀន​កើន​ឡើង​ខ្ពស់​ជា​សញ្ញា​គួរ​ឲ្យ​បារម្ភ​សម្រាប់​អនាគត​ប្រទេស ​ជាតិ។

តួលេខ​ពី​ការ​អង្កេត​របស់​អង្គការ​ពលកម្ម​កុមារ និង​កម្លាំង​ពលកម្ម​កម្ពុជា បង្ហាញ​ថា នៅ​ឆ្នាំ ២០១២ យុវជន​ប្រហែល ៣,៨ ភាគរយ ឬ ៨០ ៩៨០ នាក់ ក្នុង​ចំណោម​យុវជន​ជាង​ពីរ​លាន​នាក់​មាន​អាយុ​ពី ១៥ ដល់ ២៤ ឆ្នាំ​បច្ចុប្បន្ន​គ្មាន​ការងារ​ធ្វើ​។ អត្រា​នេះ​គឺ​ខ្ពស់​ជាង​អត្រា​ជាតិ​ដែល​មាន ២,៧ ភាគរយ។

របាយ​ការណ៍​បាន​ចេញ​ផ្សាយ​កាល​ពី​ម្សិលមិញ​បាន​លម្អិត​ពី​ការ​អប់រំ​ កម្រិត​ទាប​របស់​យុវជន​កម្ពុជា​ក្នុង​ការ​ចូល​បម្រើ​ក្នុង​កម្លាំង​ពលកម្ម។​ មាន​តែ ៤៦,៧ ភាគរយ​នៃ​យុវជន​មាន​ការងារ​ធ្វើ​ទាំង​នោះ​បាន​រៀន​ចប់​ថ្នាក់​មធ្យម​សិក្សា ខណៈ​មាន​តែ ៤១,៥ ភាគរយ​បាន​បញ្ចប់​ថ្នាក់​បឋម​សិក្សា។

0

Comments

Please, login or register to post a comment

ព័ត៌មានពាក់ព័ន្ធ