Search form

Login - Register | FOLLOW US ON

Logo of Phnom Penh Post newspaper Phnom Penh Post - ការ​ចែកចាយ​ព័ត៌មាន​កាន់តែ​ទូលំទូលាយ ​តាមរយៈ​ប្រព័ន្ធ​បណ្តាញ​សង្គម

Content image - Phnom Penh Post
ក្រុម​យុវជន​វ័យ​ក្មេង​ដែល​ធ្វើការ​អភិវឌ្ឍន៍​ច្រើន​នៅ​តាម​បណ្តាញ​អ៊ីនធើណិត​។ រូបថត សហការី

ការ​ចែកចាយ​ព័ត៌មាន​កាន់តែ​ទូលំទូលាយ ​តាមរយៈ​ប្រព័ន្ធ​បណ្តាញ​សង្គម

ដើម្បី​រក្សា​នូវ​សមត្ថភាព​ប្រកួត​ប្រជែង​បាន​ទាំង​ទីផ្សារ​ការងារ​ក្នុង​ស្រុក និង​ប្រចាំ​តំបន់​ប្រទេស​មួយ​ត្រូវការ​ច្រើន​ជាង​វិស័យ​អបរំ​ទៅ​ទៀត​នេះ​បើ​យោង​តាម​សម្តី​លោក បរមី ដែល​ជា​សហស្ថាបនិក​ទំព័រ​អប់រំ WEduShare​។

ភាព​ជឿជាក់​នេះ​បាន​ជំរុញ​ឲ្យ​លោក និង​សហស្ថាបនិក​ពីរ​រូប​ទៀត​ដែល​បាន​ចាប់ផ្តើម​ចែករំលែក​ព័ត៌មាន​រាប់​ចាប់​តាំងពី​ឱកាស​ការងារ អ្នក​ហាត់ការ​រហូត​ដល់​កម្មវិធី​សិក្សា​នៅ​ក្រៅ​ប្រទេស​តាមរយៈ​ហ្វេសប៊ុក​។

ជាមួយ​នឹង​ភាព​ងាយស្រួល​ក្នុង​ការ​ចែកចាយ​ព័ត៌មាន​ដោយ​ឆាប់​រហ័ស និង​ទូលំទូលាយ​បាន​លឿន​ទំព័រ​ហ្វេសប៊ុក​ដែល​ផ្តោត​លើ​ការ​អប់រំ និង​ចែករំលែក​ឱកាស​ទទួល​បាន​ការ​អប់រំ​កំពុង​មាន​ការ​កើនឡើង និង​ពេញនិយម​នៅ​កម្ពុជា​។

WEduShare ជា​ទំព័រ​មួយ​ដែល​ទទួល​បាន​ចំនួន Like និង​អ្នក​តាមដាន (followers) ដល់​ទៅ​​ ៨ ​ម៉ឺន​គិត​ចាប់​ពី​ខែ​ឧសភា​ឆ្នាំ​ ២០១៦ ​រហូត​មក​ដល់​បច្ចុប្បន្ន​។

លោក ស្រ៊ាង ថ្លែង​ថា៖ «​ប្រសិន​បើ​គ្មាន​ប្រព័ន្ធ​បណ្តាញ​សង្គម ពិសេស​ហ្វេសប៊ុក​ទេ​នោះ​យើង​អាច​នឹង​ត្រូវ​ចំណាយ​ធនធាន និង​ពេលវេលា​យ៉ាង​ច្រើន​សម្រាប់​ការ​លូតលាស់​យ៉ាង​ឆាប់រហ័ស​បែប​នេះ​»​។ «​បច្ចេកវិទ្យា​បាន​ជួយ​យើង​ឆ្លង​កាត់​ឧបសគ្គ​យ៉ាង​ច្រើន​ដែល​អនុញ្ញាត​ឲ្យ​អ្នក​គ្រប់​គ្នា​អាច​ទទួល​បាន​ព័ត៌មាន និង​ឱកាស​ទទួល​បាន​ចំណេះដឹង​ស្មើៗ​គ្នា​»​។

ទម្រង់​ប្រព័ន្ធ​អប់រំ​ថ្មី​នេះ​កំពុង​មាន​ការ​ពេញ​និយម​ខ្លាំង​ដោយសារ​តែ​កំណើន​ការ​ប្រើប្រាស់​អ៊ីនធើណិត​នៅ​កម្ពុជា​មាន​ការ​កើនឡើង​ខ្ពស់​ពិសេស​នៅ​ប្រព័ន្ធ​បណ្តាញ​សង្គម​តែ​ម្តង​។

ក្នុង​ការ​សិក្សា​មួយ​កាលពី​ឆ្នាំ​ ២០១៦ ស្តីអំពី​ការ​ប្រើប្រាស់​ទូរស័ព្ទដៃ និង​អ៊ីនធើណិត​នៅ​កម្ពុជា​ដែល​រៀបចំ​ឡើង​ដោយ​អង្គការ​មូលនិធិ​អាស៊ី​បាន​បង្ហាញ​ថា​ប្រជាជន​ខ្មែរ​ ៣០ ​ភាគរយ​ស្វែងរក និង​ទទួល​បាន​ព័ត៌មាន​តាមរយៈ​អ៊ីនធើណិត ឬ​ហ្វេសប៊ុក​ដែល​ធ្វើឲ្យ​ប្រព័ន្ធ​បណ្តាញ​សង្គម​នេះ​មាន​ការ​ពេញ​និយម​ខ្លាំង​សម្រាប់​ការ​ចែកចាយ​ព័ត៌មាន​។

ការ​កើនឡើង​នៃ​ការ​ប្រើប្រាស់​បណ្តាញ​សង្គម​របស់​យុវជន​ខ្មែរ​បាន​ជួយ​ឲ្យ​ទំព័រ​ហ្វេសប៊ុក​ឈ្មោះ Ahladang ដែល​តែងតែ​ផ្សព្វផ្សាយ​អំពី​ឱកាស​អាហារូបករណ៍ និង​កម្មវិធី​អប់រំ​មិន​ផ្លូវការ​ទទួល​បាន​អ្នក​តាមដាន​ឬ Followers ដល់​ទៅ​ ១២ ​ម៉ឺន​នាក់​។

Content image - Phnom Penh Post
លោក បរមី ឡើង​ពន្យល់​អំពី​ដំណើរការ​អភិវឌ្ឍន៍​របស់​ពួកគាត់​។ រូបថត សហការី

«​យើង​ចាប់ផ្តើម​ទំព័រ Ahladang នៅ​ចុង​ឆ្នាំ​ ២០១៥ ពីព្រោះ​យើង​ចង់​ផ្តល់​នូវ​ព័ត៌មាន​អំពី​អាហារូបករណ៍ និង​មេរៀន​ភាសា​អង់គ្លេស​ដល់​សិស្ស បើ​ទោះ​ជា​នៅ​ឆ្ងាយ​ពី​គ្នា​ក្តី​។ ហ្វេសប៊ុក​អនុញ្ញាត​ឲ្យ​យើង​អាច​ចែករំលែក​ព័ត៌មាន​ទៅ​កាន់​សិស្សានុសិស្ស​បាន​យ៉ាង​ឆាប់​រហ័ស​» នេះ​បើ​យោង​តាម​សម្តី​លោក សវីរៈដារ៉ា ដែល​ជា​សហស្ថាបនិក​ទំព័រ Ahladang​។

Viv Pov ដែល​ជា​អ្នក​ប្រើ​ទំព័រ Ahladang បាន​ថ្លែង​ថា​ទំព័រ​ហ្វេសប៊ុក​មាន​អត្ថប្រយោជន៍​ក្នុង​ការ​ជួយ​ដល់​ការ​សិក្សា​របស់​លោក​ពី​សៀវភៅ​មេរៀន​។

លោក​ថ្លែង​បន្ត៖ «​ការ​ប្រើ​ទំព័រ Ahladang គឺ​ផ្នែក​មួយ​ដែល​ខ្ញុំ​ប្រើ​ទំព័រ​ហេ្វសប៊ុក​។ ខ្ញុំ​គិត​ថា​ទំព័រ​នេះ​បង្រៀន​ខ្ញុំ​ពី​របៀប​ប្រើ​វេយ្យាករណ៍​ទម្រង់​ប្រយោគ និង​វាក្យស័ព្ទ ប៉ុន្តែ​សៀវភៅ​ខ្ញុំ​ក៏​មាន​សារៈសំខាន់​ផង​ដែរ​»​។

បង្កើន​នូវ​ភាព​ងាយស្រួល​ក្នុង​ការ​ទទួល​បាន​ព័ត៌មាន​អំពី​អាហារូបករណ៍​។

«​បច្ចុប្បន្ន​យើង​កំពុង​សការ​ជាមួយ​ស្ថាប័ន និង​មហាវិទ្យាល័យ​បរទេស​មួយ​ចំនួន​ដើម្បី​នាំ​យក​នូវ​អាហារូបករណ៍​ដោយ​ផ្ទាល់​សម្រាប់​សិស្សានុសិស្ស​កម្ពុជា និង​ជួយ​ឲ្យ​សិស្សានុសិស្ស​នៅក្នុង​ប្រទេស​កម្ពុជា​ទាំង​មូល​មិន​ថា​នៅ​ទីក្រុង និង​ទីជនបទ​បាន​ដឹង​អំពី​ឪកាស​ទាំង​នេះ​។

អ្នក​ប្រើប្រាស់​ទំព័រ WEduShare ម្នាក់​គឺ​លោក អ៊ូច បាន​លើក​ឡើង​ថា​ទំព័រ​អប់រំ​នៅ​លើ​ហ្វេសប៊ុក​មាន​សារៈសំខាន់​ក៏​ព្រោះ​តែ​ទំព័រ​ទាំង​នេះ​ចែករំលែក​ព័ត៌មាន​បាន​លឿន និង​រហ័ស​ជាង​។

ក្រៅពី WEduShare លោក អ៊ូច ក៏​ចាត់​ទុក​ទំព័រ YDP Cambodia and Scholarship for Cambodia ជា​ទំព័រ​ហ្វេសប៊ុក​ដែល​លោក​និយម​ឆែក​មើល​ផង​ដែរ​។

លោក​បន្ត​ថា​៖ «​យើង​អាច​ទទួល​បាន​ព័ត៌មាន​អំពី​អាហារូបករណ៍ និង​ការ​អប់រំ​បាន​ដោយ​ងាយ​ដោយ​គ្រាន់​តែ​ប្រើ​ម្រាមដៃ​ចុច​ពីរ​បី​ដង​ប៉ុណ្ណោះ​។ ដូច្នេះ​ហើយ​កត្តា​នេះ​ជួយ​ឲ្យ​មនុស្សម្នា​ចាប់​បាន​ឪកាស​កាន់តែ​ច្រើន​»​។

ជា​បេក្ខជន​មួយ​រូប​ធ្លាប់​ជាប់​អាហារូបករណ៍ Chevening ឆ្នាំ​សិក្សា​ ២០១៧-២០១៨ លោក អ៊ូច បន្ត​ថា​ហ្វេសប៊ុក​គឺជា​មធ្យោបាយ​មួយ​ដែល​ប្រមូលផ្តុំ​ក្រុម​មនុស្ស​ដែល​មាន​ការ​យល់​ឃើញ​ស្រដៀង​គ្នា​ហើយ​ជាក់ស្តែង​ដូច​កម្មវិធី​បង្វឹក WEduShare ដែល​បាន​ប្រមូលផ្តុំ​បេក្ខជន និង​បេក្ខនារី​ដាក់​ពាក្យ​អាហារូបករណ៍​កាលពី​លើក​មុន​ផង​ដែរ​។

អាហារូបករណ៍ Chevening ត្រូវ​បាន​ផ្តល់​ជូន​ទៅ​សិស្ស​ពូកែ​នៅ​កម្ពុជា​សម្រាប់​ការ​បន្ត​ការ​សិក្សា​កម្រិត​ឧត្តមសិក្សា (Master’s) នៅ​សាលា​ណា​ក៏​បាន​ក្នុង​ប្រទេស​អង់គ្លេស​។

«​ខ្ញុំ​បាន​ស្គាល់ និង​ដាក់​ពាក្យ​អាហារូបករណ៍ Chevening មុន​ពេល​ទំព័រ​ហ្វេសប៊ុក WEdu Share ត្រូវ​បាន​បង្កើត​ឡើង​។ បើ​ទោះ​ជា​យ៉ាង​នេះ​ក្តី​កាលពី​ឆ្នាំ​មុន​ទំព័រ​នេះ​បាន​ណែនាំ​នូវ​កម្មវិធី​បង្វឹក​មួយ​។ ក្រៅពី​កាលវិភាគ​ដែល​មមាញឹក​ខ្លាំង​យើង​ដែល​ជា​អ្នក​ចូលរួម​ទាំង​ ៥ ​រូប​បាន​ទទួល​ចំណេះដឹង​យ៉ាង​ច្រើន​ពី​អ្នក​បង្វឹក​ហើយ​វា​បាន​ជួយ​ឲ្យ​អ្នក​ចូលរួម​ច្រើន​ជាង​ ៥០ ​ភាគរយ​ជាប់​ឈ្មោះ​សម្រាប់​អាហារូបករណ៍​»​។

និយាយ​ដល់​អត្ថប្រយោជន៍​ដែល​បណ្តាញ​សង្គម​អាច​ជួយ​បាន​លើ​ផ្នែក​អប់រំ​លោក អ៊ូច ថ្លែង​ថា៖ «​ខ្ញុំ​ជឿជាក់​យ៉ាង​មុតមាំ​លើ​វីដេអូ​ឡាយហ្វ៍​ផ្ទាល់​ (live video)​។ ជាមួយ​នឹង​ល្បឿន​អ៊ីនធើណិត​លឿន​នៅ​កម្ពុជា វីដេអូឡាយហ្វ៍ អាច​ជា​ដំណោះស្រាយ​ដ៏សំខាន់​សម្រាប់​ពេល​ខ្លះ​។ វីដេអូ​ឡាយហ្វ៍​អាច​ជួយ​ឲ្យ​កូន​ខ្មែរ​ទទួល​បាន​ការ​អប់រំ​ប្រកប​ដោយ​គុណភាព​ខ្ពស់​»៕

Samanthan Chua

0

Comments

Please, login or register to post a comment

ព័ត៌មានពាក់ព័ន្ធ