ជាង​មួយ​ទសវត្សរ៍​កន្លង​មកនេះ​វិស័យ​ហិរញ្ញវត្ថុ​នៅ​កម្ពុជា បាន​ដើរតួ​យ៉ាងសំខាន់​ក្នុងការ​ជំរុញ​ឲ្យ​មាន​ស្ថិរភាព​កំណើន​សេដ្ឋកិច្ច​ជាតិ​ប្រមាណ​៧​ភាគរយ​ជាប្រចាំ។ ដោយ​ឡែក​ធនាគារ​ស្ថាបនា​ភីអិលស៊ី ដែល​មាន​ប្រវត្តិ​អភិវឌ្ឍ​ខ្លួន​មកពី​គ្រឹះស្ថាន​មីក្រូ​ហិរញ្ញវត្ថុ​ក្នុង​ស្រុក បន្ទាប់​មក​កម្លាយ​ខ្លួន​ជា​ធនាគារ​ពាណិជ្ជ​បនា្ទប់​ពី​មាន​ភាគ​ទុនិក​ថ្មី MARUHANA INVESTMENT ASIA PTE. LTD. ដែល​បាន​បង្ហាញ​ពី​ភាព​កាន់​តែ​សកម្ម​របស់ខ្លួន​នៅក្នុង​ចរន្ត​សេដ្ឋកិច្ច​កម្ពុជា​។ ដោយ​គ្រាន់​តែ​នៅ​អំឡុងពេល​ឆ្នាំ​ចុង​ក្រោយ​នេះ ស្ថាបនា​បាន​បង្កើន​ប្រាក់​កម្ចី​របស់​ខ្លួន​ឡើង​ដល់​ជិត​៦០០​លាន​ដុល្លារ​អាមេរិក​ជូន​ដល់​ប្រជាពល​រដ្ឋ​កម្ពុជា​នៅ​ទូទាំង​ប្រទេស​។​