ដើម្បី​ចូលរួម​លើក​កម្ពស់​វិស័យ​សេវាកម្ម​សុខាភិបាល​នៅ​កម្ពុជា​ឲ្យ​កាន់​តែ​មាន​គុណភាព​ប្រសើរ​ឡើង​គួរ​ជា​ទី​ទុកចិត្ត​បាន «​មន្ទីរ​ពហុព្យាបាល​អន្តរជាតិ​ខេមា​»​ នៅ​សង្កាត់​បឹងកេងកង​ ១​ គឺជា​ការ​ពង្រីក​បន្ថែម​ពី​មន្ទីរ​សំរាក​ព្យាបាល និង​សម្ភព​ខេមា​នៅ​ទួលគោក។ សាខា​ថ្មី​នេះ​ត្រូវ​បាន​បង្កើត​ឡើង​ដោយ​បំពាក់​នូវ​រាល់​សម្ភារ​បរិក្ខា​ថ្មី​ទំនើបៗ​ប្រកប​ដោយ​បច្ចេកវិទ្យា​ចុងក្រោយ​នៅ​ក្នុង​វិស័យ​សុខាភិបាល​នា​សតវត្សរ៍​ទី​ ២១ ​នេះ និង​ប្រជុំ​ទៅ​ដោយ​ក្រុម​វេជ្ជបណ្ឌិត​ឯកទេស​ចម្រុះ​ជាតិសាសន៍​មាន​ក្រម​សីលធម៌​វិជ្ជាជីវៈ​ខ្ពស់​ត្រឹមត្រូវ​។ ​ការបង្កើត​ «​មន្ទីរ​ពហុព្យាបាល​អន្តរជាតិ​ខេមា​»​នេះ​ជា​ប្រយោជន៍​ចូលរួម​ផ្តល់​សេវាកម្ម​ផ្នែក​សុខភាព​ឲ្យ​កាន់តែ​ទូលំទូលាយ​មាន​ប្រសិទ្ធភាព​ខ្ពស់​ស្មើ​នឹង​ប្រទេស​នានា​នៅ​ក្នុង​តំបន់​ និង​ចូលរួម​​ជួយ​កាត់​បន្ថយ​រាល់​ការ​ចំណាយ​មិន​ចាំបាច់​ជាច្រើន​ដែល​ប្រជាជន​កម្ពុជា​ធ្លាប់​បាន​ទៅ​ស្វែងរក​សេវាកម្ម​ផ្នែក​សុខភាព​នៅ​បរទេស​។