លោក វ៉ា គឹមហុង ប្រធានគណៈកម្មាធិការទទួលបន្ទុកកិច្ចការងារព្រំដែន បានមានប្រសាសន៍ក្រោយកិច្ចប្រជុំដែលបានជាប់គាំងជាមួយនឹងភាគីវៀតណាមកាលពីម្សិលមិញថា ការទាមទាររបស់ភាគីវៀតណាម គឺហួសដែនសមត្ថកិច្ចរបស់លោក ដែលធ្វើការផ្អែកទៅតាមគោលការណ៍ដែលបានសម្រេចពីថ្នាក់កំពូលនៃប្រទេសទាំងពីរ។ លោកថាភាគីចចាររបស់វៀតណាមកំពុងតែរំលោភទៅលើសេចក្តីសម្រេចរួមដែលលោកមិនអាចទទួលយកបាន។