ជុំវិញករណីបាត់ក្មេង ១៥ករណី នៅ១០ខេត្តទូទាំងប្រទេសក្នុងពេលថ្មីៗនេះ មានតែ១ករណីប៉ុណ្ណោះ ដែលជាករណីចាប់ជំរិតដែលកើតឡើងនៅខេត្តកំពង់ស្ពឺ ករណីចាប់ក្មួយបង្កើតដើម្បីជំរិតយកលុយ ហើយមិនមានករណីចាប់ក្មេងវះយកគ្រឿងក្នុងនោះទេ។ នេះបើតាមការអះអាងរបស់លោក កៀត ច័ន្ទថារិទ្ធ អ្នកនាំពាក្យអគ្គស្នងការនគរបាលជាតិ បន្ទាប់ពីបញ្ចប់ពិធីបូកសរុប ដកស្រង់បទពិសោធន៍បឋម ការអនុវត្តការងារនគរបាល ខេត្តបាត់ដំបង ខេត្តក្រចេះ និងខេត្តព្រៃវែង កាលពីថ្ងៃទី ៣១ ខែកក្កដា ឆ្នាំ២០១៧។