ប្រតិកម្មរបស់សាលារាជធានីភ្នំពេញ អំពីគំនូរលើអគារប៊ូឌិញ បានបង្ករជាព្រឹត្តិការណ៍កក្រើកលើបណ្ដាញសង្គមហ្វេសប៊ុក និងស្រទាប់មហាជនដែលបណ្ដាលឲ្យមនុស្សរាប់ពាន់នាក់ធ្វើការចែករំលែកពីមួយទៅមួយ និងបញ្ចេញមតិផ្សេងៗគ្នាកាលពីសប្ដាហ៍មុន។ ប្រតិកម្មនោះគឺជាការប្រកាសលុបចោល គំនូរលើជញ្ជាំងអំពីស្ត្រីដេរប៉ាក់ម្នាក់ ដែលរស់នៅក្នុងអាគារប្រវត្តិសាស្ត្រដ៏ចម្រូងចម្រាស់ ដែលប្រសូតឡើងក្រោមការដឹកនាំរបស់អតីតព្រះមហាក្សត្រ ព្រះបរមរតនៈកោដ្ឋ ក្នុងសង្កាត់ទន្លេបាសាក់ រាជធានីភ្នំពេញ។