.jpg)
ខេត្ដព្រះសីហនុ: កោះឋានសួគ៌ ឆ្នេរភ្លោះ បើកឆ្នេរស្វាគមន៍ភ្ញៀវទេសចរ ដែលប៉ងប្រាថ្នាចង់តាំងពីមើលរូបក្នុងហ្វេសប៊ុកយ៉ាងភ្លូកទឹកភ្លូកដីនៅលើដែនកោះសម្បូរដើមដូង ឆ្នេរស្រស់ស្អាត ព្រែកទឹកថ្លា និងការស្នាក់នៅប្រកបដោយជីវិតឯកជនក្រោមធម្មជាតិបំព្រង។
មិនចាំបាច់ខ្វល់ពីការស្វែងរកគោលដៅលើផ្ទៃសាគរ ភ្ញៀវទេសចរគ្រាន់តែទៅកាន់កំពង់ផែអូរឈើទាលជាចំណតនាវាល្បឿនលឿន Island Speed Ferry Cambodia ដែលមានភារៈជូនភ្ញៀវដល់កោះត្រើយ គួបនឹងសេវាកម្មផ្សេង។ ផ្ដើមដំណើរពីកំពង់ផែអូរឈើទាល ឆ្លងកាត់ក្បែរកោះរ៉ុង ទៅឆ្នេរ Long Beach ឆ្នេរសុខសាន្ដ ទើបទៅដល់កោះឋានសួគ៌ ឆ្នេរភ្លោះដែលប្រើពេល ១ ម៉ោង ២០ នាទី ភ្ញៀវទេសចរនឹងជញ្ជក់មាត់កោតសរសើរពីសម្រស់ទីលម្ហែថ្មីស័ក្ដិសមសម្រាប់គូស្នេហ៍ ក្រុមគ្រួសារ និងមិត្ដភក្ដិ។
