ចាប៉ីវិវឌ្ឍន៍ខ្លួនដើម្បីប្រគុំក្នុងវង់ភ្លេងទំនើប។ លោក ឡុង បូរ៉ារិទ្ធ វិស្វករអគ្គិសនី អេឡិចត្រូតិច និងសំណង់ បានស្វែងយល់ថា ការលេងឧបករណ៍តន្ត្រីបុរាណ ដោយប្រើម៉ៃក្រូហ្វូនជំនួយខាងក្រៅដើម្បីបំពងសម្លេងគឺនាំឲ្យភាពពិរោះរណ្តំនៃឧបករណ៍តន្រ្តីបុរាណខ្មែរបាត់បង់គុណភាព៤០ភាគរយ។ ដោយចាប់ផ្តើមជាមួយចាប៉ីដងវែង ឥឡូវនេះភាពជោគជ័យរបស់លោក បានជម្រុញឲ្យគាត់ពង្រីកកំលាំងរោងជាងកែឆ្នៃឧបករណ៍តន្ត្រីបុរាណខ្មែរផ្សេងទៀតដើម្បីធានាវត្តមានរបស់វានៅក្នុងសង្គមខ្មែរសម័យទំនើប។