កោះកុង: ជាទីចំណតអូប័រចម្លងភ្ញៀវទៅកាន់កោះស្ដេច កោះខ្មោច កោះស្មាច់ កោះឆាន់ និងកោះអណ្ដើក ពយជប៉ុនគឺជាទីប្រជុំជនសម្រាប់ទាំងអ្នកស្រុកប្រជុំកោះ និងភ្ញៀវទេសចររាប់រយនាក់ក្នុងមួយថ្ងៃ។
ខណៈភ្ញៀវទេសចរមួយចំនួនតាំងចិត្ដនឹកស្រមៃរំពៃពីផ្ទះប្រាថ្នាចង់ទៅកម្សាន្ដនៅលើដែនកោះដោយមិនចាប់ភ្លឹកចំពោះសម្រស់ទីឋានចម្លងដ៏ស្រស់ត្រកាលនៅកៀកបង្កើយ ឆ្នេរពយជប៉ុនរំលេចនូវទឹកថ្លាឈ្វេង និងជម្រាលរាក់ៗលើខ្សាច់ពណ៌សក្បុសស័ក្ដិសមសម្រាប់ក្រុមគ្រួសារដែលកូនតូចៗមិនចង់ប្រថុយឆ្វេចឆ្វាចតាមប្រជុំកោះ។