ប្រជាជនបុរីកីឡាមួយក្រុមបានហាមឃាត់សកម្មជនដីធ្លីបុរីកីឡាមិនឲ្យធ្វើការរៀបចំថ្ងៃច័ន្ទព័ណ៌ខ្មៅសប្ដាហ៍ទី ៤០ ដោយលើកហេតុផលថានេះគឺជាការលាបព័ណ៌នយោបាយ។ ថ្ងៃច័ន្ទព័ណ៌ខ្មៅធ្វើឡើងកាលពីព្រឹកថ្ងៃទី៦ ខែកុម្ភៈ ឆ្នាំ២០១៦ នៅក្រោយអាគារបុរីកីឡា។
នេះជាសប្ដាហ៍ទី២ហើយ ដែលថ្ងៃច័ន្ទព័ណ៌ខ្មៅរៀបចំឡើងដោយមិនមានវត្តមានក្រុមអ្នកតវ៉ាដីធ្លីដំបន់បឹងកក់ចូលរួមដោយលើកឡើងថាពួកគាត់ជាប់រវល់ដាក់ញត្តិទៅតវ៉ាទៅស្ថាប័ននានា។ លោកស្រី សយ សន តំណាងសហគតបុរីកីឡាក៏បានប្រាប់ឲ្យដឹងផងដែរថាទោះជាមានការរារាំងយ៉ាងណាអ្នកស្រីនៅតែបន្តរៀបចំកម្មវិធីនេះដដែល។
គួររំឭកឡើងវិញផងដែរថាអ្នកស្រី ទេព វន្នី ត្រូវបានចាប់ខ្លួនរួមជាមួយ អ្នកស្រី បូវ សោភាកាលពីថ្ងៃទី១៦ ខែសីហា ឆ្នាំ២០១៦ ពីបទប្រមាថតាមមាត្រា ៥០២ ក្នុងពេលរៀបចំកម្មវិធីថ្ងៃច័ន្ទព័ណ៌ខ្មៅទី១៥។ បន្ទាប់ពីឃុំខ្លួនអស់រយៈពេល ៦ថ្ងៃ នៅថ្ងៃទី២២ខែសីហា ឆ្នាំ២០១៦ អ្នកស្រី បូវ សោភា ត្រូវបានដោះលែងឲ្យមានសេរីភាព ចំណែកឯអ្នកស្រី ទេព វន្នី នៅតែជាប់ឃុំខ្លួនពាក់ព័ន្ធបទចោទមួយករណីទៀត គឺបទបង្កអំពើហិង្សានៅមុខភូមិគ្រឹះលោកនាយករដ្ឋមន្ត្រីកាលពីឆ្នាំ២០១៣។