បញ្ហាការចរាចរណ៍ប្រាក់រៀលដែលជារូបិយប័ណ្ណជាតិ ត្រូវបានលើកឡើងដោយធនាគារជាតិនៃកម្ពុជាកាលពីថ្ងៃទី២០ ខែមីនា ២០១៦ ក្នុងទិវាអបអរសាទរ ការដាក់ចរាចរប្រាក់រៀលឡើងវិញលើកទី៣៦ ធ្វើឡើងនៅវិទ្យាស្ថាន សហប្រតិបត្តិការកម្ពុជាជប៉ុន។ ការលើកឡើងនេះគឺសំដៅដល់ការលើកទឹកចិត្ត និងជំរុញឲ្យមានការប្រើប្រាស់ក្រដាសប្រាក់រៀលគ្រប់កាលៈទេសៈជាជាងការប្រើក្រដាសប្រាក់បរទេសជំនួសក្នុងចាយវាយប្រចាំថ្ងៃក្នុងប្រទេស។ តាមការឲ្យដឹងពីធនាគារជាតិ ទំនោរចាយរូបិយប័ណ្ណបរទេសគឺបានធ្វើឲ្យមានការខាតបង់ដ៏ធំក្នុងសេដ្ឋកិច្ចជាតិ។ ដែលបញ្ហានេះចាំបាច់ត្រូវការការស្ម័គ្រចិត្ត ចូលរួមដោះស្រាយទាំងអស់គ្នា។