.jpg)
កម្ពុជានៅតែឈរជើងជាប់ក្នុងសន្ទស្សន៍ប្រទេសដែលមានអំពើពុករលួយខ្លាំង នេះបើយោងតាមរបាយការណ៍វាយតម្លៃឆ្នាំ ២០១៥ របស់អង្គការតម្លាភាពអន្តរជាតិ។ របាយការណ៍ដដែលនេះក៏បានគូសបង្ហាញថា អំពើពុករលួយក្នុងប្រទេសកម្ពុជាមានសភាពអាក្រក់ខ្លាំងជាងគេក្នុងចំណោមប្រទេសរាប់បញ្ចូលក្នុងតំបន់អាស៊ានទាំងមូល។ សេចក្តីប្រកាសនេះបានធ្វើឡើងកាលពីថ្ងៃទី២៧ ខែមករា ឆ្នាំ ២០១៦ ដោយអង្គការតម្លាភាពកម្ពុជាស្ដីពីការដាក់ពិន្ទុ និងលេខរៀងឲ្យប្រទេស ចំនួន ១៦៨ នៅទូទាំងពិភពលោក ចំពោះការយល់ឃើញពីកម្រិតនៃអំពើពុករលួយក្នុងវិស័យសាធារណៈ។
