អ្នកដំណើរចំនួនប្រមាណជាង ៣០០នាក់បានជ្រើសយកមធ្យោបាយតាមរថភ្លើងដើម្បីធ្វើដំណើរទៅកាន់បណ្ដាខេត្តភាគខាងត្បូងប្រទេសកម្ពុជាពីរាជធានី និងត្រលប់មកវិញ ជារៀងរាល់ថ្ងៃ ក្នុងកំឡុងបុណ្យចូលឆ្នាំ។ ការដាក់ដំណើរការសាកល្បងនេះ គឺបង្ហាញពីក្ដីសង្ឃឹមជាថ្មីដល់វិស័យដឹកជញ្ជូនអ្នកដំណើរតាមផ្លូវដែកនៅព្រះរាជាណាចក្រនេះក្រោយពីបានផ្អាកទៅវិញកាលពី១៥ឆ្នាំមុន។