ក្រុងសែនរមនោរម្យ: ផ្ទះកូនក្រមុំគ្រឹងដ៏តូចច្រឡឹង កូនកំលោះគ្រឹងតូចខ្ពស់ ផ្ទះគ្រួសារគ្រឹង និងផ្ទះពូនង ដែលសង់ប្រដេញគ្នាក្បែរជម្រាលភ្នំអមដោយសួនស្មៅ សួនដំណាំ ផ្កាចម្រុះពណ៌ និងរុក្ខជាតិតូចធំ ត្រូវបានប្រែក្លាយជាបន្ទប់ស្នាក់ ស្វាគមន៍ភ្ញៀវទេសចរដែលប្រាថ្នាបទពិសោធរស់នៅបែបជនជាតិភាគតិច នៅក្រុងសែនមនោរម្យ ទឹកដីខេត្តមណ្ឌលគិរី។
ភ្ញៀវមកកាន់ផ្ទះសំណាក់ជនជាតិដើមភាគតិចមិនត្រឹមតែអាចស្នាក់អាស្រ័យក្នុងបន្ទប់ធម្មតាប៉ុណ្ណោះទេ ប៉ុន្ដែថែមទាំងអាចភ្លក្សរសជាតិអាហារ និងការកម្សាន្ដបែបជនជាតិដើមភាគតិចផងដែរ។